| ພຽງແຕ່ຢາກມີສຸຂະພາບທີ່ແຂງແຮງເພື່ອເບິ່ງແຍງດູແລລູກໆ | |
| ຜູ້ປະສົບເຄາະຮ້າຍຈາກທາດພິດສີສົ້ມມີວິທີການຫາເງິນລ້ຽງຊີບຕື່ມອີກ ເພື່ອບໍ່ຕ້ອງເອື່ອຍອີງຄອບຄົວ ແລະສັງຄົມ |
 |
| ລູກສາວ 2 ຄົນຂອງລຸງ ຮ່ວາງກົງອວນ |
ນີ້ແມ່ນຄວາມຫວັງຂອງລຸງ ຮ່ວາງກົງອວນ ແລະ ປ້າ ຟ້າມລິເລ (ນາມດິງ) ແມ່ນຜູ້ປະສົບເຄາະຮ້າຍຈາກທາດພິດສີສົ້ມ. ປັດຈຸບັນ, ຜົວເມຍລຸງຮ່ວາງກົງອວນ ມີລູກສາວ 2 ຄົນກໍ່ເປັນຜູ້ປະສົບເຄາະຮ້າຍຈາກທາດພິດສີສົ້ມ.
ລຸງຮ່ວາງກົງອວນ (ຄຸ້ມບ້ານ 1, ບ້ານໂຕເກົ່າ, ຕາແສງ ລຽນບ໋າວ, ເມືອງ ຫວູບ໋ານ, ແຂວງນາມດິງ) ເຄີຍເຂົ້າຮ່ວມການຕໍ່ສູ້ຕ້ານອາເມລິກາ ກູ້ຊາດ ຢູ່ໄຕງວຽນ. ເມຍລຸງຮ່ວາງກົງອວນແມ່ນ ປ້າຟ້າມທິເລ ກໍ່ແມ່ນຊາວໜຸ່ມຕະລຸມບອນຢູ່ສະໜາມຮົບໄຕງວຽນ ໃນໄລຍະ 3 ປີ.
ລຸງມີລູກສາວສອງຄົນແມ່ນ ນາງ ຮ່ວາງທິເວິນ (ເກີດປີ 1986) ແລະ ນາງ ຮ່ວາງທິຍຸງ (ເກີດປີ 1992) ນັບແຕ່ຕອນເກີດມາຮອດປັດຈຸບັນ ມື້ໃດລູກຂອງລຸງກໍ່ໄຫ້ແອ່ວ ແລະ ເຈັບເປັນ. ໃນຊຸມວັນທຳອິດ, ຄອບຄົວບໍ່ຮູ້ວ່າຍ້ອນຜົນກະທົບຈາກທາດພິດສີສົ້ມ. ກວ່າ 30 ປີທີ່ຜ່ານມາ, ລູກສາວຂອງລຸງເປັນພະຍາດຕ່າງໆນາໆ.
ຮອດປີ 1999, ພາຍຫຼັງໄດ້ຮັບການຊ່ວຍເຫຼືອຈາກນັກຮົບເກົ່າຄົນໜຶ່ງ ຜົວເມຍລຸງຮ່ວາງກົງອວນ ຈຶ່ງໄປກວດ ແລະ ໄດ້ຮັບການຢັ້ງຢືນແມ່ນຍ້ອນທາດພິດສີສົ້ມ. ຈາກນັ້ນຄອບຄົວຈຶ່ງໄດ້ຮັບບ້ວງເງິນໜູນຊ່ວຍທຳອິດ 48.000 ດົ່ງ/ເດືອນ.
ລູກສາວກົກ ເກີດປີ 1983 ໂຊກດີທີ່ທາດພິດສີສົ້ມບໍ່ສ້າງຜົນກະທົບຕໍ່ສຸຂະພາບຂອງລາວ, ປັດຈຸບັນ, ລາວມີຄອບຄົວ ແລະ ລູກສອງຄົນແລ້ວ, ທັງສອງລ້ວນແຕ່ມີສຸຂະພາບທີ່ເຂັ້ມແຂງດີ. ນີ້ແມ່ນກຳລັງໃຈອັນໜຶ່ງດຽວຂອງລຸງຮ່ວາງກົງອວນ. ເຖິງຢ່າງໃດກໍ່ຕາມ, ຊີວິດຂອງກຳມະກອນທີ່ມີເງິນເດືອນໜ້ອຍ, ແຕ່ລະເດືອນລາວພຽງແຕ່ຊ່ວຍໃຫ້ພໍ່ແມ່ ແລະ ນ້ອງສອງຄົນໜ້ອຍໜຶ່ງເທົ່ານັ້ນ.
ທັງຄອບຄົວ 4 ຄົນລ້ວນແຕ່ດຳລົງຊີວິດອີງໃສ່ເງິນອຸດໜູນ 2 ລ້ານດົ່ງຂອງ ລຸງຮ່ວາງກົງອວນ ແລະ ນ້ອງສາວ 2 ຄົນ 1,5 ລ້ານດົ່ງ. ຍາດຕິພີ່ນ້ອງໄດ້ຊ່ວຍເຫຼືອຄອບຄົວລຸງປຸກສ້າງເຮືອນເພື່ອຢູ່. ຄອບຄົວລຸງຍາມໃດກໍ່ຢາກໄດ້ຮັບການພິຈາລະນາ, ກວດກາພະຍາດ ເພື່ອໃຫ້ບັນດາລູກຂອງລຸງໄດ້ຮັບເງິນອຸດໜູນຈາກລັດ.
 | ພຽງແຕ່ຢາກມີສຸຂະພາບທີ່ແຂງແຮງເພື່ອເບິ່ງແຍງດູແລລູກໆ ຍສໝ - ໃນໄລຍະເວລາເກືອບ 40 ປີທີ່ຜ່ານມາ, ຜົວເມຍລຸງເຈິ່ນວັນຢຶຍ (ຕາແສງເທື້ອງລອງ, ເມືອງນາມດົ່ງ, ເທື່ອທຽນ - ເຫ້ວ) ບໍ່ມີຄືນໃດທີ່ຈະໄດ້ນອນລັບຝັນດີ ຍ້ອນລູກ 3 ຄົນຂອງລຸງຖືກຕິດແປດທາດພິດສີສົ້ມ. |
 | ຜູ້ປະສົບເຄາະຮ້າຍຈາກທາດພິດສີສົ້ມມີວິທີການຫາເງິນລ້ຽງຊີບຕື່ມອີກ ເພື່ອບໍ່ຕ້ອງເອື່ອຍອີງຄອບຄົວ ແລະສັງຄົມ ຍສໝ - ພາຍຫຼັງກວດພົບພະຍາດ, ຄອບຄົວຂອງກວຽນໄດ້ໄປປິ່ນປົວຢູ່ຫຼາຍແຫ່ງແຕ່ບໍ່ວິທີການປິ່ນປົວໃຫ້ຫາຍເປັນປົກກະຕີ, ເລີ່ມແຕ່ນັ້ນມາ, ຮ່າງກາຍຂອງນາງກວຽນຍາມໃດກໍ່ຮູ້ສຶກເຈັບປວດ, ນັບມື້ນັບຈ່ອຍລົງ ແລະກ້ອນເປົ້າຢູ່ຫຼັງກໍ່ຄ່ອຍໆພັດທະນາຕາມກະດູກຫຼັງເຮັດໃຫ້ນາງຮູ້ສຶກເຈັບປວດແລະການເດີນທາງໄປມາກໍ່ປະສົບກັບຄວາມຫຍຸ້ງຍາກກ່ວາເກົ່າ. |
 | ຮອດປີ 2024 ຫວຽດນາມ ຈະບໍ່ນຳໃຊ້ທາດທີ່ທຳລາຍຊັ້ນໂອໂຊນ ຮອດປີ 2024, ຫວຽດນາມຈະບໍ່ນຳໃຊ້ທາດທີ່ທຳລາຍຊັ້ນໂອໂຊນ (HCFCs). ຂໍ້ມູນດັ່ງກ່າວໂດຍ ກົມການປ່ຽນແປງຂອງດິນຟ້າອາກາດ ໄດ້ຍົກອອກມາຢູ່ກອງປະຊຸມສຳມະນາ ທາງອອນລາຍ: ແລກປ່ຽນບົດຮຽນປະສົບການກ່ຽວກັບການຄຸ້ມຄອງການໝູນວຽນຂອງທາດທີ່ທຳລາຍຊັ້ນໂອໂຊນ Fluorocacrbon. |
ບຸນຄົງ
