| ຫວຽດນາມພັດທະນາການທ່ອງທ່ຽວສອດຄ່ອງກັບການເຕີບໂຕສີຂຽວ ແລະສິ່ງແວດລ້ອມ | |
| ແຂວງເທືອທຽນເຫວ້ ສູ້ຊົນນຳການທ່ອງທ່ຽວ ກາຍເປັນຂະແໜງເສດຖະກິດປາຍແຫຼມ |
ຂໍ້ມູນຈາກກົມໃຫຍ່ການທ່ອງທ່ຽວແຫ່ງຊາດ ຂຶ້ນກັບກະຊວງວັດທະນະທໍາ, ກິລາ ແລະ ທ່ອງທ່ຽວ ໃນວັນທີ 29 ສິງຫາ ໃຫ້ຮູ້ວ່າ ໂປແກລມ "ການທ່ອງທ່ຽວຫວຽດນາມທີ່ປອດໄພ" ໄດ້ລວບລວມເອົາໂປແກຣມ "ການແຈ້ງອາການສຸຂະພາບທາງການແພດ" ຢ່າງເປັນທາງການ ຕາມຂໍ້ກຳນົດຂອງກະຊວງສາທາລະນະສຸກ.
ຂໍ້ມູນທີ່ແຈ້ງ ແມ່ນໄດ້ເຊື່ອມຫາໂດຍກົງກັບລະບົບການຄຸ້ມຄອງການແຈ້ງອາການສຸຂະພາບທາງການແພດ ຂອງຄະນະຊີ້ນໍາລະດັບຊາດ ການປ້ອງກັນ ແລະ ຄວບຄຸມພະຍາດໂຄວິດ -19. ນີ້ແມ່ນໂປແກຣມທີ່ ແທດຈິງ, ເຮັດໃຫ້ຜູ້ໃຊ້ໂປແກຣມ "ທ່ອງທ່ຽວຫວຽດນາມປອດໄພ" ສາມາດແຈ້ງອາການສຸຂະພາບທາງການແພດ ຕາມລະບຽບການໄດ້ໂດຍບໍ່ຕ້ອງປ່ຽນໄປໃຊ້ໂປແກຣມອື່ນ.
 |
| ລວບລວມ "ການແຈ້ງອາການສຸຂະພາບທາງການແພດ" ເຂົ້າໃນໂປແກລມ "ການທ່ອງທ່ຽວທີ່ປອດໄພຢູ່ຫວຽດນາມ" |
ໂປແກຣມ "ການແຈ້ງອາການສຸຂະພາບທາງການແພດ" ແມ່ນສະແດງຢູ່ໃນໜ້າຈໍທໍາອິດ ເມື່ອເຂົ້າໃນໂປແກລມ "ການທ່ອງທ່ຽວທີ່ປອດໄພຢູ່ຫວຽດນາມ"…
ຜູ້ນຳໃຊ້ ສາມາດປະຕິບັດການແຈ້ງອາການສຸຂະພາບທາງການແພດໄດ້ຢ່າງງ່າຍດາຍ, ສະດວກ ແລະ ວ່ອງໄວ ຕາມວິທີການແຈ້ງຕາມຂໍ້ກຳນົດຂອງກະຊວງສາທາລະນະສຸກ. ການແຈ້ງອາການສຸຂະພາບທາງການແພດເປັນປະຈຳ ຈະປະກອບສ່ວນເຂົ້າໃນການຮັບປະກັນຄວາມປອດໄພຂອງນັກທ່ອງທ່ຽວ, ຊ່ວຍໃຫ້ອົງການທີ່ມີໜ້າທີ່ສາມາດຄຸ້ມຄອງ ແລະ ປ້ອງກັນການລະບາດໄດ້ຢ່າງມີປະສິດທິຜົນ.
ອີງຕາມກົມໃຫຍ່ການທ່ອງທ່ຽວແຫ່ງຊາດຫວຽດນາມແລ້ວ, ໄປຄຽງຄູ່ກັບໂປແກຣມ ການແຈ້ງອາການສຸຂະພາບແລ້ວ, ໂປແກລມ ກໍ່ກໍາລັງໄດ້ຮັບການປັບປຸງ, ລວບລວມເອົາຄຸນນະສົມບັດທີ່ສະດວກຫຼາຍຢ່າງ ເຊັ່ນ: ການລົງທະບຽນ ແລະ ການແຈ້ງອາການສຸຂະພາບທີ່ປອດໄພ COVID-19 ສໍາລັບສະຖານທີ່ດຳເນີນທຸລະກິດການທ່ອງທ່ຽວ, ລະບົບການຢັ້ງຢືນການສັກຢາວັກຊີນກັນ COVID-19, ການຕິດຕາມບັນທຶກອາການສຸຂະພາບ, ການປະກັນໄພການທ່ອງທ່ຽວ, ປີ້ອີເລັກໂທຣນິກ, ການຊື້ເຄື່ອງຂອງ ການບໍລິການ ...
ໃນ 8 ເດືອນຜ່ານມາ, ອົງການທ່ອງທ່ຽວແຫ່ງຊາດຫວຽດນາມ ໄດ້ແນະນຳ ແລະ ລາຍງານຕໍ່ກະຊວງ ຍື່ນສະເໜີຕໍ່ນາຍົກລັດຖະມົນຕີ ເພື່ອເຊັນຂໍ້ຕົກລົງອະນຸມັດວຽກງານສ້າງແຜນການວາງແຜນລະບົບການທ່ອງທ່ຽວ ໄລຍະ 2021-2030, ມີວິໄສທັດຮອດປີ 2045; ສົ່ງໂຄງການ “ຮູບຈຳລອງພັດທະນາຜະລິດຕະພັນການທ່ອງທ່ຽວກາງຄືນ;” ຍື່ນສະເໜີ ຕໍ່ລັດຖະມົນຕີ ປະກາດໃຊ້ໂຄງການປະຕິບັດການພັດທະນາການທ່ອງທ່ຽວ 2021-2025 ເພື່ອຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີ 2021-2025...
ຄຳຮຸ່ງ
