 |
| ສະຖານກົງສຸນຂອງບັນດາປະເທດ ສະໜັບສະໜູນບ້ວງເງິນ ເພື່ອຮັບໃຊ້ໃນການປ້ອງກັນ ແລະ ສະກັດກັ້ນ ໂລກລະບາດ COVID-19 ທີ່ ນະຄອນໂຮ່ຈິມິນ. ພາບ:MTTQ |
ຕອນບ່າຍວັນທີ 15 ກໍລະກົດ, ຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈີມິນ ໄດ້ຮັບເງິນ ແລະສິນຄ້າ ເພື່ອສະໜັບສະໜູນວຽກງານປ້ອງກັນແລະສະກັດກັ້ນ ໂລກລະບາດ COVID-19 ຈາກບັນດາສະຖານກົງສຸນ ແລະບັນດາສະມາຄົມນັກທຸລະກິດຕ່າງປະເທດ ທີ່ນະຄອນໂຮ່ຈິມິນ.
ກ່າວຄຳເຫັນທີ່ພິທີມອບຮັບ, ທ່ານນາງ ໂຕຖີ້ບິກເຈົາ, ປະທານຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈີມິນ ໄດ້ສະແດງຄວາມຂອບອົກຂອບໃຈຕໍ່ສະຖານກົງສຸນບັນດາປະເທດ ແລະບັນດາສະມາຄົມວິສາຫະກິດ ທີ່ໄດ້ຮວ່ມແຮງຮວ່ມໃຈກັບນະຄອນໃນການປ້ອງກັນ ແລະສະກັດກັ້ນໂລກລະບາດ COVID-19.
ຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈີມິນ ໄດ້ຮັບເງິນ ແລະສິນຄ້າຈາກບັນດາສະຖານກົງສຸນ: ກຳປູເຈຍ ໄດ້ຊ່ວຍຜ້າອັດປາກການແພດ ຈໍານວນ 25.000 ອັນ; ຍີ່ປຸ່ນ ແລະ ສະມາຄົມນັກທຸລະກິດຍີ່ປຸ່ນ ທີ່ ນະຄອນ ໂຮ່ຈີມິນ ໄດ້ຊ່ວຍ 20.000 ໂດລາສະຫະລັດ; ໄທ ແລະສະມາຄົມນັກທຸລະກິດໄທ ໄດ້ຊ່ວຍຜ້າອັດປາກການແພດ ຈໍານວນ 50.000 ອັນ ແລະເງິນ ຈຳນວນ 220 ລ້ານດົ່ງ; ທ່ານ Lee Kang Woo, ຜູ້ອຳນວຍການໃຫຍ່ ບໍລິສັດ Lotte Properties ໄດ້ຊ່ວຍເງິນ ຈຳນວນ 3,5 ຕື້ດົ່ງ; ທ່ານ Jiji George, ຜູ້ອຳນວຍການໃຫຍ່ບໍລິສັດ Mega Lifesciences ຫວຽດນາມ ຈຳກັດ ໄດ້ຊ່ວຍເງິນ ຈໍານວນ 750 ລ້ານດົ່ງ ແລະ 506 ຜະລິດຕະພັນວິຕາມິນບຳລຸງສຸຂະພາບ…
ໄຊພອນ
