| ມີວັກຊີນກັນໂຄວິດ - 19 ຕື່ມອີກ 3.000.000 ໂດຣ ໄດ້ສົ່ງມາຮອດຫວຽດນາມ. | |
| ມີ ກ່ວາ 900 ຄົນອາສາສະໝັກສັກວັກຊິນກັນໂຄວິດ - 19 nano Covax ຄັ້ງທີ 2 ໄລຍະທີ 3 |
ປັດຈຸບັນ, ໂປຼແກມການຄຸ້ມຄອງການສັກຢາກັນພະຍາດໂຄວິດ -19 ແຫ່ງຊາດ ໄດ້ກຽມພ້ອມໃຫ້ຕອບສະໜອງ 5 ລ້ານໂດສຕໍ່ມື້ ເພື່ອຮັບໃຊ້ຄວາມຕ້ອງການໃນການສັກຢາກັນພະຍາດເພີ່ມທະວີ ແລະ ເປີດກວ້າງຂອງກະຊວງສາທາລະນະສຸກ. ການຜັນຂະຫຍາຍພື້ນຖານການຄຸ້ມຄອງ ການສັກຢາກັນພະຍາດ COVID-19 ແຫ່ງຊາດ ແມ່ນໜ້າທີ່ສຳຄັນ ໂດຍ ທ່ານນາຍົກລັດຖະມົນຕີ, ກະຊວງສາທາລະນະສຸກ, ກະຊວງຖະແຫຼງຂ່າວ ແລະ ການສື່ສານ, ຄະນະຊີ້ນຳແຫ່ງຊາດກ່ຽວກັບການປ້ອງກັນ ແລະ ຄວບຄຸມພະຍາດ COVID-19 ໄດ້ມອບໝາຍໃຫ້ Viettel.
 |
| ຊາວຫວຽດນາມເກືອບ 3,5 ລ້ານຄົນ ມີໃບຢັ້ງຢືນການສັກຢາກັນພະຍາດໂຄວິດ -19 ເອເລັກໂທຣນິກ. |
ໂປຼແກມດັ່ງກ່າວປະກອບມີ 4 ລະບົບຄື: ໂປຼແກມປຶ້ມຕິດຕາມສຸຂະພາບເອເລັກໂຕຣນິກ, ຖານຂໍ້ມູນການສັກຢາປ້ອງກັນພະຍາດໂຄວິດ -19, ລະບົບໝູ່ນຊ່ວຍວຽກງານສັກຢາກັນພະຍາດແຫ່ງຊາດ ແລະ ສູນຕອບສະໜອງ (MCC). ປະຈຸບັນໂປຼແກມນຳໃຊ້ຕົວຈິງຢູ່ໃນ 62/63 ແຂວງ ແລະ ນະຄອນໃນທົ່ວປະເທດ.
ເມື່ອເຂົ້າຮ່ວມການສັກຢາກັນພະຍາດຢູ່ຈຸດສັກຢາ ໂດຍການນໍາໃຊ້ໂປຼແກມຄຸ້ມຄອງການສັກຢາກັນພະຍາດແຫ່ງຊາດ COVID-19, ປະຊາຊົນຈະໃຊ້ເວລາພຽງແຕ່ ບໍ່ຮອດ 5 ວິນາທີ ເພື່ອຢືນຢັນຂໍ້ມູນດ້ວຍລະຫັດ QR. ຫຼັງຈາກຂໍ້ມູນການສັກຢາ ໄດ້ຖືກອັບເດດເປັນຖານຂໍ້ມູນທີ່ຄຸ້ມຄອງລວມສູນ, ປະຊາຊົນສາມາດຄົ້ນຫາ "ໃບຢັ້ງຢືນການສັກຢາປ້ອງກັນພະຍາດໂຄວິດ -19" ຂອງເຂົາເຈົ້າ ຢູ່ໃນໂປຼແກມປຶ້ມຕິດຕາມສຸຂະພາບເອເລັກໂທຣນິກ ຫຼື ຢູ່ໃນຖານຂໍ້ມູນການສັກຢາປ້ອງກັນ COVID-19. ຜູ້ທີ່ໄດ້ຮັບວັກຊີນ COVID-19 ໜຶ່ງໂດສຈະມີໃບຢັ້ງຢືນສີເຫຼືອງ ແລະຜູ້ທີ່ໄດ້ຮັບວັກຊີນ 2 ໂດສຈະມີໃບຢັ້ງຢືນສີຟ້າ.
ທ່ານໂຂງວັນດົງ, ຜູ້ອໍານວຍການສູນການແກ້ໄຂບັນຫາສຸຂະພາບດີຈີຕອນ, ບໍລິສັດໃຫຍ່ ວິທີການແກ້ໄຂວິສາຫະກິດ Viettel (Viettel Solutions) ກ່າວວ່າ: “ການອະນຸຍາດໃຫ້ລົງທະບຽນລ່ວງໜ້າ ຜ່ານການນໍຳໃຊ້ໂປຼແກມໂທລະສັບ ຈະຊ່ວຍຈໍາກັດການພົວພັນລະຫວ່າງບຸກຄົນທີ່ໄປສັກຢາ ແລະ ບຸກຄົນທີ່ຮັບຜິດຊອບການຢືນຢັນຂໍ້ມູນ, ຫຼຸດຂັ້ນຕອນການປ້ອນຂໍ້ມູນລົເມື່ອທຽບກັບວິທີຕາມປົກກະຕິ.
ກ່ອນໜ້ານີ້, ໃນວັນທີ 10 ກໍລະກົດ, ບັ້ນຮົບສັກຢາກັນພະຍາດໂຄວິດ -19 ໄດ້ປຸກລະດົມຜັນຂະຫຍາຍຢູ່ສະຖານທີ່ສັກຢາກັນພະຍາດໃນທົ່ວປະເທດ ເພື່ອເປັນເຈົ້າການໃນການປ້ອງກັນການລະບາດ ໂດຍການນຳໃຊ້ວັກຊີນສຳລັບເປົ້າໝາຍທີ່ມີຄວາມສ່ຽງສູງ ແລະຊຸມຊົນ.
ຄຳຮຸ່ງ
