ສະຫະປະຊາຊາດໃຫ້ຄຳໝັ້ນສັນຍາໜູນຊ່ວຍຫວຽດນາມ ໃນການຮັບປະກັນຄວາມໝັ້ນຄົງທາງທະເລ

	ກົດໝາຍວ່າດ້ວຍຕຳຫຼວດທະເລ: ບົດບາດທີ່ຈຳເປັນໃນການປົກປັກຮັກສາປະເທດຊາດ
	ບົດບາດຂອງກຸ່ມເພື່ອນມິດຂອງ UNCLOS ໃນບັນດາການເຄື່ອນໄຫວຢູ່ທະເລ ແລະ ມະຫາສະໝຸດ

ກອງປະຊຸມໄດ້ຈັດຂຶ້ນໃນຕອນບ່າຍຂອງວັນທີ 6 ກັນຍາ (ຕາມເວລາທ້ອງຖິ່ນ) ເນື່ອງໃນໂອກາດທີ່ ທ່ານປະທານສະພາແຫ່ງຊາດ ເວືອງດິ່ງເຫ້ວ ເຂົ້າຮ່ວມກອງປະຊຸມບັນດາປະທານສະພາແຫ່ງຊາດໂລກ ຄັ້ງທີ 5 ທີ່ປະເທດໂອຕຣິດ. ທີ່ກອງປະຊຸມ, ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ຢືນຢັນວ່າ: ສະຫະປະຊາຊາດ ຍາມໃດກໍ່ມີທີ່ຕັ້ງບົດບາດສຳຄັນ ໃນນະໂຍບາຍການຕ່າງປະເທດຂອງຫວຽດນາມ, ຮ່ວມເດີນທາງກັບຫວຽດນາມ ໃນພາລະກິດແຫ່ງການສ້າງສາ ແລະ ພັດທະນາປະເທດຊາດ; ສ້າງເງື່ອນໄຂສະດວກໃຫ້ແກ່ການພັດທະນາ, ຍົກສູງທີ່ຕັ້ງ ແລະ ພາບພົດຂອງຫວຽດນາມໃນເວທີສາກົນ; ປະກອບສ່ວນເຮັດໃຫ້ການພົວພັນຫວຽດນາມ ກັບບັນດາປະເທດໃນໂລກເລິກເຊິ່ງກວ່າອີກ.

ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ພົບປະກັບຫົວໜ້າຫ້ອງການສະຫະປະຊາຊາດ (ສປຊ) ທີ່ປະເທດ ໂອຕຣິດ Ghada Fathi Waly.

ທ່ານປະທານສະພາແຫ່ງຊາດ ເວືອງດິ່ງເຫ້ວ ຫວັງວ່າ ສະຫະປະຊາຊາດຈະສືບຕໍ່ໜູນຊ່ວຍ ຫວຽດນາມໃນການພັດທະນາເສດຖະກິດ ແລະ ແກ້ໄຂຜົນກະທົບຫຍໍ້ທໍ້ຈາກພະຍາດ COVID-19 ຕໍ່ຊີວິດການເປັນຢູ່ຂອງປະຊາຊົນ. ສະຫະປະຊາຊາດ ສືບຕໍ່ເສີມຂະຫຍາຍບົດບາດຂອງຕົນ ໃນການຮັກສາສັນຕິພາບ ແລະ ຄວາມໝັ້ນຄົງສາກົນ, ຊຸກຍູ້ການເຄົາລົບກົດໝາຍສາກົນ; ໜູນຊ່ວຍບັນດາປະເທດ, ລວມທັງປະເທດຫວຽດນາມ ໃນການຈັດຕັ້ງປະຕິບັດໂຄງການດຳເນີນງານເພື່ອການພັດທະນາແບບຍືນຍົງ, ໂດຍສະເພາະ ໃນສະພາບການໂລກມີການປ່ຽນແປງຢ່າງເລິກເຊິ່ງ ທີ່ເກີດຈາກການແຜ່ລະບາດຂອງພະຍາດ COVID-19.

ທ່ານນາງ Ghada Fathi Waly ໄດ້ຢືນຢັນຄຳໝັ້ນສັນຍາຂອງສະຫະປະຊາຊາດ ໃນການສືບຕໍ່ເພີ່ມທະວີການຮ່ວມມືກັບຫວຽດນາມ. ສະຫະປະຊາຊາດ ສືບຕໍ່ສຸມໃສ່ເພີ່ມທະວີການຮ່ວມມືກັບລັດຖະສະພາຂອງບັນດາປະເທດ, ໃນນັ້ນມີສະພາແຫ່ງຊາດຫວຽດນາມ.

ທ່ານນາງ Ghada Fathi Waly ໄດ້ຕີລາຄາສູງ ແລະ ສະໜັບສະໜູນຂໍ້ສະເໜີຂອງຫວຽດນາມ ທີ່ຍົກອອກຢູ່ໃນວາລະປຶດສາຫາລືເປີດຂັ້ນສູງທາງໄກ ຄັ້ງທໍາອິດກ່ຽວກັບການເພີ່ມທະວີຄວາມປອດໄພທາງທະເລທີ່ຈັດໂດຍສະພາຄວາມໝັ້ນຄົງສະຫະປະຊາຊາດ; ຢືນຢັນວ່າສະຫະປະຊາຊາດພ້ອມແລ້ວທີ່ຈະໜູນຊ່ວຍຫວຽດນາມ ໃນການຮັບປະກັນຄວາມປອດໄພໃນການເດີນທະເລ…

ໃນວັນດຽວກັນ, ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ມີການພົບປະກັບປະທານສະພາຕໍ່າອິນໂດເນເຊຍ Puan Maharani, ສະເໜີໃຫ້ສອງຝ່າຍສົມທົບກັນເພື່ອແກ້ໄຂບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ ຄື: ການຄ້າຂາຍສິນຄ້າ, ສ້າງເງື່ອນໄຂສະດວກກວ່າ ໃຫ້ແກ່ຫວຽດນາມ ໃນການສົ່ງອອກຜະລິດຕະພັນກະເສດ, ໝາກໄມ້, ການປະພຶດມະນຸດສະທຳສຳຫຼັບຊາວປະມົງຫວຽດນາມ, ຊຸກຍູ້ການເຈລະຈາກ່ຽວກັບການກຳນົດເຂດເສດຖະກິດສິດພິເສດ ລະຫວ່າງສອງປະເທດ...