ສອງຝ່າຍໄດ້ເຫັນດີຕີລາຄາບົນພື້ນຖານໝາກຜົນການພົບປະລະຫວ່າງສອງກະຊວງໃນເດືອນມິຖຸນາທີ່ຜ່ານມາ, ບັນດາພາກສ່ວນທີ່ມີໜ້າທີ່ຮັບຜິດຊອບຂອງ ກະຊວງປ້ອງກັນປະເທດ ໄດ້ເປັນເຈົ້າການ ຜັນຂະຫຍາຍບັນດາເນື້ອໃນການຮ່ວມມືຊຶ່ງລັດຖະມົນຕີ 2 ທ່ານໄດ້ເປັນເອກະພາບ. ລັດຖະມົນຕີ 2 ທ່ານ ຍັງເຫັນດີສືບຕໍ່ເພີ່ມທະວີການຮ່ວມມືຊຶ່ງກັນ ແລະ ກັນໃນການປ້ອງກັນ ແລະ ຕ້ານໂລກລະບາດ ໂຄວິດ-19.
 |
| ປະທານປະເທດຫວຽດນາມ ຫງວຽນຊວນຟຸກ ແລະ ປະທານປະເທດລາວ ທອງລຸນ ສີສຸລິດ ເປັນສັກຂີພິຍານພິທີລົງນາມໃນບົດບັນທຶກລະຫວ່າງ 2 ກະຊວງປ້ອງກັນປະເທດຫວຽດນາມ ແລະ ລາວ |
ກ່ອນໜ້ານັ້ນ, ໂດຍພາຍໃຕ້ການເປັນສັກຂີພິຍານຂອງທັງ 2 ປະທານປະເທດຫວຽດນາມ ແລະ ລາວ, ທ່ານລັດຖະມົນຕີກະຊວງປ້ອງກັນປະເທດຫວຽດນາມ ຟານວັນຢາງ ແລະ ທ່ານຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ ຈັນສະໝອນຈັນຍາລາດ ໄດ້ລົງນາມໃນເອກະສານວ່າດ້ວຍການຮ່ວມມືກູ້ໄພກູ້ຊີບ ແລະ ບົດບັນທຶກກ່ຽວກັບການຊ່ວຍປຸກສ້າງໂຮງຮຽນວັດທະນະທຳຊົນເຜົ່າກອງທັບປະຊາຊົນລາວ ແລະ ກະຊວງປ້ອງກັນປະເທດຫວຽດນາມ ແລະ ກະຊວງປ້ອງກັນປະເທດລາວ.
ຕອນບ່າຍວັນດຽວກັນ, ລັດຖະມົນຕີກະຊວງປ້ອງກັນປະເທດທັງສອງໄດ້ເປັນປະທານພິທີຕັດແຖບຜ້າເປີດໂຮງຮຽນທິດສະດີການເມືອງກອງທັບປະຊາຊົນລາວ ຊຶ່ງແມ່ນຂອງຂວັນຂອງຫວຽດນາມທີ່ສະຫງວນໃຫ້ແກ່ກະຊວງປ້ອງກັນປະເທດລາວ.
vovworld.vn
