| ບົດຂຽນຂອງທ່ານເລຂາທິການໃຫຍ່ ຢັ້ງຢືນວິໄສທັດອັນຖືກຕ້ອງຂອງພັກ | |
| ເຊື່ອມຊຶມທິດທຳໃຫຍ່ “ຈະແຈ້ງ, ເຂັ້ມງວດ, ໜັກແຟ້ນ, ປະສິດທິຜົນ” ໃນວຽກງານປ້ອງກັນ, ຕ້ານໂລກລະບາດໂຄວິດ - 19 |
 | |
|
ຕາມທ່ານເລຂາທິການໃຫຍ່ ຫງວຽນຝູຈ້ອງ ແລ້ວ, ເພື່ອປະຕິບັດບັນດາຄາດໝາຍ, ຫນ້າທີ່ຊື່ງກອງປະຊຸມໃຫຍ່ຄັ້ງທີ XIII ຂອງພັກ, ກອງປະຊຸມສູນກາງພັກ ຄັ້ງທີ 3 ແລະ ກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ XV ໄດ້ວາງອອກຢ່າງມີໄຊ, ລັດຖະບານ ອາຍຸການ 2021 -2026 ຄວນສືບຕໍ່ເສີມຂະຫຍາຍມູນເຊື້ອອັນສະຫງ່າລາສີ, ບັນດາໝາກຜົນ, ຜົນງານອັນຍິ່ງໃຫຍ່ ແລະ ບັນດາບົດຮຽນ ປະສົບການອັນລ້ຳຄ່າຂອງລັດຖະບານທີ່ບັນລຸໄດ້ຜ່ານໃນໄລຍະຜ່ານມາໃຫ້ຫຼາຍກວ່າ ແລະ ດີກວ່າອີກ, ມານະພະຍາຍາມສູ້ຊົນໃຫ້ສູງກວ່າອີກໃນເສັ້ນທາງແຫ່ງການປ່ຽນແປງໃຫມ່, ຍົກສູງຄຸນນະພາບ, ປະສິດທິຜົນ, ປະສິດທິພາບການເຄື່ອນໄຫວໃນໄລຍະພັດທະນາໃຫມ່.
ສຸມໃສ່ບຸລິມະສິດປະຕິບັດ 6 ຫນ້າທີ່ຈຸດສຸມ ແລະ 3 ຂອດບຸກທະລຸຍຸດທະສາດ, ປະຕິບັດມາດຕະການແກ້ໄຂຜົນກະທົບຈາກໂລກລະບາດໂຄວິດ-19 ຢ່າງຄົບຊຸດ ມີປະສິດທິຜົນ, ຟື້ນຟູ ແລະ ພັດທະນາເສດຖະກິດຢ່າງວ່ອງໄວ; ເສີມຂະຫຍາຍຄຸນຄ່າດ້ານວັດທະນະທຳ, ກຳລັງແຮງຂອງຊາວຫວຽດນາມ ແລະ ກຳລັງແຮງໃນການປະດິດຄິດສ້າງຂອງແຕ່ລະຄົນຢ່າງແຮງກວ່າ; ສ້າງສັງຄົມໃຫ້ເປັນລະບຽບຮຽບຮ້ອຍ, ປອດໄພ, ປອດໄສ, ປະຊາທິປະໄຕ, ຍຸຕິທຳ, ສີວິໄລ, ຮັກສາສະພາບແວດລ້ອມສັນຕິພາບ, ສະຖຽນລະພາບເພື່ອພັດທະນາປະເທດຊາດເທື່ອລະກ້າວ.
ທ່ານເລຂາທິການໃຫຍ່ ຫງວຽນຝູຈ້ອງ ໄດ້ໃສ່ໃຈເປັນພິເສດບາງບັນຫາດັ່ງລຸ່ມນີ້: ກ່ຽວກັບການພັດທະນາເສດຖະກິດ: ຮູບແບບເສດຖະກິດທີ່ຫວຽດນາມ ສ້າງຂຶ້ນ ນັ້ນແມ່ນເສດຖະກິດການຕະຫລາດຕາມການກຳນົດທິດສັງຄົມນິຍົມ, ແມ່ນພື້ນຖານເສດຖະກິດການຕະຫຼາດທີ່ທັນສະໄໝ, ເຊື່ອມໂຍງເຂົ້າກັບສາກົນ, ເຄື່ອນໄຫວຢ່າງຄົບຖ້ວນ, ຄົບຊຸດຕາມບັນດາຫຼັກການຂອງເສດຖະກິດການຕະຫຼາດ, ມີການຄຸ້ມຄອງຂອງລັດແຫ່ງສິດອຳນາດສັງຄົມນິຍົມ, ໂດຍພັກກອມມູນິດ ຫວຽດນາມ ນຳພາ, ຮັບປະກັນຕາມທິດສັງຄົມນິຍົມ, ເພື່ອແນໃສ່ເປົ້າໝາຍປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ມີຄວາມຍຸຕິທຳ, ສີວິໄລ.
ກ່ຽວກັບການພັດທະນາດ້ານວັດທະນະທຳ, ສັງຄົມ: ຕ້ອງຕິດພັນເສດຖະກິດກັບສັງຄົມ, ເປັນເອກະພາບນະໂຍບາຍເສດຖະກິດກັບນະໂຍບາຍສັງຄົມ, ການເຕີບໂຕເສດຖະກິດຕ້ອງໄປຄຽງຄູ່ກັບການປະຕິບັດຄວາມກ້າວຫນ້າ ແລະ ຍຸຕິທຳສັງຄົມ ໃນແຕ່ລະບາດກ້າວ, ແຕ່ລະນະໂຍບາຍ ແລະ ໃນຕະຫລອດວິວັດການພັດທະນາ. ແຕ່ລະນະໂຍບາຍເສດຖະກິດລ້ວນແຕ່ມຸ່ງໄປເຖິງເປົ້າໝາຍພັດທະນາສັງຄົມ, ແຕ່ລະນະໂຍບາຍສັງຄົມລ້ວນແຕ່ຕ້ອງມຸ່ງໄປເຖິງເປົ້າໝາຍພັດທະນາສັງຄົມ, ແຕ່ລະນະໂຍບາຍສັງຄົມຕ້ອງແນໃສ່ສ້າງກຳລັງໜູນ ຊຸກຍູ້ການພັດທະນາເສດຖະກິດ ແລະ ຮັບປະກັນຄວາມກ້າວໜ້າ, ຄວາມຍຸຕິທຳໃນສັງຄົມ, ສົ່ງເສີມວິທີການສ້າງຄວາມຮັ່ງມີທີ່ໄປຄຽງຄູ່ກັບການຮັບປະກັນຊີວິດສັງຄົມ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ເບິ່ງແຍງດູແລຜູ້ທີ່ມີຄຸນງາມຄວາມດີ, ບັນດາຜູ້ປະສົບກັບຄວາມຫຍຸ້ງຍາກ.
ກ່ຽວກັບການເພີ່ມທະວີການປ້ອງກັນຊາດ ປ້ອງກັນຄວາມສະຫງົບ, ການຕ່າງປະເທດ: ຍາມໃດກໍ່ຕ້ອງເອົາໃຈໃສ່ເຖິງການຮັກສາເອກະລາດ, ເປັນເຈົ້າຕົນເອງ; ເພີ່ມທະວີກຳລັງແຮງບົ່ມຊ້ອນດ້ານປ້ອງກັນຊາດ ປ້ອງກັນຄວາມສະຫງົບ, ຍົກສູງຄຸນນະພາບ, ປະສິດທິຜົນການເຄື່ອນໄຫວການຕ່າງປະເທດ, ການເຊື່ອມໂຍງເຂົ້າກັບສາກົນ, ເດັດດ່ຽວ, ຢຶດໝັ້ນຕໍ່ການປົກປັກຮັກສາເອກະລາດ, ອະທິປະໄຕ, ເອກະພາບ, ຜືນແຜ່ນດິນອັນຄົບຖ້ວນ, ເຂດທະເລໝູ່ເກາະ, ເຂດນ່ານຟ້າ, ຮັກສາສະພາບແວດລ້ອມສັນຕິພາບ, ສະຖຽນລະພາບເພື່ອສ້າງສາ ແລະ ພັດທະນາປະເທດຊາດ.
ກ່ຽວກັບການກໍ່ສ້າງອົງການຈັດຕັ້ງ, ກົງຈັກ ແລະ ວຽກງານພະນັກງານ: ລັດຖະບານ ແລະ ອຳນາດການປົກຄອງທຸກຂັ້ນ ຄວນເອົາໃຈໃສ່ເປັນພິເສດ, ປະຕິບັດວຽກງານນີ້ໃຫ້ດີກວ່າເກົ່າ, ປະຕິບັດກົດໝາຍວ່າດ້ວຍອົງການຈັດຕັ້ງຂອງລັດຖະບານ, ກົດໝາຍວ່າດ້ວຍອົງການຈັດຕ້ັງຂອງບັນດາທ້ອງຖິ່ນ ແລະ ບັນດາກົດໝາຍສະບັບຕ່າງໆທີ່ກ່ຽວຂ້ອງເພື່ອແນໃສ່ສ້າງອົງການຈັດຕັ້ງ, ກົນຈັກ ແລະ ພະນັກງານທີ່ປອດໄພ, ໝັ້ນຄົງ, ມີຄຸນນະທາດ, ພູມປັນຍາ, ຄຸນສົມບັດດ້ານການເມືອງ, ແບບແຜນການດຳລົງຊີວິດ ແລະ ລະດັບວິຊາການຢ່າງໝັ້ນແກ່ນ ແລະ ພຽງພໍຢ່າງເຂັ້ມງວດ.
ທ່ານເລຂາທິການໃຫຍ່ ຫງວຽນຝູຈ້ອງ ສະແດງຄວາມເຊື່ອໝັ້ນວ່າ: ລັດຖະບານ ອາຍຸການ 2021 – 2026 ຈະເສີມຂະຫຍາຍບັນດາໝາກຜົນ, ບົດຮຽນ ປະສົບການ ແລະ ມູນເຊື້ອອັນສະຫງ່າລາສີຂອງ 75 ປີຜ່ານມາ, ສືບຕໍ່ປ່ຽນແປງໃຫມ່ການຈັດຕັ້ງ ແລະ ຮູບການເຄື່ອນໄຫວຢ່າງແຮງ, ບັນລຸໄດ້ຫລາຍໝາກຜົນສຳຄັນ, ປະກອບສ່ວນຢ່າງໃຫຍ່ຫລວງກວ່າເຂົ້າໃນພາລະກິດແຫ່ງການປ່ຽນແປງໃຫມ່, ຍູ້ແຮງການຫັນປະເທດຊາດເປັນປະເທດອຸດສາຫະກຳທັນສະໄຫມ, ນຳປະເທດຊາດຂ້າມຜ່ານກ້າວຂຶ້ນສັງຄົມນິຍົມເທື່ອລະກ້າວ, ນຳເອົາຄວາມອີ່ມໜຳສຳລານສົມບູນພູນສຸກມາໃຫ້ປະຊາຊົນ, ເຮັດໃຫ້ປະເທດຊາດຈະເລີນຮຸ່ງເຮືອງ, ສີວິໄລ.
ບຸນຄົງ
