| ນັກສຶກສາ ລາວ ແລະ ກຳປຸເຈຍ ຢູ່ ນະຄອນໂຮ່ຈີມິນ ໄດ້ຮັບການໜູນຊ່ວຍແກ້ໄຂຄວາມຫຍຸ້ງຍາກຍ້ອນໂຄວິດ - 19 | |
| ແນະນຳການຫັນປ່ຽນອາຊີບໃຫ້ແກ່ລູກຫຼານຂອງຊາວເຊື້ອຊາດຫວຽດນາມ ອາໄສຢູ່ ກຳປູເຈຍ |
 |
| ສະມາຄົມມິດຕະພາບ ກຳປູເຈຍ - ຫວຽດນາມ ມອບເງິນເປັນຈຳນວນ 50.000 USD ຊ່ວຍຫວຽດນາມ ຕ້ານໂລກລະບາດໂຄວິດ - 19 |
ວັນທີ 17 ກໍລະກົດ, ທ່ານ ປະລິນຍາເອກ ນາງ Men Sam An ປະທານສະມາຄົມມິດຕະພາບ ກຳປູເຈຍ - ຫວຽດນາມ ແຈ້ງໃຫ້ຊາບວ່າ ໂດຍຜ່ານສະຖານທູດ ຫວຽດນາມ ຈະມອບເງິນເປັນຈຳນວນ 50.000 USD ໃຫ້ແກ່ສະມາຄົມມິດຕະພາບ ຫວຽດນາມ - ກຳປູເຈຍ ເພື່ອແນໃສ່ໜູນຊ່ວຍປະຊາຊົນ ຫວຽດນາມ ໃນຄວາມມານະພະຍາຍາມປ້ອງກັນ, ຕ້ານໂລກລະບາດໂຄວິດ - 19.
ການນຳສະພາກາແດງກຳປູເຈຍ ກໍ່ໃຫ້ຮູ້ວ່າ ຈະສົ່ງເງິນເປັນຈຳນວນ 100.000 USD ໄປຍັງສະພາກາແດງ ຫວຽດນາມ ເພື່ອແນໃສ່ໜູນຊ່ວຍບັນດາການເຄື່ອນໄຫວປ້ອງກັນ, ຕ້ານໂລກລະບາດໂຄວິດ - 19.
ລັດຖະບານລາຊະອານາຈັກກຳປູເຈຍ ໄດ້ມອບຜ້າອັດປາກດັງ 1.000.000 ອັນ, ຜ້າອັດປາກດັງ N95 100.000 ອັນ, ເຄື່ອງຜະລິດອົກຊີເຈນ 100 ອັນ ແລະ ເງິນໜູນຊ່ວຍ 200.000 USD ໃຫ້ແກ່ລັດຖະບານ ຫວຽດນາມ ເພື່ອສະກັດກັ້ນການແຜ່ລະບາດຂອງໂລກລະບາດໂຄວິດ - 19.
ສຳນັກຂ່າວສານແຫ່ງຊາດ ກຳປູເຈຍ AKP ຊີ້ແຈ້ງວ່າ ນີ້ແມ່ນສັນຍະລັກຂອງຈິດໃຈສາມັກຄີ, ມິດຕະພາບ ແລະ ການຮ່ວມມືລະຫວາງສອງປະເທດຖານບ້ານໃກ້ເຮືອນຄຽງ, ພິເສດແມ່ນຈຸດເວລາທີ່ປະສົບກັບຄວາມຫຍຸ້ງຍາກຍ້ອນຜົນກະທົບຈາກໂລກລະບາດໂຄວິດ - 19.
ໃນໄລຍະທີ່ຜ່ານມາ, ສອງປະເທດ ຫວຽດນາມ ແລະ ກຳປູເຈຍ ໄດ້ຮ່ວມມືກັນຢ່າງແໜ້ນແຟ້ນໃນວຽກງານສະກັດກ້ັນການແຜ່ລະບາດຂອງໂລກລະບາດໂຄວິດ - 19, ພິເສດຢູ່ບັນດາແຂວງຕິດກັບຊາຍແດນ. ລັດຖະບານ ແລະ ບັນດາອົງການ, ໝູ່ຄະນະ, ທ້ອງຖິ່ນຂອງສອງຝ່າຍ ໄດ້ມີການຢຶ້ຢາມຖາມຂ່າວກັນຢ່າງເປັນປະຈຳ, ມອບອຸປະກອນການແພດ ໜູນຊ່ວຍເຊິ່ງກັນ ແລະ ກັນ, ຊ່ວຍເຫຼືອປະຊາຊົນແຕ່ລະປະເທດຕ້ານໂລກລະບາດໂຄວິດ - 19 ຢ່າງທັນການ.
ບຸນຄົງ
