| ປະທານ VUFO ສົ່ງຈົດໝາຍຂອບໃຈເພື່ອນມິດສາກົນທີ່ໄດ້ໃຫ້ການໜູນຊ່ວຍ ຜູ້ປະສົບເຄາະຮ້າຍຈາກທາດພິດສີສົ້ມຫວຽດນາມ | |
| VUFO ບໍລິຈາກເງິນເພື່ອສະໜັບສະໜູນ ກອງທຶນວັກຊີນຕ້ານ COVID-19 |
ກ່າວຄຳເຫັນທີ່ການໂອ້ລົມ, ທ່ານນາງເອກອັກຄະລັດຖະທູດ ຫງວຽນເຟືອງງາ ແບ່ງປັນວ່າ ໃນຊຸມປີທີ່ 40 ຂອງສະຕະວັດທີ່ຜ່ານມາ, ປະຊາຊົນອິນເດຍ ແລະ ຫວຽດນາມໄດ້ຕໍ່ສູ້ຢ່າງອົງອາດກ້າຫານ ເພື່ອເອກະລາດ ແລະ ອິດສະລະພາບຂອງປະເທດຊາດ, ກ້າວເຂົ້າສູ່ຍຸກສະໃໝ່ແຫ່ງເອກະລາດ ແລະ ການພັດທະນາ.
ກ່ຽວກັບການພົວພັນຫວຽດນາມ - ອິນເດຍ, ທ່ານນາງເອກອັກຄະລັດຖະທູດ ຫງວຽນເຟືອງງາ ໃຫ້ຮູ້ວ່າ: ປະຊາຊົນຫວຽດນາມ ແລະ ອິນເດຍມີສາຍພົວພັນມິດຕະພາບທີ່ເປັນມູນເຊື້ອ, ມີຄວາມສະໜິດຕິດພັນມາແຕ່ 2000 ປີກ່ອນ, ດ້ວຍການແລກປ່ຽນວັດທະນະທໍາ ແລະ ການເຄື່ອນໄຫວການຄ້າ, ດ້ວຍການນໍາພຸດທະສາສະໜາຈາກອິນເດຍເຂົ້າມາຫວຽດນາມ.
 |
| ທ່ານນາງເອກອັກຄະລັດຖະທູດ ຫງວຽນເຟືອງງາ. |
ພາຍຫຼັງເມື່ອສອງປະເທດໄດ້ຮັບຄວາມເອກະລາດ, ປະທານໂຮ່ຈີມິນ ແລະ ນາຍົກລັດຖະມົນຕີ Jawaharlal Nehru ແມ່ນຜູ້ທີ່ໄດ້ວາງພື້ນຖານອັນໜັກແໜ້ນ ໃຫ້ແກ່ສາຍພົວພັນແບບພິເສດລະຫວ່າງສອງປະເທດ. ຕັ້ງແຕ່ນັ້ນມາ, ສາຍພົວພັນລະຫວ່າງສອງປະເທດ ໄດ້ພັດທະນາໄປສູ່ການເປັນຄູ່ຮ່ວມມືຍຸດທະສາດຮອບດ້ານ (ໃນປີ 2016) ດ້ວຍຜົນສໍາເລັດອັນໃຫຍ່ຫຼວງດ້ານການເມືອງ, ເສດຖະກິດ, ການປ້ອງກັນຊາດ ແລະ ປ້ອງກັນຄວາມສະຫງົບ, ວິທະຍາສາດ ແລະ ເຕັກໂນໂລຊີ, ວັດທະນະທໍາ ແລະ ການສຶກສາ... ການພົວພັນຕ່າງປະເທດປະຊາຊົນ ໄດ້ມີບົດບາດອັນຕັ້ງໜ້າຫຼາຍຢ່າງໃນການປັບປຸງ, ເພີ່ມທະວີ ແລະ ພັດທະນາສາຍພົວພັນນີ້. ການພົວພັນຕ່າງປະເທດປະຊາຊົນ ມີຄວາມສໍາຄັນເປັນພິເສດໃນການເພີ່ມທະວີຄວາມເຂົ້າໃຈ ແລະ ການແບ່ງປັນລະຫວ່າງບັນດາຊາດ, ສ້າງພື້ນຖານ ແລະ ສ້າງການເຊື່ອມມິດຕະພາບລະຫວ່າງບັນດາປະເທດ.
ໃນສະພາບການທີ່ໂລກກໍາລັງປະເຊີນກັບຄວາມຫຍຸ້ງຍາກທີ່ບໍ່ເຄີຍມີມາກ່ອນ ເຊັ່ນ: ການແຜ່ລະບາດຂອງພະຍາດໂຄວິດ -19, ໄພຂົ່ມຂູ່ດ້ານຄວາມໝັ້ນຄົງແບບດັ້ງເດີມ ແລະ ແບບໃໝ່, ການແກ່ງແຍ້ງຂອງບັນດາປະເທດໃຫຍ່, ລັດທິກຳລັງອຳນາດບາດໃຫຍ່, ຄວາມຂັດແຍ້ງດ້ານອະທິປະໄຕທາງທະເລ ແລະ ໝູ່ເກາະ, ສະນັ້ນ ຍິ່ງກວ່າເວລາໃດໝົດແມ່ນຕ້ອງໄດ້ສືບຕໍ່ເພີ່ມທະວີ ແລະ ເສີມຂະຫຍາຍປະສິດທິຜົນຂອງການພົວພັນຕ່າງປະເທດປະຊາຊົນຢ່າງເຂັ້ມແຂງ.
ທ່ານນາງເອກອັກຄະລັດຖະທູດ ຫງວຽນເຟືອງງາ ໄດ້ເນັ້ນໜັກວ່າ: “ພວກເຮົາຕ້ອງເປີດກວ້າງການຮ່ວມມືລະຫວ່າງບັນດາມະຫາວິທະຍາໄລ, ສະຖາບັນຄົ້ນຄ້ວາ, ສື່ມວນຊົນ, ນັກວິຊາການ, ນັກທຸລະກິດ ... ຂອງສອງປະເທດຕື່ມອີກ; ເພີ່ມທະວີກິດຈະກໍາແລກປ່ຽນລະຫວ່າງນັກຮຽນ, ນັກສຶກສາ ແລະ ຊາວໜຸ່ມຂອງສອງປະເທດ; ອົງການຈັດຕັ້ງປະຊາຊົນຂອງສອງປະເທດ ຄວນປະສານສົມທົບກັນເພື່ອຈັດຕັ້ງຫຼາຍກິດຈະກໍາຕົວຈິງ ເພື່ອຂຸດຄົ້ນໄດ້ທ່າແຮງຂອງແຕ່ລະປະເທດ, ຮັບໃຊ້ຄວາມຮຽກຮ້ອງຕ້ອງການໃນການພັດທະນາຂອງແຕ່ລະປະເທດ ແລະ ຕອບສະໜອງຄວາມຕ້ອງການຂອງປະຊາຊົນຂອງສອງປະເທດ.”
ທີ່ການໂອ້ລົມແລກປ່ຽນ, ບັນດາຜູ້ແທນໄດ້ແບ່ງປັນການຕີລາຄາ, ຂໍ້ສັງເກດກ່ຽວກັບເສັ້ນທາງພັດທະນາຂອງອິນເດຍ, ບັນດາທ່າແຮງ ແລະ ຜົນງານຂອງການຮ່ວມມືຫວຽດນາມ - ອິນເດຍ ໃນໄລຍະທີ່ຜ່ານມາ; ສະເໜີບັນດາແຜນການຊຸກຍູ້ການພົວພັນສອງຝ່າຍໃນຫຼາຍຂົງເຂດໃນໄລຍະຈະມາເຖິງ.
ຄຳຮຸ່ງ
