ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ພົບປະກັບອະດີດເລຂາທິການໃຫຍ່ ແລະ ອະດີດປະທານປະເທດຫວຽດນາມ
	ທ່ານນາຍົກລັດຖະມົນຕີ ຟ້າມມິນຈິງ ພົບປະເຈລະຈາກັບທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ

ບັນຍາກາດທີ່ການພົບປະ. ພາບ: ຮວ່າງຫວູ.

ທີ່ການພົບປະ, ທ່ານພົນໂທ ຟານວັນຢາງ ແລະທ່ານພົນເອກ ຈັນສະໝອນ ຈັນຍາລາດ ເຫັນດີເປັນເອກະພາບຖືວ່າໂດຍບໍ່ຫົວຊາຕໍ່ຜົນກະທົບຈາກພະຍາດໂຄວິດ-19, ສອງຝ່າຍໄດ້ເປັນເຈົ້າການສົມທົບກັນ, ຜັນຂະຫຍາຍແຜນການຮ່ວມມືປີ 2021 ເປັນຢ່າງດີ. ບົນພື້ນຖານຜົນການເຈລະຈາທາງໄກລະຫວ່າງລັດຖະມົນຕີສອງທ່ານໃນເດືອນພຶດສະພາ ປີ 2021, ບັນດາອົງການທີ່ກ່ຽວຂ້ອງຂອງກະຊວງປ້ອງກັນປະເທດສອງປະເທດ ໄດ້ຜັນຂະຫຍາຍເນື້ອໃນທີ່ໄດ້ເຫັນດີເອກະພາບຢ່າງຄົບຖ້ວນ ແລະມີປະສິດທິຜົນ.

ສອງຝ່າຍເຫັນດີເປັນເອກະພາບກັນວ່າໃນໄລຍະຈະມາເຖິງ ຈະສຸມໃສ່ວຽກງານກະກຽມເພື່ອຜັນຂະຫຍາຍເນື້ອໃນຮ່ວມມືເມື່ອສະພາບການສະດວກ ເຊິ່ງລວມມີການແລກປ່ຽນຄະນະຜູ້ແທນທຸກຂັ້ນ, ການເຄື່ອນໄຫວລວມລະຫວ່າງກອງທັບສອງປະເທດ, ຝຶກອົບຮົມ; ສືບຕໍ່ຊີ້ນໍາກໍາລັງທີ່ກ່ຽວຂ້ອງຂອງສອງປະເທດຢູ່ເຂດຊາຍແດນ ສົມທົບກັນຢ່າງແໜ້ນແຟ້ນ ເພື່ອປະກອບສ່ວນສະກັດກັ້ນການແຜ່ລະບາດຂອງພະຍາດໂຄວິດ-19 ກໍ່ຄືອາດຊະຍາກໍາຂ້າມຊາດ ຜ່ານການລາດຕະເວນ, ຄວບຄຸມດ່ານຊາຍແດນ, ດ່ານທ້ອງຖິ່ນ, ດ່ານປະເພນີຢ່າງເຄັ່ງຄັດ, ສະກັດກັ້ນການເຂົ້າ-ອອກເມືອງຢ່າງຜິດກົດໝາຍ. ທ່ານພົນໂທ ຟານວັນຢາງ ຢັ້ງຢືນວ່າ ກະຊວງປ້ອງກັນປະເທດຫວຽດນາມ ພ້ອມແລ້ວທີ່ຈະສືບຕໍ່ຈັດສົ່ງຊ່ຽວຊານໄປແບ່ງປັນບົດຮຽນ ກໍ່ຄືໜູນຊ່ວຍວັດຖຸອຸປະກອນການແພດປ້ອງກັນ, ຕ້ານພະຍາດໂຄວິດ-19 ຢູ່ລາວ ເມື່ອກະຊວງປ້ອງກັນປະເທດລາວ ມີຄວາມຕ້ອງການ.

ຕອນບ່າຍວັນດຽວກັນ, ທ່ານພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດລາວ ໄດ້ມີການພົບປະກັບທ່ານພົນເອກ ໂງຊວນລິກ ອະດີດລັດຖະມົນຕີກະຊວງປ້ອງກັນປະເທດຫວຽດນາມ.