| ແຂວງ ດົງນາຍ ຍັງມີບັນດາທ່າແຮງຢ່າງໃຫຍ່ຫຼວງ ກ່ຽວກັບການພັດທະນາການທ່ອງທ່ຽວ | |
| ຫວຽດນາມ ນຳສົ່ງພົນລະເມືອງ ຈຳນວນ 266 ຄົນ ຈາກປະເທດ ຄູເວດ, ກາຕາ ແລະ ອີຢີບ ກັບຄືນປະເທດຢ່າງປອດໄພ |
ເຫດການດັ່ງກ່າວ ໂດຍສະຖານທູດຫວຽດນາມ ປະຈຳ ອີຢິບ ຈັດຕັ້ງໃນວັນທີ 6 ກໍລະກົດ, ຢູ່ນະຄອນ Hurghada (ອີຢິບ) ແຂວງທະເລແດງ. ທ່ານເອກອັກຄະລັດຖະທູດ ຫວຽດນາມ ປະຈຳອີຢີບ ເຈີນແທັງກົງ ໄດ້ແນະນຳກ່ຽວກັບສະພາບລວມເສດຖະກິດຂອງຫວຽດນາມ, ຄວາມສາມາດບົ່ມຊ້ອນອັນໃຫຍ່ຫຼວງຂອງຂະແໜງການທ່ອງທ່ຽວຫວຽດນາມ…
 |
| (ພາບປະກອບ: TTXVN) |
ທ່ານເອກອັກຄະລັດຖະທູດ ເຈີນແທັງກົງ ຖືວ່າ ຫວຽດນາມ ແລະ ອີຢີບມີຄວາມສາມາດບົ່ມຊ້ອນ ແລະ ຂໍ້ສະດວກຫຼາຍຢ່າງເພື່ອເພີ່ມທະວີການຮ່ວມມືໃນຫຼາຍຂົງເຂດ; ໃນນັ້ນເສດຖະກິດທະເລ ແລະ ການທ່ອງທ່ຽວ ແມ່ນບັນດາຂົງເຂດທີ່ບັນດາວິສາຫະກິດໃນແຂວງທະເລແດງ ສາມາດຍູ້ແຮງການຮ່ວມມືກັບບັນດາຄູ່ຮ່ວມມືຂອງຫວຽດນາມ. ທ່ານເອກອັກຄະລັດຖະທູດ ກໍ່ໄດ້ຕອບຫຼາຍຄຳຖາມ ຈາກຜູ້ຕາງໜ້າບັນດາວິສາຫະກິດ ກ່ຽວກັບການເຂົ້າເຖິງສິນຄ້າ ແລະ ຕະຫລາດຂອງຫວຽດນາມ.
ບາງວິສາຫະກິດ ໄດ້ສະເໜີໃຫ້ສະຖານທູດຫວຽດນາມ ປະຈຳອີຢິບ ແລະ ຫ້ອງການການຄ້າແຂວງທະເລແດງ ເປັນຂົວຕໍ່ໃຫ້ບັນດາວິສາຫະກິດຂະແໜງທ່ອງທ່ຽວໃນແຂວງທະເລແດງ ໄດ້ເປີດຫ້ອງການຜູ້ຕາງໜ້າ ກໍ່ຄື ຮ້ານອາຫານ ແລະ ໂຮງແຮມໃນປະເທດຫວຽດນາມ, ເພື່ອຍູ້ແຮງການເພີ່ມຈຳນວນນັກທ່ອງທ່ຽວໄປແຕ່ລະປະເທດ.
ວິສາຫະກິດຈຳນວນໜຶ່ງ ໄດ້ສະເໜີໃຫ້ສອງຝ່າຍຮ່ວມມືໃນການຜະລິດບັນດາຜະລິດຕະພັນການທ່ອງທ່ຽວເວົ້້າລວມ ແລະ ຮ້ານອາຫານ, ໂຮງແຮມເວົ້້າສະເພາະ, ພ້ອມກັນນັ້ນ ກໍ່ສະແດງຄວາມປາດຖະໜາຢາກຮຽນຮູ້ເອົາປະສົບການຂອງຫວຽດນາມ ໃນການບຳລຸງສ້າງຊັບພະຍາກອນມະນຸດໃນທຸກຂົງເຂດ, ໂດຍສະເພາະແມ່ນການທ່ອງທ່ຽວ.
ຄຳຮຸ່ງ
