 |
| ພາບປະກອບ: nhandan.com |
ຕໍ່ໜ້າການຜັນແປທີ່ນັບມື້ນັບສັບສົນຂອງໂລກລະບາດໂຄວິດ - 19, ກະຊວງແຮງງານ - ທະຫານເສຍອົງຄະແລະສັງຄົມຫວຽດນາມຄາດຄະເນຈະສະເໜີໃຫ້ລັດຖະບານດັດປັບ, ເພີ່ມເຕີມຂໍ້ກຳນົດກ່ຽວກັບການຢຸດຕິຊົ່ວຄາວການຈ່າຍເງິນເຂົ້າກອງທຶນພັກບຳນານແລະອຸດໜູນການເສຍຊີວິດສຳລັບຜູ້ນຳໃຊ້ແຮງງານທີ່ຖືກຜົນກະທົບຈາກໂລກລະບາດໂຄວິດ - 19, ດ້ວຍເງື່ອນໄຂຈຳນວນໜຶ່ງທີ່ຜ່ອນຜັນກ່ວາໃຫ້ແກ່ວິສາຫະກິດ.
ໂລກລະບາດໂຄວິດ - 19 ມີການແຜ່ລະບາດຢ່າງແຮງເຊິ່ງໄດ້ກໍ່ຜົນກະທົບຕໍ່ການຕະຫຼາດແຮງງານແລະການຜະລິດ, ດຳເນີນທຸລະກິດຢູ່ບັກນິງ, ບັກຢາງ. ຮອດທ້າຍເດືອນພຶດສະພາ, ແຂວງບັກຢາງຕ້ອງໄດ້ຢຸດຕິຊົ່ວຄາວເຂດອຸດສາຫະກຳ 4 ແຫ່ງດ້ວຍວິສາຫະກິດ 322 ແຫ່ງໂດຍມີແຮງງານເກືອບ 150.000 ຄົນຕ້ອງຢຸດຕິການເຮັດວຽກຊົ່ວຄາວ; ສ່ວນແຂວງບັກນິງມີແຮງງານ 42.000 ຄົນໃນຍອດຈຳນວນ 320.000 ຄົນຕ້ອງຢຸດຕິການເຮັດວຽກ, ນະຄອນຫ໋າຍຟ່ອງມີແຮງງານກ່ວາ 30.000 ຄົນຖືກຜົນກະທົບຢ່າງຫຍໍ້ທໍ້, ຢູ່ຮ່າໂນ້ຍ, ໂຮ່ຈີມິນ, ດ່ານັ້ງ, ວິງຟຸກ… ບາງເຂດຖືກຈຳກັດການເດີນທາງໄປມາ, lockdow ຕ້ອງຢຸດຕິບັນດາການເຄື່ອນໄຫວຜະລິດ, ດຳເນີນທຸລະກິດທີ່ບໍ່ຈຳເປັນ, ຊຶ່ງເຮັດໃຫ້ກໍ່ຜົນສະທ້ອນຕໍ່ວຽກເຮັດງານທຳຂອງຜູ້ອອກແຮງງານນັບລ້ານຄົນ.
ເມື່ອທຽບໃສ່ກັບຂໍ້ກຳນົດທີ່ພວມໄດ້ຮັບການປະຊາດໃຊ້ຄືໃນປັດຈຸບັນ, ກະຊວງແຮງງານ - ທະຫານເສຍອົງຄະແລະສັງຄົມໄດ້ຜ່ອນຜັນເງື່ອນໄຂໃຫ້ແກ່ວິສາຫະກິດ, ຫຼຸດຜ່ອນອັດຕາແຮງງານທີ່ຕ້ອງຢຸດຕິການເຮັດວຽກ, ໂຈະສັນຍາແຮງງານ, ພັກເຮັດວຽກໂດຍບໍ່ມີເງິນເດືອນແຕ່ 20% ລົງເຫຼືອ 10%. ຈຸດເວລາຢຸດຕິຊົ່ວຄາວການຈ່າຍເງິນເຂົ້າກອງທຶນພັກບຳນານແລະອຸດໜູນການເສຍຊີວິດ ກ່ອນເວລາຍື່ນເອກະສານກໍ່ໄດ້ຮັບການດັດປັບແຕ່ “ບໍ່ເກີນ 3 ເດືອນ” ຂຶ້ນເປັນ “ບໍ່ເກີນ 6 ເດືອນ”, ສະເພາະເວລາຢຸດຕິຊົ່ວຄາວຍັງຮັກສາຄືເກົ່າເຊິ່ງແມ່ນບໍ່ເກີນ 12 ເດືອນ.
ກ່ຽວກັບຂໍ້ສະເໜີນີ້, ປະກັນໄພສັງຄົມຫວຽດນາມໄດ້ເຫັນດີຕໍ່ແຜນນະໂຍບາຍຢຸດຕິຊົ່ວຄາວການຈ່າຍເງິນເຂົ້າກອງທຶນພັກບຳນານແລະອຸດໜູນການເສຍຊີວິດສຳລັບຜູ້ນຳໃຊ້ແຮງງານທີ່ຖືກຜົນກະທົບຈາກໂລກລະບາດໂຄວິດ - 19 ແລະສະເໜີເງື່ອນໄຂເພີ່ມເຕີມສຳລັບເປົ້າໝາຍທີ່ໄດ້ຮັບການຜ່ອນຜັນເງື່ອນໄຂ.
ເພື່ອໜູນຊ່ວຍຢ່າງທັນການແນໃສ່ຫຼຸດຜ່ອນຄວາມຫຍຸ້ງຍາກໃຫ້ແກ່ຜູ້ເຂົ້າຮ່ວມປະກັນໄພສັງຄົມໃນໄລຍະເກີດໂລກລະບາດໂຄວິດ - 19, ປະກັນໄພສັງຄົມຫວຽດນາມກໍ່ມີເອກະສານທາງການສະເໜີໃຫ້ໜູນຊ່ວຍຜູ້ອອກແຮງງານທີ່ເປັນກໍລະນີ F1, ກໍລະນີ F2 ທີ່ຕ້ອງແຍກປ່ຽວຈາກແຫຼ່ງກອງທຶນປະກັນໄພວ່າງງານ.
 | ສະຫະພັນໃຫຍ່ແຮງງານ ຫວຽດນາມ ສະເໜີໜູນຊ່ວຍຜູ້ອອກແຮຮງງານ 60.000 ຄົນ ທີ່ຖືກຜົນກະທົບຈາກໂລກລະບາດໂຄວິດ - 19 ຍສໝ - ຕາມນັ້ນແລ້ວ, ສະຫະພັນໃຫຍ່ແຮງງານຫວຽດນາມ ກໍ່ສະເໜີໜູນຊ່ວຍເງິນສົດໃຫ້ແກ່ຜູ້ອອກແຮງງານທີ່ຕ້ອງຢຸດເຮັດວຽກ ຍ້ອນແມ່ນເປົ້າໝາຍຕ້ອງແຍກປ່ຽວ 14 ວັນຂຶ້ນໄປ ຢູ່ສະຖານທີ່ແຍກຕົວລວມໝູ່ (ກໍລະນີ F1) ຫຼື ແຍກຕົວຢູ່ເຮືອນ (ກໍລະນີ F2) ຫຼືໃນບັນດາເຂດທີ່ຖືກຈຳກັດການເຂົ້າອອກຕາມຄຳຮຽກຮ້ອງຂອງອົງການແຫ່ງລັດ ທີ່ມີສິດອຳນາດ ແມ່ນໜູນຊ່ວຍເງິນໃຫ້ແກ່ຜູ້ອອກແຮງງານທີ່ຕ້ອງຢຸດເຮັດວຽກໃນເວລາ 14 ວັນ, ແຕ່ເງິນເດືອນຢຸດງານຕ່ຳກ່ວາເງິນເດືອນຕ່ຳສຸດໃນເຂດ. |
 | ແຂວງກ໋ວາງຈິໜູນຊ່ວຍ ອຸປະກອນການແພດ ເພື່ອປ້ອງກັນສະກັດກັ້ນໂລກລະບາດໂຄວິດ - 19 ໃຫ້ແກ່ 2 ແຂວງສະຫວັນນະເຂດ ແລະ ສາລະວັນ ປະເທດລາວ ຍສໝ - ຢູ່ບັນດາດ່ານຊາຍແດນສາກົນລາວບາວ ແລະ ລາໄລ, ຊາວໜຸ່ມແຂວງກ໋ວາງຈິ ໄດ້ມອບຜ້າອັດປາກ - ອັດດັງ 20.000 ອັນ, ເຈວລ້າງມືຂ້າເຊື້ອ 30 ແກັດ, ສະບູລ້າງມື 80 ແກັດ, ນ້ຳຢາລ້າງມື 25 ແກັດ, ໝີ່ສຳເລັດຮູບ 100 ແກັດ ດ້ວຍມູນຄ່າ 120 ... |
 | ທ່ານນາຍົກລັດຖະມົນຕີ ລາວ ພັນຄຳ ວິພາວັນ ສົ່ງສານຢື້ຢາມຖາມຂ່າວສະພາບການໂລກລະບາດໂຄວິດ - 19 ຢູ່ ຫວຽດນາມ ໃນສານ, ໂດຍຕາງໜ້າ ພັກ, ລັດຖະບານ ແລະ ປະຊາຊົນ ລາວ, ທ່ານນາຍົກລັດຖະມົນຕີ ພັນຄຳ ວິພາວັນ ໄດ້ສະແດງຄວາມແບ່ງເບົາ ແລະ ເຫັນອົກເຫັນໃຈ ໄປຍັງ ພັກ, ລັດຖະບານ ແລະ ປະຊາຊົນ ຫວຽດນາມ, ເປັນຕົ້ນແມ່ນບັນດາທ້ອງຖິ່ນທີ່ມີຜູ້ຕິດເຊື້ອໂຄວິດ - 19ໃນຊຸມຊົນເປັນຈຳນວນຫຼາຍ. |
ບຸນຄົງ
