ສະຫະພັນບັນດາສະມາຄົມມິດຕະພາບ

ສະ​ພາ​ແຫ່ງ​ຊາດ​ຊຸດ​ທີ XV ເລືອກ​ຕັ້ງ​ທ່ານ ຟ້າມ​ມິງ​ຈິງ ເປັນ​ນາ​ຍົກ​ລັດ​ຖະ​ມົນ​ຕີ ຫວຽດ​ນາມ ອາ​ຍຸ​ການ 2021 – 2026

10:43 | 27/07/2021

ຕອນບ່າຍວັນທີ 26 ກໍລະກົດ, ສະພາແຫ່ງຊາດຫວຽດນາມ ໄດ້ເລືອກຕັ້ງທ່ານ ຟ້າມມິງຈິ໊ງ, ກຳມະການກົມການເມືອງ ຊຸດທີ XIII, ນາຍົກລັດຖະມົນຕີ ຫວຽດນາມ ອາຍຸການ 2016 – 2021 ແຕ່ເດືອນເມສາປີ 2021, ສືບຕໍ່ດຳລົງຕຳແໜ່ງເປັນນາຍົກລັດຖະມົນຕີ ອາຍຸການ 2021 – 2026.

ທ່ານ ຫງວຽນ​ຊວັນ​ຟຸກ ສືບ​ຕໍ່ໄດ້​ຮັບ​ກາ​ນ​ເລືອກ​ຕັ້ງ​ເປັນ​ປະ​ທານ​ປະ​ເທດ​ ທ່ານ ຫງວຽນ​ຊວັນ​ຟຸກ ສືບ​ຕໍ່ໄດ້​ຮັບ​ກາ​ນ​ເລືອກ​ຕັ້ງ​ເປັນ​ປະ​ທານ​ປະ​ເທດ​
ສະ​ມາ​ຊິກ​ສະ​ພາ​ແຫ່ງ​ຊາດ​ຕັ້ງ​ຄວາມ​ຫວັງຕໍ່​ກົງ​ຈັກ​ບຸກ​ຄະ​ລາ​ກອນ​ຂອງ​ອາ​ຍຸ​ການ​ໃໝ່ ສະ​ມາ​ຊິກ​ສະ​ພາ​ແຫ່ງ​ຊາດ​ຕັ້ງ​ຄວາມ​ຫວັງຕໍ່​ກົງ​ຈັກ​ບຸກ​ຄະ​ລາ​ກອນ​ຂອງ​ອາ​ຍຸ​ການ​ໃໝ່
ສະ​ພາ​ແຫ່ງ​ຊາດ​ຊຸດ​ທີ XV ເລືອກ​ຕັ້ງ​ທ່ານ ຟ້າມ​ມິງ​ຈິງ ເປັນ​ນາ​ຍົກ​ລັດ​ຖະ​ມົນ​ຕີ ຫວຽດ​ນາມ ອາ​ຍຸ​ການ 2021 – 2026
ທ່ານນາຍົກລັດຖະມົນຕີ ຟ້າມມິງຈິງ (ພາບ: vov.vn)

ພາຍຫຼັງພິທີສາບານຕົວ, ທ່ານນາຍົກລັດຖະມົນຕີ ຟ້າມມິງຈິງ ໄດ້ມີບົດກ່າວປາໄສ ໂດຍຢັ້ງຢືນວ່າ ນີ້ແມ່ນຄວາມເປັນກຽດຢ່າງຍິງ, ພ້ອມທັງແມ່ນຄວາມຮັບຜິດຊອບອັນໃຫຍ່ຫຼວງຕໍ່ພັກ, ລັດ, ສະພາແຫ່ງຊາດ, ລັດຖະບານ ແລະ ຕໍ່ໜ້າຜູ້ມີສິດເລືອກຕັ້ງໃນທົ່ວປະເທດ. ທ່ານກ່າວວ່າ:

“ລັດຖະບານອາຍຸການສະພາແຫ່ງຊາດຊຸດທີ XV ຈະສືບຕໍ່ສືບທອດ ແລະ ເສີມຂະຫຍາຍບົດຮຽນທີ່ດີ ແລະ ປະເສີດລ້ຳຄ່າຂອງລັດຖະບານຊຸດກ່ອນໆ, ການກໍ່ສ້າງລັດຖະບານ ແລະ ອຳນາດການປົກຄອງທຸກຂັ້ນໃຫ້ມີຄວາມສາມັກຄີ, ບໍລິສຸດຜຸດຜ່ອງ, ມີລະບຽບວິໄນ, ກະທັດຣັດ, ມີປະສິດທິພາບ, ປະສິດທິຜົນ, ຂະຫຍັນຂັນເຄື່ອນ, ປ່ຽນແປງໃໝ່ປະດິດຄິດສ້າງ ເຊື່ອມຊຶມທິດນຳ ຖືຜົນປະໂຫຍດຂອງຊາດແມ່ນສຳຄັນເໜືອກວ່າສິ່ງໃດໝົດ, ຖືປະຊາຊົນເປັນກົກ ແລະ ເລີ່ມຈາກສິດ, ຜົນປະໂຫຍດອັນຊອບທຳ ແລະ ຄວາມມຸ່ງມາດປາດຖະໜາຂອງປະຊາຊົນ, ເປັນເຈົ້າການຕັ້ງໜ້າຜັນຂະຫຍາຍການປະຕິບັດບັນດາທັດສະນະ, ແນວຄິດຊີ້ນຳ ເຊິ່ງມະຕິກອງປະຊຸມໃຫຍ່ຄັ້ງທີ XIII ແລະ ມະຕິສະບັບຕ່າງໆຂອງສະພາແຫ່ງຊາດໄດ້ວາງອອກໃຫ້ຄົບຊຸດ ແລະ ມີປະສິດທິຜົນ.”

ທ່ານນາຍົກລັດຖະມົນຕີ ຟ້າມມິງຈິງ ກໍໄດ້ເນັ້ນໜັກເຖິງບາງໜ້າທີ່ຈຸດສຸມທີ່ຈະໄດ້ຮັບການຜັນຂະຫຍາຍໃນໄລຍະຈະມາເຖິງ, ໃນນັ້ນ ມີໜ້າທີ່ຮີບດ່ວນ ແລະ ມີຄວາມສຳຄັນແຖວໜ້າໃນປັດຈຸບັນ ນັ້ນແມ່ນ ໜ້າທີ່ປ້ອງກັນ, ສະກັດກັ້ນໂລກລະບາດໂຄວິດ - 19.

ກ່ຽວກັບນະໂຍບາຍການຕ່າງປະເທດ, ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ ຈະສືບຕໍ່ຫັນບັນດາແນວທາງການຕ່າງປະເທດເອກະລາດ, ເປັນເຈົ້າຕົນເອງ, ຫັນເປັນຫຼາຍຮູບຫຼາຍແບບ ແລະ ຫຼາຍຝ່າຍ, ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນຢ່າງຮອບດ້ານ, ເລິກເຊິ່ງ, ມີປະສິດທິຜົນ; ແມ່ນເພື່ອນທີ່ດີ, ແມ່ນຄູ່ຮ່ວມມືທີ່ໄວ້ວາງໃຈ ແລະ ແມ່ນສະມາຊິກທີ່ມີຄວາມຮັບຜິດຊອບຂອງປະຊາຄົມສາກົນ ໃຫ້ເປັນລະອຽດ.

ທ່ານຟ້າມມິງຈິງ ເກີດປີ 1958 ຢູ່ ແຂວງ ແທັງຮວ່າ. ທ່ານແມ່ນກຳມະການກົມການເມືອງສູນກາງພັກ ຊຸດທີ XII, XIII; ເລຂາສູນກາງພັກ ຊຸດທີ XII, ກຳມະການສູນກາງພັກ ຊຸດທີ XI, XII, XIII; ສະມາຊິກສະພາແຫ່ງຊາດຊຸດທີ XIV, XV.

ໃນກອງປະຊຸມໃຫຍ່ຄັ້ງທີ XIII ຂອງ ພັກ, ທ່ານສືບຕໍ່ໄດ້ຮັບການເລືອກຕັ້ງເຂົ້າໃນຄະນະບໍລິຫານງານສູນກາງພັກຊຸດໃໝ່ ແລະ ໄດ້ຮັບການເລືອກຕັ້ງເຂົ້າກົມການເມືອງ ອາຍຸການ 2021 – 2026.

vovworld.vn

ເຫດການ