ການພົວພັນລະຫວ່າງ ຫວຽດນາມ - ໄທ ສືບຕໍ່ພັດທະນາ ໂດຍບໍ່ຫົວຊາຕໍ່ໂລກລະບາດໂຄວິດ - 19

13:30 | 03/07/2021

ຍສໝ - ໄປຄຽງຄູ່ກັບບັນດາຂົງເຂດຕ່າງໆ, ການຮ່ວມມືເສດຖະກິດ, ການຄ້າ, ການລົງທຶນ ຫວຽດນາມ - ໄທ ສືບຕໍ່ແມ່ນຈຸດພົ້ນເດັນ ເມື່ອ ໄທ ຮັກສາລະດັບແມ່ນຄູ່ຮ່ວມມືການຄ້າໃຫຍ່ທີ່ສຸດຂອງ ຫວຽດນາມ ໃນອາຊຽນ ແລະ ແມ່ນນັກລົງທຶນໃຫຍ່ອັນດັບທີ 9 ຂອງ ຫວຽດນາມ.

	ບັນດາຊົນເຜົ່າສ່ວນໜ້ອຍຢູ່ເຊີນລາອະນຸລັກຮັກສາວັດທະນະທຳທີ່ເປັນມູນເຊື້ອ
	ນຳວົງເງິນການຄ້າລະຫວ່າງໄທ - ຫວຽດນາມຂຶ້ນເຖິງ 25 ຕື້ USD

ການພົວພັນລະຫວ່າງ ຫວຽດນາມ - ໄທ ສືບຕໍ່ພັດທະນາ ໂດຍບໍ່ຫົວຊາຕໍ່ໂລກລະບາດໂຄວິດ - 19

ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດ ຫວຽດນາມ (ພາບ: baoquocte.vn)

ການພົວພັນລະຫວ່າງ ຫວຽດນາມ - ໄທ ສືບຕໍ່ຮັກສາທ່າພັດທະນາຢ່າງຕັ້ງໜ້າ, ໃນນັ້ນການຮ່ວມມືດ້ານເສດຖະກິດແມ່ນໜຶ່ງໃນບັນດາຈຸດພົ້ນເດັ່ນ, ໂດຍບໍ່ຫົວຊາຕໍ່ໂລກລະບາດໂຄວິດ - 19.

ທີ່ການປຶກສາຫາລືດ້ານການເມືອງນັດສາມັນ ຄັ້ງທີ 8 ລະຫວ່າງ ກະຊວງການຕ່າງປະເທດ ສອງປະເທດ (ຕາມຮູບການທາງອອນລາຍ) ໃນວັນທີ 30 ມິຖຸນາ ໂດຍ ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດ ຫວຽດນາມ ແລະ ທ່ານ Thani Thongphakdi ເລຂາຜູ້ປະຈຳການກະຊວງການຕ່າງປະເທດ ໄທ ເປັນປະທານຮ່ວມ, ສອງຝ່າຍໄດ້ຕີລາຄາວ່າ: ເຖິງວ່າໂລກລະບາດໂຄວິດ - 19 ເຮັດໃຫ້ບັນດາການເຄື່ອນໄຫວແລກປ່ຽນຄະນະຜູ້ແທນໂດຍກົງ ຖືກຂາດວັກຂາດຕອນ, ແຕ່ການພົວພັນມິດຕະພາບ ແລະ ຄູ່ຮ່ວມມືຍຸດທະສາດເພີ່ມທະວີລະຫວ່າງ ຫວຽດນາມ ແລະ ໄທ ຍັງຮັກສາໄດ້ທ່າພັດທະນາຢ່າງຕັ້ງໜ້າ.

ໄປຄຽງຄູ່ກັບບັນດາຂົງເຂດຕ່າງໆ, ການຮ່ວມມືເສດຖະກິດ, ການຄ້າ, ການລົງທຶນ ຫວຽດນາມ - ໄທ ສືບຕໍ່ແມ່ນຈຸດພົ້ນເດັນ ເມື່ອ ໄທ ຮັກສາລະດັບແມ່ນຄູ່ຮ່ວມມືການຄ້າໃຫຍ່ທີ່ສຸດຂອງ ຫວຽດນາມ ໃນອາຊຽນ ແລະ ແມ່ນນັກລົງທຶນໃຫຍ່ອັນດັບທີ 9 ຂອງ ຫວຽດນາມ.

ຫວຽດນາມ ແລະ ໄທ ແມ່ນສອງປະເທດທຳອິດໃນອາຊຽນທີ່ຜັນຂະຫຍາຍການຊຳລະການຄ້າຂາຍຍ່ອຍດ້ວຍເຕັກໂນໂລຢີໃຊ້ລະຫັດ QR. ສອງຝ່າຍໄດ້ເຫັນດີເປັນເອກະພາບ ສ້າງເງື່ອນໄຂສະດວກເພື່ອຍູ້ແຮງການພົວພັນແລກປ່ຽນ, ຊຸກຍູ້ການຟື້ນຟູເສດຖະກິດພາຍຫຼັງໂລກລະບາດໂຄວິດ - 19, ສູ້ຊົນນຳວົງເງິນການຄ້າສອງຝ່າຍບັນລຸລະດັບ 25 ຕື້ USD ໂດຍໄວ, ສືບຕໍ່ຜັນຂະຫຍາຍ ແລະ ເປີດກ້ວາງບັນດາໂຄງການ ODA ຂອງລັດຖະບານ ໄທ ທີ່ໜູນຊ່ວຍໃຫ້ແກ່ການພັດທະນາປະຊາຄົມແບບຍືນຍົງຢູ່ ຫວຽດນາມ ຢ່າງມີປະສິດທິຜົນ.

ທ່ານ ຫງວຽນກວ໊ກຢຸງ ສະເໜີ ໄທ ແບ່ງປັນບັນດາບົດຮຽນ ແລະ ຮ່ວມມືກັນໃນການຖ່າຍທອດເຕັກໂລໂລຢີໃຫ້ແກ່ ຫວຽດນາມ ໃນບັນດາຂົງເຂດຄື: ຜະລິດ, ຊົມໃຊ້ ແລະ ພັດທະນາບັນດາລະບົບດຳເນີນທຸລະກິດຜະລິດຕະພັນກະເສດ...

ທ່ານ ໄດ້ຕີລາຄາສູງບັນດາຜົນງານໃນການຄວບຄຸມໂລກລະບາດໂຄວິດ - 19 ຂອງ ຫວຽດນາມ ພ້ອມທັງຮັກສາໄດ້ການພັດທະນາເສດຖະກິດ, ທ່ານກໍ່ຢັ້ງຢືນວ່າ ໄທ ຈະຕັ້ງໜ້າຮ່ວມມືກັບ ຫວຽດນາມ ໃນການຮັບມືກັບໂລກລະບາດໂຄວິດ - 19, ແບ່ງປັນ ແລະ ໜູນຊ່ວຍເຊິ່ງກັນແລະກັນ ໃນການຄົ້ນຄ້ວາ, ຜະລິດ ແລະ ສຳຜັດກັບແຫຼ່ງວັກຊິນຢ່າງມີປະສິດທິຜົນ, ສົມທົບກັບບັນດາປະເທດ ອາຊຽນ ຍູ້ໄວຄວາມຄືບໜ້າ ແລະ ປະສິດທິຜົນໃນການນຳໃຊ້ກອງທຶນ ອາຊຽນ ກ່ຽວກັບການຮັມມືກັບໂລກລະບາດໂຄວິດ - 19.

ສອງຝ່າຍໄດ້ເນັ້ນໜັ້ກເຖິງຄວາມສຳຄັນຂອງການຮັກສາຄວາມເປັນລະບຽບຮຽບຮ້ອຍໂດຍອີງໃສ່ກົດໝາຍ, ເຄົາລົບກົດໝາຍສາກົນ, ພິເສດແມ່ນ UNCLOS 1982, ສະໜັບສະໜູນການປະຕິບັດ DOC ຢ່າງເຂັ້ມງວດ, ຄົບຖ້ວນ ແລະ ເຈລະຈາ COC ຢ່າງມີປະສິດທິຜົນ, ແທດຈິງ, ສອດຄ່ອງກັບກົດໝາຍສາກົນ ແລະ UNCLOS 1982.

ບຸນຄົງ