| ສະຫະລັດອາເມລິກາ ໃຫ້ຄຳໝັ້ນສັນຍາວ່າ ຈະເພີ່ມທະວີການຮ່ວມມືກັບອະນຸພາກພື້ນແມ່ນໍ້າຂອງ | |
| ລາວ-ຈີນ ເພີ່ມຄວາມເຂັ້ມແຂງວຽກງານປ້ອງກັນຊາດ-ປ້ອງກັນຄວາມສະຫງົບ ຕາມຊາຍແດນລໍາແມ່ນໍ້າຂອງຕອນເໜືອ |
ທ່ານລັດຖະມົນຕີ ໄດ້ເນັ້ນໜັກວ່າ: ການແຜ່ລະບາດຂອງພະຍາດໂຄວິດ -19 ແລະ ການປ່ຽນແປງດິນຟ້າອາກາດເປັນບັນຫາຮີບດ່ວນ, ເຊິ່ງໄດ້ວາງອອກສິ່ງທ້າທາຍອັນໃຫຍ່ຫຼວງຕໍ່ກັບການພັດທະນາແບບຍືນຍົງ ແລະ ກວມລວມຂອງອະນຸພາກພື້ນແມ່ນ້ຳຂອງ, ເຊິ່ງຮຽກຮ້ອງຄວາມຕັດສິນໃຈ ແລະ ຄວາມພະຍາຍາມ ໃນການຮ່ວມມືຂອງບັນດາປະເທດແມ່ນ້ຳຂອງ, ອາຊຽນ ແລະ ບັນດາຄູ່ຮ່ວມມື.
 |
| ທ່ານລັດຖະມົນຕີການຕ່າງປະເທດ ບູຍແທັງເຊີນ. |
ທ່ານລັດຖະມົນຕີການຕ່າງປະເທດ ບູຍແທັງເຊີນ ໄດ້ສະເໜີບັນດາກຸ່ມວິທີແກ້ໄຂ ເຊັ່ນ: ຜັນຂະຫຍາຍໂຄງການສັກຢາວັກຊີນກັນພະຍາດໂຄວິດ -19 ໂດຍໄວ; ຍູ້ແຮງການຮ່ວມມືໃນການຖ່າຍທອດເຕັກໂນໂລຊີການຜະລິດ ແລະ ການແຈກຢາຍວັກຊີນມີຄຸນນະພາບສູງ, ເພີ່ມທະວີລະບົບສາທາລະນະສຸກ ເພື່ອປັບປຸງຄວາມສາມາດໃນການຮັບມືກັບສິ່ງທ້າທາຍດ້ານສາທາລະນະສຸກ; ຍົກສູງຄວາມສາມາດໃນການຮັບມື ແລະ ການປັບຕົວຂອງອ່າງແມ່ນ້ຳຂອງ ຕໍ່ກັບການປ່ຽນແປງຂອງດິນຟ້າອາກາດ; ເພີ່ມທະວີການຮ່ວມມືໃນການຄຸ້ມຄອງ ແລະ ການນໍາໃຊ້ຊັບພະຍາກອນນໍ້າຂ້າມຊາຍແດນແບບຍືນຍົງ; ສະເໜີໂຄງການການນໍາຂັ້ນສູງ ແມ່ນໍ້າຂອງ - ສະຫະລັດອາເມລິກາ ເພື່ອເພີ່ມທະວີການໂອ້ລົມສົນທະນາ, ປຶກສາຫາລືກ່ຽວກັບດ້ານນະໂຍບາຍ ຮັບໃຊ້ໃຫ້ແກ່ການພັດທະນາແບບຍືນຍົງໃນພາກພື້ນແມ່ນໍ້າຂອງ...
ບັນດາລັດຖະມົນຕີ ໄດ້ຕີລາຄາສູງຕໍ່ການໜູນຊ່ວຍຂອງສະຫະລັດອາເມລິກາ ຕໍ່ບັນດາປະເທດແມ່ນ້ຳຂອງ ໃນການຕໍ່ສູ້ຕ້ານ COVID-19, ຮອງຮັບເອົາບັນດາຜົນສຳເລັດທີ່ MUSP ບັນລຸໄດ້ໃນຂົງເຂດການຮ່ວມມື ເຊັ່ນ: ການຄຸ້ມຄອງແຫຼ່ງນ້ຳແບບຍືນຍົງ, ປົກປັກຮັກສາສິ່ງແວດລ້ອມ, ການຮັບມືກັບໄພພິບັດ, ການປ່ຽນແປງດິນຟ້າອາກາດ, ສາທາລະນະສຸກ, ການສຶກສາ, ການພັດທະນາພື້ນຖານໂຄງລ່າງ ແລະ ການເຊື່ອມຕໍ່ພາກພື້ນ.
ບັນດາລັດຖະມົນຕີ ໄດ້ເຫັນດີເປັນເອກະພາບຮັບຮອງເອົາແຜນການເຄື່ອນໄຫວໄລຍະ 2021-2023, ໃນນັ້ນບຸລິມະສິດໃຫ້ແກ່ການຜັນຂະຫຍາຍບັນດາລາຍການ, ໂຄງການໃນຫຼາຍຂົງເຂດ ຄື: ການເຊື່ອມຕໍ່ເສດຖະກິດ; ການຄຸ້ມຄອງແຫຼ່ງນ້ຳ, ຊັບພະຍາກອນທຳມະຊາດ ແລະ ການປົກປັກຮັກສາສິ່ງແວດລ້ອມແບບຍືນຍົງ; ຄວາມປອດໄພແບບໃໝ່ແມ່ນການຊຸກຍູ້ການຮ່ວມມືຕ້ານອາດຊະຍາກຳຂ້າມຊາດ; ຄວາມປອດໄພທາງການແພດ, ຄວາມປອດໄພດ້ານເຄືອຂ່າຍອິນເຕີເນັດ; ການຊ່ວຍເຫຼືອດ້ານມະນຸດສະທຳ;...
ຄຳຮຸ່ງ
