ກົດໝາຍວ່າດ້ວຍຕຳຫຼວດທະເລ: ບົດບາດທີ່ຈຳເປັນໃນການປົກປັກຮັກສາປະເທດຊາດ

16:45 | 02/09/2021

ຍສໝ - ຕໍ່ໜ້າການຜັນແປຢ່າງສັບສົນຢູ່ທະເລໃນປັດຈຸບັນ, ເປັນຕົ້ນແມ່ນການຂັດແຍ້ງອະທິປະໄຕທາງທະເລ, ໝູ່ເກາະ, ການຄ້າເຖື່ອນ, ການລ່ວງລຳ້ເຂດທະເລ ໃນການຂຸດຄົ້ນສິນໃນນ້ຳ, ສິນທະເລ... ແລະ ທ່າອ່ຽງໃນການເຊື່ອມໂຍງເຂົ້າກັບສາກົນ, ກົດໝາຍວ່າດ້ວຍຕຳຫຼວດທະເລ ແມ່ນເຄື່ອງມືທີ່ແຫຼມຄົມ, ແມ່ນພື້ນຖານນິຕິກຳໃຫ້ແກ່ກຳລັງຕຳຫຼວດທະເລປະຕິບັດກົດໝາຍໃນທະເລຢ່າງແທ້ຈິງ, ປະກອບສ່ວນໃນການຄຸ້ມຄອງ, ຮັກສາອະທິປະໄຕ, ສິດອະທິປະໄຕ, ສິດໃນການຕັດສິນ, ຄວາມໝັ້ນຄົງແຫ່ງຊາດ ແລະ ຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພຢູ່ບັນດາເຂດທະເລ ຫວຽດນາມ.

	ຂໍ້ລິເລີ່ມຂອງ ຫວຽດນາມ ກ່ຽວກັບຄວາມໝັ້ນຄົງທາງທະເລໄດ້ຮັບການຕີລາຄາສູງ
	ຢັ້ງຢືນບົດບາດຂອງການເຄົາລົບກົດໝາຍສາກົນໃນບັນຫາທະເລຕາເວັນອອກ

ກົດໝາຍວ່າດ້ວຍຕຳຫຼວດທະເລ: ບົດບາດທີ່ຈຳເປັນໃນການປົກປັກຮັກສາປະເທດຊາດ

ພາບປະກອບ

ດ້ວຍເສັ້ນທາງແຄມຝັ່ງທະເລທີ່ມີຄວາມຍາວກ່ວາ 3.260 ກີໂລແມັດ, ມີເກາະກ່ວາ 3000 ແຫ່ງ ແລະ ເຂດເສດຖະກິດພິເສດ, ດິນຕໍ່ແຜ່ນທີ່ກວ້າງໃຫຍ່, ຫຼາຍປີຜ່ານມາ, ທະເລໝູ່ເກາະ ໄດ້ນຳມາເຊິ່ງ ແຫຼ່ງຜົນປະໂຫຍດບໍ່ແມ່ນໜ້ອຍ, ປະກອບສ່ວນເຂົ້າໃນການພັດທະນາເສດຖະກິດຂອງປະເທດເຮົາ.

ແຕ່ການເຄື່ອນໄຫວນັບມື້ນັບຄຶກຄຶ້ນຂອງບັນດາຂະແໜງເສດຖະກິດທະເລ ພ້ອມກັບບັນດາບັນຫາຄວາມໝັ້ນຄົງແບບໃໝ່ທີ່ຫາກໍ່ເກີດຂຶ້ນ ແລະ ສະພາບການລະເມີດກົດໝາຍ, ອາດຊະຍາກຳໃນທະເລນັບມືນັ້ບເພີ່ມຂຶ້ນໄດ້ກໍ່ຜົນກະທົບຫຍໍ້ທໍ້ຫຼາຍຢ່າງຕໍ່ສິ່ງແວດລ້ອມ, ຊັບພະຍາກອນທຳມະຊາດ, ທຳມະຊາດທະເລ, ພິເສດແມ່ນຄວາມສ່ຽງຂາດສະຖຽນລະພາບ ກ່ຽວກັບຄວາມໝັ້ນຄົງ, ຄວາມປອດໄພໃນການເດີນເຮືອ.

ໂດຍຮັບຮູ້ໄດ້ສິ່ງນັ້ນ, ໃນຊຸມປີຜ່ານມາ, ພັກ, ລັດໄດ້ມີຫຼາຍແຜນນະໂຍບາຍ, ນະໂຍບາຍເພີ່ມທະວີວຽກງານຮັກສາຄວາມເປັນລະບຽບຮຽບຮ້ອຍ, ຄວາມໝັ້ນຄົງ, ຄວາມປອດໄພ, ຮັກສາອະທິປະໄຕຂອງບັນດາເຂດທະເລ, ໝູ່ເກາະຂອງປະເທດຊາດ, ເພື່ອແນໃສ່ຂຸດຄົ້ນບັນດາແຫຼ່ງຜົນປະໂຫຍດຈາກທະເລ.

ພາຍຫຼັງການສ້າງຕັ້ງມາເປັນເວລາ 20 ປີ, ພວກເຮົາໄດ້ເປັນເຈົ້າການໃນການເຂົ້າຮ່ວມສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (1982), ປະກາດໃຊ້ນິຕິບັນຍັດວ່າດ້ວຍກຳລັງຕຳຫຼວດທະເລ ຫວຽດນາມ.

ເມື່ອໃຫ້ຄຳເຫັນກ່ຽວກັບການຜັນຂະຫຍາຍກົດໝາຍວ່າດ້ວຍຕຳຫຼວດທະເລ ຫວຽດນາມ ມາເປັນເວລາ 2 ປີ, ທ່ານພົນຈັດຕະວາ ບຸຍກວັກອວຍ, ຜູ້ຮັບຜິດຊອບດ້ານການເມືອງ ຕຳຫຼວດທະເລ ໃຫ້ຮູ້ວ່າ: ພາຍຫຼັງການຜັນຂະຫຍາຍກົດໝາຍມາເປັນເວລາ 2 ປີ, ໄດ້ປະກອບສ່ວນເຂົ້າໃນການຍົກສູງຄວາມຮັບຮູ້, ເຈດຈຳນົງດ້ານກົດໝາຍຂອງທຸກຂັ້ນ, ທຸກຂະແໜງການ ແລະ ປະຊາຊົນໝົດທຸກຄົນ ກ່ຽວກັບວຽກງານຄຸ້ມຄອງແຫ່ງລັດດ້ວຍກົດໝາຍໃນບັນດາເຂດທະເລ, ໝູ່ເກາະຂອງປະເທດຊາດກໍ່ຄືທີ່ຕັ້ງ, ບົດບາດ, ພາລະບົດບາດ, ໜ້າທີ່ຂອງກຳລັງຕຳຫຼວດທະເລ.

ພິເສດ, ດ້ວຍພື້ນຖານຮາກຖານນິຕິກຳທີ່ໝັ້ນຄົງ ແມ່ນບັນດາຂໍ້ກຳນົດໃນກົດໝາຍວ່າດ້ວຍການຈັດຕັ້ງ, ພາຫະນະ, ອຸປະກອນ... ຂອງກຳລັງ, ຄວາມຮຽກຮ້ອງສ້າງຕຳຫຼວດທະເລ ຫວຽດນາມ ປັດຈຸບັນຕາມທິດກະທັດລັດ, ເຂັ້ມແຂງ ໄດ້ຮັບການຜັນຂະຫຍາຍປະຕິບັດຢ່າງຕັ້ງໜ້າ, ມີປະສິດທິຜົນ, ຕອບສະໜອງຄວາມຮຽກຮ້ອງໜ້າທີ່ຂອງກຳລັງໃນສະພາບການໃໝ່ ນັບມື້ນັບດີກ່ວາ.

ໃນໄລຍະຈະມາເຖິງ, ເພື່ອສືບຕໍ່ນຳກົດໝາຍວ່າດ້ວຍທະເລ ຫວຽດນາມເຂົ້າໃນການດຳລົງຊີວິດ, ໄປເຖິງພໍ່ແມ່ຊາວປະມົງທີ່ໄປຫາປາໃນທະເລ ໂດຍກົງ, ກອງບັນຊາການຕຳຫຼວດທະເລ ຈະສືບຕໍ່ຍູ້ແຮງວຽກງານໂຄສະນາເຜີຍແຜ່ສຸມໃສ່ຢູ່ບັນດາອົງການ, ຫົວໜ່ວຍໃນທົ່ວກຳລັງ ແລະ ບັນດາທ້ອງຖິ່ນແຕ່ຂັ້ນຕາແສງ, ເປັນຕົ້ນແມ່ນບັນດາທ້ອງຖິ່ນແຄມທະເລ. ຈາກນັ້ນ, ເພື່ອໃຫ້ປະຊາຊົນເຂົ້າໃຈຕື່ມອີກກ່ຽວກັບວຽກງານຄຸ້ມຄອງແຫ່ງລັດ ດ້ວຍກົດໝາຍໃນບັນດາເຂດທະເລໝູ່ເກາະ, ພ້ອມກັນຮ່ວມແຮງຮ່ວມໃຈກັບກຳລັງຕຳຫຼວດທະເລ ຫວຽດນາມ, ປະຕິບັດໜ້າທີ່ປົກປ້ອງອະທິປະໄຕ, ຜົນປະໂຫຍດແຫ່ງຊາດໃນທະເລ, ຮັກສາຄວາມໝັ້ນຄົງ, ຄວາມເປັນລະບຽບຮຽບຮ້ອຍ, ຄວາມປອດໄພໃຫ້ແກ່ບັນດາເຂດທະເລໝູ່ເກາະທີ່ສັກກະລະບູຊາຂອງປະເທດຊາດໃຫ້ເປັນຢ່ງດີ.

ບຸນຄົງ