| ສັກວັກຊິນກັນໂຄວິດ - 19 ໃຫ້ແກ່ຊາວຈີນທີ່ພວມເຮັດວຽກຢູ່ເຂດອຸດສາຫະກຳ VSIP | |
| ມຸ່ງໄປເຖິງເປົ້າໝາຍຊື້ວັກຊິນກັນໂຄວິດ - 19 ໃຫ້ໄດ້ 150 ລ້ານໂດສ ໃນປີ 2021 |
 |
| ທ່ານນາງໂຄສົກກະຊວງການຕ່າງປະເທດ ເລຖີ້ທູຮັ່ງ. ພາບ: vtc.vn |
ຕອບຄຳຖາມຂອງນັກຂ່າວທີ່ຖາມວ່າ ຈີນພວມສືບຕໍ່ປຶກສາຫາລືການໜຸນຊ່ວຍວັກຊີນໃຫ້ຫວຽດນາມຫຼືບໍ່ ນັ້ນ, ທ່ານນາງໂຄສົກກະຊວງການຕ່າງປະເທດ ເລຖີ້ທູຮັ່ງ ກ່າວວ່າ: ເພື່ອຄວາມຫຼາກຫຼາຍຂອງແຫຼ່ງວັກຊີນ, ແນໃສ່ເປົ້າໝາຍມີວັກຊີນຢ່າງພຽງພໍສຳລັບການສັກຢາວັກຊີນເພື່ອບັນລຸເປົ້າໝາຍທີ່ຈຳເປັນໃນການສ້າງຄວາມຕ້ານທານຕໍ່ພະຍາດໃນຊຸມຊົນໂດຍໄວ, ຫວຽດນາມ ພວມສືບຕໍ່ເຈລະຈາກັບບັນດາປະເທດ, ຄູ່ຮ່ວມມື, ຜູ້ຜະລິດ ແລະຜູ້ສະໜອງວັກຊີນທົ່ວໂລກ, ໃນນັ້ນມີປະເທດຈີນ.”
ທ່ານນາງ ເລຖີ້ທູຮັ່ງ ຍັງໄດ້ເນັ້ນໜັກວ່າ ໃນສະຖານະການໂລກລະບາດຄືໃນປະຈຸບັນ, ທຸກການຊ່ວຍເຫຼືອຂອງບັນດາປະເທດ ແລະຄູ່ຮ່ວມມືໃນການຕໍ່ສູ້ກັບພະຍາດແຜ່ລະບາດ ລ້ວນແຕ່ເປັນທີ່ເຄົາລົບນັບຖື ແລະມີຄຸນຄ່າອັນລ້ຳຄ່າ.
“ມາຮອດປະຈຸບັນ, ຫວຽດນາມໄດ້ຮັບວັກຊີນ 18 ລ້ານໂດສ ຈາກຫຼາຍປະເທດຄູ່ຮ່ວມມື ແລະອົງການຈັດຕັ້ງສາກົນ. ໃນສະພາບການຂາດແຄນວັກຊີນຄືໃນປະຈຸບັນ, ກໍ່ຄືຄວາມຕ້ອງການວັກຊີນທີ່ສູງຢູ່ຫວຽດນາມຄືໃນປະຈຸບັນ, ພວກຂ້າພະເຈົ້າຂໍສະແດງຄວາມຂອບໃຈສໍາລັບບັນດາການໜູນຊ່ວຍ, ການປະກອບສ່ວນ ເຖິງວ່າຈະແມ່ນນ້ອຍທີ່ສຸດກໍ່ຕາມ. ພວກຂ້າພະເຈົ້າຫວັງວ່າ ຈະສືບຕໍ່ໄດ້ຮັບການໜູນຊ່ວຍຈາກບັນດາປະເທດ, ຄູ່ຮ່ວມມື ແລະອົງການຈັດຕັ້ງ ເພື່ອເພີ່ມທະວີການສັກຢາກັນພະຍາດພາຍໃນປະເທດ, ມຸ່ງໄປສູ່ເປົ້າໝາຍການສ້າງຄວາມຕ້ານທານຕໍ່ພະຍາດໃນຊຸມຊົນ,” ທ່ານນາງ ເລຖີ້ທູຮັ່ງ ກ່າວຕື່ມ.
ໄຊພອນ
