ເອກອັກຄະລັດຖະທູດຫຼາຍປະເທດ ໄດ້ຍ້ອງຍໍຊົມເຊີຍຜົນສຳເລັດຂອງ ຫວຽດນາມ ໃນການຕໍ່ສູ້ ພະຍາດ Covid-19

	ແມ່ຍິງຫວຽດນາມ ຢູ່ ປະເທດມາເລເຊຍ ຊ່ວຍເຫຼືອຜູ້ທຸກຍາກທີ່ປະສົບກັບຄວາມຫຍຸ້ງຍາກເນື່ອງຈາກວ່າ COVID-19
	ອາເມລິກາ ຊ່ວຍເຫຼືອ ຫວຽດນາມ 9,5 ລ້ານ USD ເພື່ອຄວບຄຸມໂລກລະບາດໂຄວິດ-19

ທ່ານ Daniel Kritenbrink - ເອກອັກຄະລັດຖະທູດ ອາເມລິກາ ປະຈຳຫວຽດນາມ ໄດ້ຖືຫວຽດນາມ ແມ່ນ “ແຖວໜ້າ” ໃນການຕໍ່ສູ້ ພະຍາດ Covid-19 ຂອງສາກົນ. ວ່າດ້ວຍສະຖານທີ່ທາງພູມສາດ ແລະ ການເຊື່ອມຕໍ່ສາກົນ, ຫວຽດນາມໄດ້ພົບກັບກໍລະນີຕິດເຊື້ອພະຍາດ Covid-19 ຍ້ອນການຕິດເຊື້ອຈາກຕ່າງປະເທດໃນເດືອນມັງກອນປີນີ້.

ທ່ານ Gareth Ward - ເອກອັກຄະລັດຖະທູດອັງກິດ ປະຈຳຫວຽດນາມ ຮູ້ສຶກມີຄວາມໂຊກດີ ທີ່ໄດ້ມາອາໄສ ແລະ ເຮັດວຽກຢູ່ຫວຽດນາມ. (ພາບ: thanhnien)

ທ່ານ Daniel Kritenbrink - ເອກອັກຄະລັດຖະທູດ ອາເມລິກາ ປະຈຳຫວຽດນາມ ໃຫ້ຮູ້ວ່າ, ຫວຽດນາມໄດ້ພັດທະນາກຳລັງດ້ານກົດບັນຢັດ ເພື່ອຮັບມືກັບພະຍາດດັ່ງກ່າວ. ສິ່ງດັ່ງກ່າວໄດ້ສະແດງໃຫ້ເຫັນເຖິງ ວິທີຂອງລັດຖະບານຫວຽດນາມຕອບສະໜອງຢ່າງຕັ້ງໜ້າຕໍ່ການພົບເຫັນກໍລະນີຕິດເຊື້ອ, ທົດສອບວິເຄາະ ແລະ ແຍກຫ່າງຄົນເຈັບທີ່ຕິດເຊື້ອ Covid-19, ພ້ອມທັງຕິດຕາມສຸຂະພາບຂອງບັນດາຜູ້ທີ່ກ່ຽວຂ້ອງກັບຄົນເຈັບ. ອີກເທື່ອໜຶ່ງ, ລັດຖະບານຫວຽດນາມ ໄດ້ປະຕິບັດໜ້າທີ່ຂອງຕົນຢ່າງດີເລີດ, ຕັ້ງໜ້າ ແລະ ໂປ່ງໃສ. “ມາຮອດປັດຈຸບັນ, ຜົນສຳເລັດໃນການຕໍ່ສູ້ພະຍາດ Covid-19 ຂອງຫວຽດນາມ ແມ່ນຂື້ນກັບການນຳພາຂອງລັດຖະບານ, ການເຮັດວຽກດຸໝັ່ນ, ໝົດຈິດໝົດໃຈຂອງພະນັກງານສາທາລະນະສຸກໃນທຸກລະດັບ ແລະ ການມີສ່ວນຮ່ວມ, ຕອບສະໜອງ ແລະປະຕິບັດຂອງຊຸມຊົນຢ່າງເຂັ້ມແຂງ ກ່ຽວກັບມາດຕະການຄວບຄຸມພະຍາດ.” ທ່ານ Daniel Kritenbrink ແບ່ງປັນ.

ໃນວັນທີ 30 ມີນາ, ທ່ານ Gareth Ward - ເອກອັກຄະລັດຖະທູດອັງກິດ ປະຈຳຫວຽດນາມ ໄດ້ຮຽກຮ້ອງໃຫ້ພົນລະເມືອງປະເທດອັງກິດທີ່ດຳລົງຊີວິດ ແລະ ເຮັດວຽກຢູ່ຫວຽດນາມ ຕ້ອງການປະຕິບັດຕາມລະບຽບການກ່ຽວກັບການປ້ອງກັນ ແລະ ຄວບຄຸມພະຍາດ Covid-19 ຂອງຫວຽດນາມ. ທ່ານ Gareth Ward ເອກອັກຄະລັດຖະທູດອັງກິດ ໄດ້ເນັ້ນໜັກວ່າ: “ພວກເຮົາຄວນຮູ້ສຶກມີຄວາມໂຊກດີ ທີ່ໄດ້ມາອາໄສ ແລະ ເຮັດວຽກຢູ່ຫວຽດນາມ.”

ກຳລັງປະຕິບັດໜ້າທີ່ ໄດ້ສີດຢາຂ້າເຊື້ອ ທີ່ທົ່ວນະຄອນຫຼວງຮ່າໂນ້ຍ ເມື່ອກວດພົບກໍລະນີຕິດເຊື້ອທຳອິດ. (ພາບ: anninhthudo)

ນອກຈາກນັ້ນ, ທ່ານ Gareth Ward - ເອກອັກຄະລັດຖະທູດອັງກິດ ຍັງໄດ້ອອກຖະແຫຼງການໂດຍກ່າວວ່າ: “ຂ້າພະເຈົ້າຂໍຂອບໃຈລັດຖະບານຫວຽດນາມ ແລະ ສາຍການບິນຫວຽດນາມ ທີ່ໄດ້ໃຫ້ຄວາມພະຍາຍາມເພື່ອຊ່ວຍອັງກິດສະກັດກັ້ນພະຍາດ Covid- 19, ພ້ອມທັງການສະໜັບສະໜູນ ເພືນຳສົ່ງພົນລະເມືອງອັງກິດກັບບ້ານ”.

ພິຈາລະນາບັນດາຄວາມມານະພະຍາຍາມ ໃນການຕໍ່ສູ້ ພະຍາດ Covid-19 ຂອງຫວຽດນາມ ເປັນການສະແດງຄວາມສາມັກຄີ ເປັນ “ການກະທຳເພື່ອຄວາມຍຸຕິ ທຳອັນສູງສົ່ງ ແລະ ຈົບງາມ”, ທ່ານ Grete Lochen - ເອກອັກຄະລັດຖະທູດ ນອກແວ ປະຈຳຫວຽດນາມ ໄດ້ສະແດງຄວາມປະທັບໃຈຕໍ່ບັນດາການກະທຳທີ່ລັດຖະບານຫວຽດນາມ ໄດ້ປະຕິບັດມາຮອດປະຈຸບັນ ເພື່ອປ້ອງກັນ ແລະ ຄວບຄຸມພະຍາດ Covid-19, ລວມທັງພາຍໃນປະເທດ, ພາກພື້ນ ແລະ ສາກົນ.

ໂລກລະບາດ Covid-19 ກໍ່ຍັງທ້າທາຍຕໍ່ແຜນການຂອງຫວຽດນາມ ໃນຖານະເປັນປະທານອາຊຽນ 2020. ແຕ່ວ່າ, ຕາມທ່ານ Grete Lochen - ເອກອັກຄະລັດຖະທູດ ນອກແວ, ຫວຽດນາມໄດ້ “ປ່ຽນຄວາມສ່ຽງ ກາຍເປັນໂອກາດ”, ຕາມຈິດໃຈ “ຄວາມສະໜິດຕິດພັນ ແລະເປັນເຈົ້າການປັບຕົວ” - ຫົວຂໍ້ຂອງປີອາຊຽນປີ 2020 ໄດ້ແຈ້ງຂື້ນເມື່ອ ຫວຽດນາມ ອອກຖະແຫຼງການປະທານອາຊຽນ ວ່າດ້ວຍການຕອບໂຕ້ຕໍ່ການລະບາດຂອງພະຍາດ Covid-19 ແຕ່ເບື້ອງຕົ້ນ.

ທ່ານ Antonio Alessandro - ເອກອັກຄະລັດຖະທູດອີຕາລີ ປະຈຳຫວຽດນາມ ກໍ່ຕີລາຄາສູງບັນດາຄວາມມານະພະຍາຍາມໃນການຕໍ່ສູ້ ພະຍາດ Covid-19 ຂອງຫວຽດນາມ, ພິເສດແມ່ນຄວາມຕັດສິນໃຈຂອງປະຊາຊົນຫວຽດນາມ. ຕາມທ່ານ Antonio Alessandro - ເອກອັກຄະລັດຖະທູດອີຕາລີ ແລ້ວ, ຜົນສຳເລັດຂອງຫວຽດນາມ ສ່ວນໃຫຍ່ແມ່ນຍ້ອນປະຊາຊົນໄດ້ປະຕິບັດແນວທາງຂອງລັດຖະບານຢ່າງເຂັ້ມງວດ ແລະ ບຸລິມະສິດດ້ານສາທາລະນະສຸກໃນຊຸມຊົນ, ເພື່ອຄວາມປອດໄພຂອງຕົວເອງ ແລະ ເພື່ອຄວາມພະຍາຍາມຮ່ວມກັນໃນການຄວບຄຸມໂລກລະບາດ Covid-19.

ຫວຽດນາມ ແບ່ງປັນປະສົບການ ກັບສາກົນ ໃນການສະກັດກັ້ນການລະບາດຂອງພະຍາດ COVID-19 ຍສໝ​ - ວັນທີ 30 ເມສາ, ຫວຽດນາມໄດ້ຕາງໜ້າສຳນັກງານ ອົງການອະນາໄມໂລກ WHO ຢູ່ ເຂດທິດຕາເວັນຕົກປາຊີຟິກ ເຊິ່ງໄດ້ກ່າວບົດສະເໜີກ່ຽວກັບປະສົບການໃນການປ້ອງກັນ ແລະ ສະກັດກັ້ນພະຍາດ COVID-19, ກໍ່ຄື ອະທິບາຍສະແດງໃຫ້ເຫັນວ່າເປັນຫຍັງໃນ 14 ວັນທີ່ຜ່ານມາ, ຫວຽດນາມບໍ່ໄດ້ບັນທຶກກໍລະນີຕິດເຊື້ອຢູ່ໃນຊຸມຊົນ.

ທະຫານຊາຍແດນແຂວງກວ໋າງນາມ ຫວຽດນາມ ໄດ້ມອບເຂົ້າສານ 1,7 ໂຕນ ໃຫ້ແກ່ກໍາລັງປົກປັກຮັກສາຊາຍແດນແຂວງເຊກອງ ລາວ ຍສໝ - ເມື່ອບໍ່ດົນມານີ້, ທີ່ເຂດຫຼັກໝາຍຊາຍແດນເລກທີ 666 ຂຶ້ນກັບການຄຸ້ມຄອງຂອງຄ້າຍທະຫານຊາຍແດນອາເດີດ ຄະນະປະຕິບັດງານຂອງກອງບັນຊາການທະຫານຊາຍແດນແຂວງ ກວ໋າງນາມ ໄດ້ຈັດຕັ້ງພິທີມອບ-ຮັບສະບຽງອາຫານ ແລະອຸປະກອນການແພດໃຫ້ແກ່ກໍາລັງປົກປັກຮັກສາຊາຍແດນແຂວງເຊກອງ.

ຊາວຫວຽດນາມ ຢູ່ Ukraine ໄດ້ມອບຜ້າບັງປາກ ໃຫ້ແກ່ບັນດາໂຮງໝໍ, ອົງການດັບເພີງ ເພື່ອປ້ອງກັນການລະບາດຂອງພະຍາດ Covid-19 ຢູ່ Ukraine ຍສໝ - ຊາວຫວຽດນາມ ຢູ່ Odessa (Ukraine) ມອບຜ້າບັງປາກຈຳນວນ 12.000 ແຜ່ນ ໃຫ້ແກ່ບັນດາໂຮງໝໍ, ອົງການດັບເພີງ ເພື່ອປ້ອງກັນພະຍາດ Covid-19 ຢູ່ ປະເທດUkraine.