ສະຫຼຸບໂຄງການກໍ່ສ້າງຫໍສະພາແຫ່ງຊາດຫຼັງໃໝ່ຂອງ ລາວ, ເຊິ່ງແມ່ນຂອງຂວັນຂອງພັກ, ລັດ ແລະປະຊາຊົນ ຫວຽດນາມ ມອບໃຫ້ພັກ, ລັດ ແລະ ປະຊາຊົນ ລາວ

	ເພີ່ມທະວີການຮ່ວມມືສອງຝ່າຍ ລະຫວ່າງ ຫວຽດນາມ ແລະ ລາວ
	ທ່ານ​ນາ​ຍົ​ກ​ລັດ​ຖະ​ມົນ​ຕີ ຟ້າມ​ມິງ​ຈິ໊ງ: ລັດ​ຖະ​ບານໜູນ​ຊ່ວຍ, ແກ້​ໄຂ​ຄວາມ​ຫຍຸ້ງ​ຍາກ, ຊຸກ​ຍູ້​ການ​ຜະ​ລິດ​ດຳ​ເນີນ​ທຸ​ລະ​ກິດ ໃຫ້​ແກ່ ວິ​ສາ​ຫະ​ກິດ

ຫໍສະພາແຫ່ງຊາດຫຼັງໃໝ່ຂອງ ລາວ. ພາບ: TTXVN

ພາຍຫຼັງການກໍ່ສ້າງມາເປັນເວລາ 38 ເດືອນ, ໂຄງການຫໍສະພາແຫ່ງຊາດຫຼັງໃໝ່ຂອງ ລາວ ໄດ້ກໍ່ສ້າງສຳເລັດຢ່າງຖືກຕ້ອງຕາມມາດຕະຖານຂອງການອອກແບບ, ຄວາມຕ້ອງການໃນການນຳໃຊ້, ຄຸນນະພາບ, ຄວາມປອດໄພ. ໂດຍໄດ້ຮັບກໍ່ສ້າງບົນພື້ນທີ່ດິນຂອງຫໍສະພາແຫ່ງຊາດຫຼັງເກົ່າ ຢູ່ເດີນ ທາດຫຼວງ, ໃຈກາງຂອງນະຄອນຫຼວງ ວຽງຈັນ ດ້ວຍຍອດເງິນລົງທຶນເກືອບ 112 ລ້ານ USD, ໂຄງການຫໍສະພາແຫ່ງຊາດຫຼັງໃໝ່ຂອງ ລາວ ໄດ້ກໍ່ສ້າງບົນເນື້ອທີ່ 7000 ຕາແມັດ ປະກອບດ້ວຍ 5 ຊັ້ນ ແລະ 1 ຊັ້ນໃຕ້ດິນ. ໂຄງການມີບັນດາຫ້ອງສັບພະຄຸນ ເພື່ອຈັດຕັ້ງເຫດການ ແລະ ພິທີສຳຄັນ ຂອງ ລາວ. ນີ້ແມ່ນໂຄງການໂດຍກະຊວງກໍ່ສ້າງ ຫວຽດນາມ ເປັນເຈົ້າຂອງລົງທຶນ, ແມ່ທັບນ້ອຍ 11 ຂຶ້ນກັບກະຊວງປ້ອງກັນປະເທດ ຫວຽດນາມ ແມ່ນ ຜູ້ຮັບເໝົາການກໍ່ສ້າງ.

ຕອນເຊົ້າວັນທີ 9 ສິງຫາ, ທ່ານປະທານປະເທດ ຫວຽດນາມ ຫງວຽນຊວັນຟຸກ ພ້ອມກັບພັນລະຍາ ໄດ້ນຳໜ້າຄະນະຜູ້ແທນຂັ້ນສູງ ຫວຽດນາມ ເດີນທາງໄປຍັງສະໜາມບິນສາກົນ ວັດໄຕ, ນະຄອນຫຼວງ ວຽງຈັນ, ເລີ່ມຕົ້ນການຢ້ຽມຢາມສັນຖະວະໄມຕີ ລາວ ຢ່າງເປັນທາງການ ຕາມຄຳເຊື້ອເຊີນຂອງທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ. ໃນການຢ້ຽມຢາມຄັ້ງນີ້, ທ່ານປະທານປະເທດ ຫວຽດນາມ ຫງວຽນຊວັນຟຸກ ຈະເຂົ້າຮ່ວມພິທີມອບຮັບຫໍສະພາແຫ່ງຊາດລາວ ຊຶ່ງແມ່ນຂອງຂວັນຂອງ ພັກ, ລັດ ແລະ ປະຊາຊົນ ຫວຽດນາມ ມອບໃຫ້ ພັກ, ລັດ ແລະ ປະຊາຊົນ ລາວ.