 |
| ພາບປະກອບ: TTXVN |
ຕາມນັ້ນແລ້ວ, ກະຊວງແຮງງານ ທະຫານເສຍອົງຄະ ແລະ ສັງຄົມ ໄດ້ສະເໜີໃຫ້ປະທານຄະນະກຳມະການປະຊາຊົນບັນດາແຂວງ, ນະຄອນຂຶ້ນກັບສູນກາງ ສືບຕໍ່ເອົາໃຈໃສ່, ຊີ້ນຳສຸມໃສ່ປະຕິບັດມະຕິເລກທີ 68 ໃນວັນທີ 1 ກໍລະກົດ 2021 ຂອງລັດຖະບານກ່ຽວກັບບາງນະໂຍບາຍໜູນຊ່ວຍຊາວຜູ້ອອກແຮງງານ ແລະ ຜູ້ນຳໃຊ້ແຮງງານທີ່ປະສົບກັບຄວາມຫຍຸ້ງຍາກຢ່າງຮີບດ່ວນທີ່ສຸດ, ຮັບປະກັນນະໂຍບາຍໄປເຖິງຜູ້ອອກແຮງງານ, ຜູ້ນຳໃຊ້ແຮງງານ ແລະ ປະຊາຊົນຢ່າງທັນການ, ຄົບຖ້ວນ, ຖືກຕ້ອງເປົ້າໝາຍ.
ສ້າງແຜນການຜັນຂະຫຍາຍຄຳສັ່ງເລກທີ 23/2021/QĐ-TTg ຕາມລັກສະນະພິເສດຂອງທ້ອງຖິ່ນ, ເປັນເຈົ້າການໃນການນຳໃຊ້ແຫຼ່ງກຳລັງຂອງທ້ອງຖິ່ນ ແລະ ຊີ້ນຳການປະຕິບັດບັນດານະໂຍບາຍໜູນຊ່ວຍໃນບໍລິເວນ, ອີງໃສ່ສະພາບການຕິວຈິງຂອງທ້ອງຖິ່ນ ເພື່ອປະກາດໃຊ້ນະໂຍບາຍໜູນຊ່ວຍຜູ້ອອກແຮງງານທີ່ບໍ່ມີສັນຍາແຮງງານ ແລະ ບາງເປົ້າໝາຍພິເສດຕ່າງ.
ຊີ້ນຳຜັນຂະຫຍາຍການກວດກາຄືນໃໝ່, ສະຖິຕິການໃຊ້ຈ່າຍໃຫ້ແກ່ບັນດາເປົ້າໝາຍໜູນຊ່ວຍ, ພິເສດແມ່ນບັນດາເປົ້າໝາຍໜູນຊ່ວຍໂດຍກົງດ້ວຍເງິນ, ພ້ອມທັງຊີ້ນຳບັນດາອົງການວີຊາສະເພາະ ແລະ ຄະນະກຳມະການປະຊາຊົນທຸກຂັ້ນອັບເດດຂໍ້ມູນເປັນປະຈຳ, ລາຍງານສະພາບການ, ໝາກຜົນການໜູນຊ່ວຍບັນດາເປົ້າໝາຍບົນລະບົບຂໍ້ມູນລາຍງານຕໍ່ລັດຖະບານ.
ບັນດາພະແນກແຮງງານ ທະຫານເສຍອົງຄະ ແລະ ສັງຄົມ ເພີ່ມທະວີວຽກງານປ້ອງກັນ, ຕ້ານໂລກລະບາດໂຄວິດ - 19, ພິເສດໃນບັນດາຮາກຖານພັກຜ່ອນບຳລຸງສຸຂະພາບທີ່ມີຜູ້ມີຄຸນງາມຄວາມດີ, ຮາກຖານໜູນຊ່ວຍສັງຄົມ, ຮາກຖານບຳບັດຢາເສບຕິດ, ມີບັນດາມາດຕະການປ້ອງກັນຕ້ານໂລກລະບາດໂຄວິດ - 19 ຢ່າງປອດໄພສຳລັບແຂກທີ່ມາຢາມ, ບໍ່ຮັບເປົ້າໝາຍໃໝ່.
ກໍລະນີຕ້ອງຮັບໂດຍດ່ວນ, ຮາກຖານຕ້ອງສົມທົບກັບພະແນກສາທາລະນະສຸກໃນບໍລິເວນຈັດຕັ້ງການວິໄຈ, ສັບຊ້ອນສະຖານທີ່ແຍກຕົວຕາມຂໍ້ກຳນົດກ່ຽວກັບການປ້ອງກັນ, ຕ້ານໂລກລະບາດໂຄວິດ - 19, ແບ່ງວຽກງານໃຫ້ແກ່ພະນັກງານໝູນວຽນກັນເບິ່ງແຍງດູແລເປົ້າໝາຍ, ຮັບປະກັນຄວາມປອດໄພ, ບໍ່ປະໃຫ້ແຜ່ລະບາດໃນຮາກຖານນີ້. ກໍລະນີປະໃຫ້ເກີດເຊື້ອໃນຮາກຖານ, ຜູ້ນຳໜ້າຮາກຖານຕ້ອງຮັບຜິດຊອບ.
ບຸນຄົງ
