 |
| ເນື່ອງຈາກມີຝົນຕົກໜັກຕິດຕໍ່ກັນຫລາຍວັນ ເຮັດໃຫ້ປະຊາຊົນ 45 ບ້ານ, ມີ 2.310 ຫລັງຄາ, 14.590 ຄົນ ຢູ່ເມືອງເຊໂປນ ແຂວງສະຫວັນນະເຂດ ໄດ້ຮັບຜົນກະທົບຢ່າງໜັກ ຈາກໄພພິບັດນໍ້າຖ້ວມ. |
ນັບແຕ່ວັນທີ 7-20 ຕຸລາ 2020 ເນື່ອງຈາກມີຝົນຕົກໜັກຕິດຕໍ່ກັນຫລາຍວັນ ເຮັດໃຫ້ປະຊາຊົນ 45 ບ້ານ, ມີ 2.310 ຫລັງຄາ, 14.590 ຄົນ ຢູ່ເມືອງເຊໂປນ ແຂວງສະຫວັນນະເຂດ ໄດ້ຮັບຜົນກະທົບຢ່າງໜັກ ຈາກໄພພິບັດນໍ້າຖ້ວມ. ໃນນັ້ນ, ມີເສັ້ນທາງ, ຂົວ, ໂຮງຮຽນ, ສຸກສາລາ, ເສົາໄຟຟ້າ, ລະບົບພື້ນຖານໂຄງລາງຈໍານວນໜຶ່ງ ແລະ ສັດລ້ຽງ ຖືກນໍ້າຖ້ວມເສຍຫາຍເຊັ່ນດຽວກັນ. ເມືອງເຊໂປນ ແມ່ນໜຶ່ງໃນ 8 ເມືອງ ຂອງແຂວງສະຫວັນນະເຂດ ທີ່ໄດ້ຮັບຜົນກະທົບຢ່າງໜັກຈາກໄພພິບັດນໍ້າຖ້ວມ, ຊຶ່ງສາມາດເກັບກໍາຂໍ້ມູນຄວາມເສຍຫາຍເບື້ອງຕົ້ນ ຕໍ່ຊັບສິນຂອງລັດ ແລະ ປະຊາຊົນໄດ້ຈໍານວນຫລາຍ ເປັນຕົ້ນແມ່ນ ປະຊາຊົນຖືກນໍ້າຖ້ວມມີ 45 ບ້ານ, 2.310 ຫລັງຄາ, ມີ 2.525 ຄອບຄົວ, 14.590 ຄົນ, ໃນນັ້ນບ້ານທີ່ໄດ້ຍົກຍ້າຍອອກ ມີ 27 ບ້ານ, ມີ 1.817 ຄອບບຄົວມີ 11.298 ຄົນ, ເຮືອນຫັກເປ່ເພ 55 ຫລັງ, ເຮືອນຖືກນໍ້າໄຫລຊຸ 37 ຫລັງ ຢູ່ບ້ານແກ້ງຫົວປາ (ຄຸ້ມວັງຄົດ) ແລະ ບ້ານລະອໍ. ນອກນັ້ນ, ຍັງຖ້ວມເລົ້າເຂົ້າ 69 ຫລັງ, ວັດ 4 ແຫ່ງ, ເຮືອເສຍ 19 ລໍາ ແລະ ສັດລ້ຽງຂອງປະຊາຊົນຈໍານວນໜຶ່ງ. ສ່ວນບ້ານ ແລະ ຄອບຄົວ ທີ່ໄດ້ຮັບຜົນກະທົບທາງດ້ານກະສິກຳ ເຊັ່ນ ນ້ຳຖ້ວມນາ 39 ບ້ານ, ເນື້ອທີ່ນາ 1.768 ເຮັກຕາ, ໄຮ່ເຂົ້າ 958 ເຮັກຕາ, ສວນໄມ້ອຸດສາຫະກໍາ 717 ເຮັກຕາ, ສວນພືດຜັກຕ່າງໆ 52 ເຮັກຕາ, ໜອງປາ 274 ໜອງ.
 | ໂລກໄດ້ຢັ້ງຢືນມີຜູ້ຕິດເຊື້ອໂຄວິດ-19 ເປັນຈຳນວນ 43.769.605 ຄົນ, ໃນນັ້ນ ມີ 1.164.228 ຄົນເສຍຊີວິດ ປະຈຸບັນ, ຫວຽດນາມ ຢັ້ງຢືນບໍ່ມີຜູ້ຕິດເຊື້ອໃໝ່ໃນຊຸມຊົນ ແລະ ເປັນມື້ທີ 55 ແລ້ວ ທີ່ຫວຽດນາມ ບໍ່ພົບກໍລະນີຕິດເຊື້ອພະຍາດໂຄວິດ - 19 ໃນຊຸມຊົນ. |
 | COVID-19 ສືບຕໍ່ລະບາດໜັກຢູ່ທົ່ວໂລກ ຂະນະທີ່ລາວບໍ່ພົບຜູ້ຕິດເຊື້ອເພີ່ມ ທ່ານ ນາງ ດຣ. ລັດສະໝີ ວົງຄຳຊາວ ຮອງຫົວໜ້າກົມຄວບຄຸມ ພະຍາດຕິດຕໍ່ ກະຊວງສາ ທາລະນະສຸກ ໄດ້ຖະແຫລງໃຫ້ຮູ້ໃນວັນທີ 27 ຕຸລາ 2020 ນີ້ວ່າ: ພະຍາດອັກເສບປອດ ຈາກເຊື້ອຈຸລະໂຣກສາຍພັນໃໝ່ COVID-19 ຍັງສືບຕໍ່ລະບາດຢ່າງໜັກໜ່ວງ ຢູ່ຫລາຍປະເທດໃນໂລກ, ເຊິ່ງມາຮອດວັນທີ 27 ຕຸລາ 2020 ທົ່ວໂລກມີລາຍງານ ການລະບາດໃນ 215 ປະເທດ/ເຂດແຄວ້ນ, ມີຢັ້ງຢືນຜູ້ຕິດເຊື້ອຫລາຍກວ່າ 43,7 ລ້ານຄົນ, ສະເພາະວັນທີ 26 ຕຸລາ 2020 ມີຜູ້ຕິດເຊື້ອເພີ່ມຂຶ້ນກວ່າ 4 ແສນຄົນ. ສ່ວນຜູ້ເສຍຊີວິດ ຈາກພະຍາດນີ້, ແມ່ນມີຫລາຍກວ່າ 1,1 ລ້ານຄົນແລ້ວ ແລະ ປິ່ນປົວຫາຍດີມີ 32,1 ລ້ານກວ່າຄົນ. |
 | ປະຊາຄົມຊາວຫວຽດນາມ ອາໄສຢູ່ ລາວ ຊ່ວຍເຫຼືອພໍ່ແມ່ປະຊາຊົນ ແຂວງ ສະຫວັນນະເຂດ ຍສໝ - ຕາມທ່ານເອກອັກຄະລັດຖະທູດ ຫງວຽນບ໊າຮຸ່ງ ແລ້ວ, ຈຳນວນເງິນບໍລິຈາກສະໜັບສະໜູນໃຫ້ແກ່ປະຊາຊົນລາວໄດ້ຂຶ້ນເຖິງ 150 ລ້ານກິບ (ປະມານ ເກືອບ 17,3 ພັນ USD). ຈຳນວນເງິນ 100 ລ້ານກີບທີ່ຍັງເຫຼືອ ພ້ອມກັບເຄື່ອງຂອງທີ່ຈຳເປັນ ປະຊາຊົນຊາວ ຫວຽດນາມ ອາໄສຢູ່ລາວ ຈະມອບໂດຍກົງໃຫ້ປະຊາຊົນເຂດຖືກນຳຖ້ວມຢູ່ 8 ເມືອງຢູ່ແຂວງ ສະຫວັນນະເຂດ. |
vietlao.vietnam.vn
