| ຫວຽດນາມແບ່ງປັນບົດຮຽນຢູ່ ກອງປະຊຸມ ຂອງສະຫະປະຊາຊາດກ່ຽວກັບເຕັກໂນໂລຢີ ດີຈີຕອນ | |
| ຫວຽດນາມມີຄວາມເອົາໃຈໃສ່ຕິດຕາມບັນດາການຜັນແປຢູ່ໂຊມາລີ |
ໃນວັນທີ 7 ກັນຍານີ້ (ຕາມເວລານິວຢອກ), ສະພາຄວາມໝ້້ນຄົງສະຫະປະຊາຊາດ ໄດ້ຈັດຕັ້ງກອງປະຊຸມ ເພື່ອຮັບຟັງບົດລາຍງານຂອງກຸ່ມຜູ້ອາວຸໂສ (“The Elders”) ກ່ຽວກັບການຮັບມືກັບບັນດາສິ່ງທ້າທາຍ ຕໍ່ສັນຕິພາບ ແລະ ຄວາມໝ້້ນຄົງສາກົນ.
 |
| ທ່ານເອກອັກຄະລັດຖະທູດ ດັ້ງດີງກູຍ. ພາບ:TTXVN |
ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດີງກູຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳສະຫະປະຊາຊາດ ໄດ້ຢືນຢັນການຍົກສູງລັດທິຫຼາຍຝ່າຍ ບົນພື້ນຖານກົດໝາຍສາກົນ ແລະ ບົດບາດໃຈກາງຂອງສະຫະປະຊາຊາດ ໃນການປ້ອງກັນ ແລະ ແກ້ໄຂບັນດາສິ່ງທ້າທາຍທົ່ວໂລກ; ຮຽກຮ້ອງໃຫ້ສະພາຄວາມໝັ້ນຄົງສຸມໃສ່ການປ້ອງກັນ ແລະ ແກ້ໄຂການປະທະກັນ ແລະ ສ້າງສາຄວາມສັນຕິພາບ, ແລະ ຊຸກຍູ້ຄວາມເປັນເຫັນດີເຫັນພ້ອມຊຶ່ງກັນແລະກັນ.
ທ່ານເອກອັກຄະລັດຖະທູດ ດັ້ງດີງກູຍ ໄດ້ເນັ້ນໜັກ, ຮຽກຮ້ອງການປັບປຸງສະພາຄວາມໝັ້ນຄົງຕາມທິດຮັບປະກັນຄວາມໂປ່ງໃສ, ປະຊາທິປະໄຕ, ລັກສະນະເປັນຕົວແທນ ແລະ ມີປະສິດທິຜົນ; ສະພາຄວາມໜັ້ນຄົງ ຄວນສະໜັບສະໜູນບົດບາດຂອງອົງການຈັດຕັ້ງພາກພື້ນ ເຊັ່ນ: ສະຫະພາບອາຟຣິກາ (AU) ໃນການຮັກສາສັນຕິພາບ ແລະ ຄວາມໝ້້ນຄົງສາກົນ ແລະ ພາກພື້ນ, ໃນນັ້ນ ອາຊຽນ ໄດ້ ແລະ ພວມມີບົດບາດເປັນໃຈກາງໃນໂຄງປະກອບຄວາມໝັ້ນຄົງຂອງພາກພື້ນ; ເອົາໃຈໃສ່ ແລະ ຊຸກຍູ້ມາດຕະການແກ້ໄຂສິ່ງທ້າທາຍໃໝ່ ບົນພື້ນຖານການປະຕິບັດຕາມກົດບັດສະຫະປະຊາຊາດ ແລະ ກົດໝາຍສາກົນ.
ຄຳຮຸ່ງ
