 |
| ແຂວງກ໋ວາງຈິໜູນຊ່ວຍ ອຸປະກອນການແພດ ເພື່ອປ້ອງກັນສະກັດກັ້ນໂລກລະບາດໂຄວິດ - 19 ໃຫ້ແກ່ 2 ແຂວງສະຫວັນນະເຂດ ແລະ ສາລະວັນ ປະເທດລາວ |
ວັນທີ 5 ມິຖຸນາ, ຊາວໜຸ່ມແຂວງ ກ໋ວາງຈິ ໄດ້ມອບອຸປະກອນການແພດ, ເຄື່ອງບັນເທົາທຸກທີ່ຈຳເປັນ ເພື່ອປ້ອງກັນສະກັດກັ້ນ ໂລກລະບາດໂຄວິດ - 19 ໃຫ້ແກ່ ຊາວໜຸ່ມແຂວງ ສະຫວັນນະເຂດ ແລະ ຊາວໜຸ່ມແຂວງ ສາລະວັນ (ລາວ) ຢູ່ເຂດ ດ່ານຊາຍແດນສາກົນ ລາວບາວ (ເມືອງ ເຮືອງຮ໊ວາ, ກ໋ວາງຈິ) ແລະ ດ່ານຊາຍແດນສາກົນ ລາໄລ (ເມືອງ ດັກກຣົງ).
ຕາມນັ້ນແລ້ວ, ຢູ່ບັນດາດ່ານຊາຍແດນສາກົນລາວບາວ ແລະ ລາໄລ, ຊາວໜຸ່ມແຂວງກ໋ວາງຈິ ໄດ້ມອບຜ້າອັດປາກ - ອັດດັງ 20.000 ອັນ, ເຈວລ້າງມືຂ້າເຊື້ອ 30 ແກັດ, ສະບູລ້າງມື 80 ແກັດ, ນ້ຳຢາລ້າງມື 25 ແກັດ, ໝີ່ສຳເລັດຮູບ 100 ແກັດ ດ້ວຍມູນຄ່າ 120 ລ້ານດົ່ງ ໃຫ້ແກ່ຊາວໜຸ່ມແຂວງ ສະຫວັນນະເຂດ ແລະ ຊາວໜຸ່ມແຂວງສາລະວັນ (ປະເທດ ລາວ).
ກ່າວຄຳເຫັນທີ່ພິທີມອບຮັບຂອງຂວັນ, ທ່ານນາງ ເຈິ່ນທິທູ ເລຂາຊາວໜຸ່ມແຂວງ ໃຫ້ຮູ້ວ່າ, ນີ້ແມ່ນການເຄື່ອນໄຫວເພື່ອແນໃສ່ເສີມຂະຫຍາຍມູນເຊື້ອມິດຕະພາບຂອງປະຊາຊົນ ສອງປະເທດ ຫວຽດນາມ - ລາວ, ຮ່ວມແຮງຮ່ວມໃຈໜູນຊ່ວຍປະຊາຊົນສອງແຂວງຊາຍແດນ ທີ່ຕິດກັບ ກ໋ວາງຈິ ໃນວຽກງານປ້ອງກັນ, ສະກັດກັ້ນໂລກລະບາດໂຄວິດ - 19. ຜ່ານນັ້ນ, ກໍ່ສະແດງໃຫ້ເຫັນຈິດໃຈໜູນຊ່ວຍ, ຮຽງບ່າຮຽງໄລ່ຂອງ ຊາວໜຸ່ມແຂວງກ໋ວາງຈິ ກັບຊາວໜຸ່ມ ປະເທດລາວ ເພື່ອພ້ອມກັນຜ່ານຜ່າຄວາມຫຍຸ້ງຍາກໃນບັ້ນຕໍ່ສູ້ຍູ້ໂລກລະບາດໂຄວິດ - 19ໃຫ້ຖອຍໄປ. ທ່ານນາງ ເຈິ່ນທິທູແບ່ງປັນວ່າ:
ເຖິງວ່າຂອງຂວັນບໍ່ໃຫຍ່ກໍ່ຕາມ, ແຕ່ມັນແມ່ນສາຍໃຈຂອງຊາວໜຸ່ມແຂວງກ໋ວາງຈິ ທີ່ໄດ້ສົ່ງໄປຍັງບັນດາແຂວງເພື່ອນລາວ ດ້ວຍຈິດໃຈແບ່ງປັນຄວາມຫຍຸ້ງຍາກໃນວຽກງານປ້ອງກັນ, ສະກັດກັ້ນໂລກລະບາດໂຄວິດ - 19, ດ້ວຍຄວາມປາດຖະໜາວ່າ ບັນດາທ້ອງຖິ່ນ ກໍ່ຄືປະເທດລາວ ຈະສະກັດກັ້ນໂລກລະບາດໂຄວິດ - 19 ແລະນຳຊີວິດການເປັນຢູ່ຂອງປະຊາຊົນກັບຄືນສູ່ສະພາບທີ່ເປັນປົກກະຕິໂດຍໄວ.
ເນື່ອງໃນໂອກາດນີ້, ຄະນະປະຕິບັດງານຊາວໜຸ່ມແຂວງກ໋ວາງຈິ ໄດ້ມາຢ້ຽມຢາມພະນັກງານ, ນັກຮົບປະກອບອາວຸດ ທີ່ພວມປະຕິບັດວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ຢູ່ບັນດາປ້ອມປ້ອງກັນຕ້ານໂລກລະບາດໂຄວິດ - 19 ໃນບໍລິເວນແຂວງ, ມອບນ້ຳດື່ມ 50 ແກັດ, ຜ້າອັດປາກ - ອັດດັງ 2.000 ອັນ, ເຈວລ້າງມື10 ແກັດ, ນ້ຳຢາລ້າງມືຂ້າເຊື້ອ 10 ແກັດລວມມູນຄ່າ 50 ລ້ານດົ່ງໃຫ້ແກ່ບັນດາພະນັກງານ, ນັກຮົບທີ່ພວມປະຕິບັດ ໜ້າທີ່ປ້ອງກັນ, ຕ້ານໂລກລະບາດໂຄວິດ - 19 ຢູ່ປ້ອມທະຫານຊາຍແດນ ປ້ອງກັນ, ຕ້ານໂລກລະບາດໂຄວິດ - 19 ຢູ່ດ່ານຊາຍແດນສາກົນ ລາວບາວ ແລະ ປ້ອມ ປ້ອງກັນ, ຕ້ານໂລກລະບາດໂຄວິດ - 19 ຢູ່ດ່ານຊາຍແດນສາກົນ ລາໄລ. ໂດຍປາດຖະໜາວ່າ ບັນດາຂອງຂວັນທີ່ມີຄວາມໝາຍນີ້ຈະປະກອບສ່ວນເຂົ້າໃນການລະດົມກຳລັງໃຈໃຫ້ແກ່ບັນດາພະນັກງານ, ນັກຮົບຜ່ານຜ່າຄວາມຫຍຸ້ງຍາກໂດຍໄວ, ປະຕິບັດໜ້າທີ່ໃນວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ໄດ້ເປັນຢ່າງດີ.
 | ທ່ານນາຍົກລັດຖະມົນຕີ ລາວ ພັນຄຳ ວິພາວັນ ສົ່ງສານຢື້ຢາມຖາມຂ່າວສະພາບການໂລກລະບາດໂຄວິດ - 19 ຢູ່ ຫວຽດນາມ ໃນສານ, ໂດຍຕາງໜ້າ ພັກ, ລັດຖະບານ ແລະ ປະຊາຊົນ ລາວ, ທ່ານນາຍົກລັດຖະມົນຕີ ພັນຄຳ ວິພາວັນ ໄດ້ສະແດງຄວາມແບ່ງເບົາ ແລະ ເຫັນອົກເຫັນໃຈ ໄປຍັງ ພັກ, ລັດຖະບານ ແລະ ປະຊາຊົນ ຫວຽດນາມ, ເປັນຕົ້ນແມ່ນບັນດາທ້ອງຖິ່ນທີ່ມີຜູ້ຕິດເຊື້ອໂຄວິດ - 19ໃນຊຸມຊົນເປັນຈຳນວນຫຼາຍ. |
 | ສະຖານທູດ ຫວຽດນາມ ປະຈຳ ຮຸ່ງກາຣີ ຈັດຕັ້ງການບໍລິຈາກສະໜັບສະໜູນວຽກງານປ້ອງກັນ, ສະກັດກັ້ນໂລກລະລາດໂຄວິດ - 19 ຍສໝ -ທີ່ພິທີ, ທ່ານນາງເອກອັກຄະລັດຖະທູດ ຫງວຽນທິບິກຖ໋າວ ສະເໜີໃຫ້ບັນດາພະນັກງານ, ພາລະກອນໝົດທຸກຄົນ ແລະ ສະມາຊິກຄອບຄົວພະນັກງານສະຖານທູດ ຍາມໃດກໍ່ຍົກສູງສະຕິລະວັງຕົວກັບໂລກລະບາດໂຄວິດ - 19, ນຳໃຊ້ບັນດາຂໍ້ກຳນົດໃນການປ້ອງກັນ, ສະກັດກັ້ນໂລກລະບາດໂຄວິດ - 19 ຢ່າງຂ້ຽວຂາດ ເພື່ອປະຕິບັດເປັນຢ່າງດີສຳເລັດໜ້າທີ່ຂອງພັກ ແລະ ລັດມອບໝາຍໃຫ້. |
 | ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ປຸກລະດົມການບໍລິຈາກ, ສະໜັບສະໜູນໃຫ້ແກ່ກອງທຶນວັກຊິນກັນໂຄວິດ - 19 ຍສໝ - ກ່າວຄຳເຫັນທີ່ພິທີປຸກລະດົມ, ທ່ານນາງ ຫງວຽນທິທູຢາງ - ປະທານກຳມະບານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ໃຫ້ຮູ້ວ່າ: ໂດຍຕອບສະໜອງຕາມຄຳຮຽກຮ້ອງຂອງທ່ານປະທານປະເທດ ຫງວຽນຊວັນຟຸກ, ພະນັກງານ, ລັດຖະບານ, ຜູ້ອອກແຮງງານຂອງສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ໄດ້ປະກອບສ່ວນສະໜັບສະໜູນກອງທຶນ ໂຄວິດ - 19, ພ້ອມກັບປະຊາຊົນແບບຫາບໜ້າທີ່ເພື່ອປະເທດຊາດ. |
ບຸນຄົງ
