| ຊາວຫວຽດນາມ ອາໄສຢູ່ ສ.ເກົາຫຼີ ປຸກລະດົມໂຄງການມອບຄວາມຮັກແພງ | |
| ອາຊຽນແມ່ນຈຸດສຸມບຸລິມະສິດໃນນະໂຍບາຍມຸ່ງໄປເຖິງທິດໃຕ້ໃໝ່ຂອງ ສ.ເກົາຫຼີ |
 |
| ທ່ານ ຟ້າມຊວັນທັງ ເລຂາຄະນະພັກແຂວງ ຫ໋າຍເຢືອງ ໃຫ້ການຕ້ອນຮັບທ່ານເອກອັກຄະລັດຖະທູດ Park Noh Wan (ພາບ: haiduong.gov.vn) |
ທ່ານເອກອັກຄະລັດຖະທູດ Park Noh Wan ໄດ້ສະເໜີທາງແຂວງໃຫ້ມີບັນດາການເຄື່ອນໄຫວສົ່ງເສີມລົງທຶນຕື່ມອີກເພື່ອໃຫ້ບັນດາວິສາຫະກິດ ສ.ເກົາຫຼີ ໄດ້ຮັບຂໍ້ມູນ, ຄົ້ນຄ້ວາ ແລະ ລົງທຶນ. ສະຖານທູດ ສ.ເກົາຫຼີ ປະຈຳ ຫວຽດນາມ ພ້ອມແລ້ວທີ່ຈະເປັນຂົວເຊື່ອມຕໍ່ໃຫ້ແກ່ແຂວງຫາຍເຢືອງ ແລະ ບັນດາວິສາຫະກິດ ສ.ເກົາຫຼີ ເພື່ອນັບມື້ນັບດຶງດູດໄດ້ຫຼາຍວິສາຫະກິດທີ່ມີກຳລັງຄວາມສາມາດ, ເໝາະສົມກັບການກຳນົດທິດພັດທະນາຂອງແຂວງໃນການລົງທຶນຢູ່ ຫາຍເຢືອງ.
ທ່ານເອກອັກຄະລັດຖະທູດ Park Noh Wan ໄດ້ສະເໜີໃຫ້ແຂວງ ຫ໋າຍເຢືອງ ສືບຕໍ່ສ້າງເງື່ອນໄຂສະດວກເພື່ອໃຫ້ກຸ່ມບໍລິສັດ LH ຜັນຂະຫຍາຍການລົງທຶນໂຄງການອຸດສາຫະກຳ, ຕົວເມືອງ ແລະ ການບໍລິການປະສົມ ດ້າຍຮຶງ ດ້ວຍຂອບຂະໜາດ 304 Ha, ຍອດເງິນລົງທຶນເກືອບ 500 ລ້ານ USD ຢູ່ເມືອງ ດ້າຍເຊີນ (ຕື້ກີ່) ແລະ ບັນດາໂຄງການຕ່າງໆເຊິ່ງລັດຖະບານ ສ.ເກົາຫຼີ ແລະ ຫວຽດນາມ ພວມຮ່ວມມື, ຜັນຂະຫຍາຍຢູ່ ຫ໋າຍເຢືອງ…
ທີ່ການເຈລະຈາ, ການນຳແຂວງຫ໋າຍເຢືອງ ໄດ້ແນະນຳໂດຍສັງເຂບວິທີການວາງແຜນຜັງເຂດອຸດສາຫະກຳຈຸດສຸມຂອງແຂວງຢູ່ບັນດາເມືອງບິ່ງຢາງ, ແທງມຽນ ໃຫ້ກັບຄະນະປະຕິບັດງານຂອງສະຖານທູດ ສ.ເກົາຫຼີ.
ທ່ານ ຟ້າມຊວັນທັງ ເລຂາຄະນະພັກແຂວງ ຫ໋າຍເຢືອງ ໄດ້ຢັ້ງຢືນວ່າ ຫ໋າຍເຢືອງ ແລະ ເຂດອຸດສາຫະກຳ ກຳລັງໜູນແຂວງ ມີທ່າໄດ້ປຽບທີ່ແຕກຕ່າງກັນຫຼາຍຢ່າງ, ໂດຍສະເພາະແມ່ນຢູ່ເຂດທົ່ງພຽງແມ່ນ້ຳແດງທາງພາກເໜືອ ເພື່ອສືບຕໍ່ຍູ້ແຮງການດຶງດູດການລົງທຶນ. ເຂດອຸດສາຫະກຳ ກຳລັງໜູນແຂວງມີທີ່ຕັ້ງທີ່ສະດວກ, ເນື້ອທີ່ດິນໃຫຍ່, ແຫຼ່ງກຳລັງອຸດົມສົມບູນ ແລະ ໄດ້ຮັບການວາງແຜນຜັງລະບົບພື້ນຖານໂຄງລ່າງຄົບຊຸດທີ່ສະດວກເພື່ອໃຫ້ບັນດານັກລົງທຶນ, ໃນນັ້ນແມ່ນບັນດາວິສາຫະກິດ ສ.ເກົາຫຼີ ມາລົງທຶນຢູ່ບັນດາໂຄງການອຸດສາຫະກຳ, ເຕັກໂນໂລຢີສູງ, ອຸດສາຫະກຳສະໜັບສະໜູນ.
ທ່ານເລຂາຄະນະພັກແຂວງ ມີຄວາມປາດຖະໜາຢາກໃຫ້ທ່ານ ເອກອັກຄະລັດຖະທູດ Park Noh Wan ແນະນຳບັນດາຄວາມສາມາດບົ່ມຊ້ອນ, ທ່າແຮງຂອງ ຫ໋າຍເຢືອງ ແລະ ເຂດອຸດສາຫະກຳ ກຳລັງໜຸນຂອງແຂວງ ເພື່ອໃຫ້ປະຊາຄົມວິສາຫະກິດສ.ເກົາຫຼີ ຄົ້ນຄ້ວາ, ລົງທຶນຢູ່ ຫ໋າຍເຢືອງ. ຫ໋າຍເຢືອງ ຍາມໃດກໍ່ແມ່ນສະຖານທູດດຶງດູດ ແລະ ຈະສ້າງເງື່ອນໄຂສະດວກທີ່ສຸດໃຫ້ແກ່ບັນດາວິສາຫະກິດ ສ.ເກົາຫຼີ ທີ່ມາດຳລົງຊີວິດ ແລະ ເຮັດວຽກ.
ບຸນຄົງ
