| ທ່ານເລຂາທິການໃຫຍ່ຫງວຽນຟູຈ້ອງ ພົບປະເຈລະຈາກັບ ທ່ານເລຂາທິການໃຫຍ່, ປະທານປະເທດ ສປປ.ລາວ ທອງລຸນ ສີສຸລິດ | |
| ລາວ ຖືການພົວພັນພິເສດກັບຫວຽດນາມເປັນສຳຄັນທີ່ສຸດ |
ໜັງສືພິມ PathetLao ໄດ້ເນັ້ນໜັກວ່າ: ການຢ້ຽມຢາມຫວຽດນາມ ຂອງທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ປະກອບສ່ວນເພີ່ມພູນຄູນສ້າງ ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ລັດ ແລະ ປະຊາຊົນສອງປະເທດຫວຽດນາມ - ລາວ ທີ່ໄດ້ຮັບການເພີ່ມພູນຄູນສ້າງ ໂດຍປະທານ ໂຮ່ຈີມິນ ຜູ້ນຳທີ່ຍິ່ງໃຫຍ່, ປະທານ ໄກສອນ ພົມວິຫານ ແລະ ປະທານ ສຸພານຸວົງ ເສີມສ້າງ ແລະ ໄດ້ຮັບການເສີມຂະຫຍາຍໂດຍບັນດາຜູ້ນຳ, ນັກຮົບປະຕິວັດ ແລະ ປະຊາຊົນສອງປະເທດຢ່າງບໍ່ຢຸດຢັ້ງ; ນຳມາເຊິ່ງປະສິດທິຜົນທີ່ນັບມື້ນັບສູງ ແລະ ຖ່າຍທອດໃຫ້ຄົນລຸ້ນຕໍ່ໄປໃນອະນາຄົດ…
 |
| ຮັກສາ ແລະ ເສີມຂະຫຍາຍສາຍພົວພັນແບບພິເສດລາວ - ຫວຽດນາມ. (ພາບ: TTXVN) |
ໜັງສືພິມ Pasaxon (ໜັງສືພິມປະຊາຊົນ) ກ່າວວ່າ ການຢ້ຽມຢາມແມ່ນເຫດການທີ່ສຳຄັນ ແລະ ເປັນໂອກາດທີ່ດີ ເພື່ອໃຫ້ສອງຝ່າຍປຶກສາຫາລືກ່ຽວກັບຍຸດທະສາດ ແລະ ທິດທາງໃນການຮ່ວມມືໃນໄລຍະຈະມາເຖິງ, ປະກອບສ່ວນສຳຄັນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການພົວພັນຮ່ວມມືຮອບດ້ານລະຫວ່າງສອງພັກ, ລັດ ແລະ ປະຊາຊົນຂອງສອງປະເທດ ໃຫ້ນັບມື້ນັບເຂົ້າສູ່ລວງເລິກ ແລະ ມີປະສິດທິຜົນ.
ບັນດາພາຫະນະສື່ມວນຊົນອື່ນໆ ເຊັ່ນ: ສະຖານີວິທະຍຸກະຈາຍສຽງ ແລະ ສະຖານີໂທລະພາບແຫ່ງຊາດລາວ ກໍ່ໄດ້ລົງພິມຫລາຍບົດຄວາມ ກ່ຽວກັບສາຍພົວພັນລະຫວ່າງສອງປະເທດໃນຊຸມມື້ທີ່ຜ່ານມາ ເນື່ອງໃນໂອກາດຢ້ຽມຢາມສັນຖະວະໄມຕີຢ່າງເປັນທາງການ ຂອງທ່ານເລຂາທິການໃຫຍ, ປະທານປະເທດລາວ ທອງລຸນ ສີສຸລິດ.
ຄຳຮຸ່ງ
