ປົກປັກຮັກສາ ແລະເພີ່ມພູນຄູນສ້າງການພົວພັນຫວຽດນາມ-ລາວ ໃຫ້ນັບມື້ນັບພັດທະນາ, ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ

	ປ່ຽນແປງໃໝ່, ພັດທະນາບົດບາດຫຼັກແຫຼ່ງໃນວຽກງານການທູດປະຊາຊົນ, ປະກອບສ່ວນສ້າງສາ ແລະ ປົກປັກຮັກສາ ປະເທດຊາດ
	ລາວ: ປົກປັກຮັກສາ ພັດທະນາແຫລ່ງທົ່ງໄຫຫີນ

ທ່ານ ເລຮວ່າຍຈູງ ກໍາມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ. ພາບ: TTXVN

ຫວ່າງແລ້ວນີ້, ທ່ານ ເລຮວ່າຍຈູງ, ກໍາມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ພ້ອມກັບທ່ານນາງ ສູນທອນ ໄຊຍະຈັກ, ເລຂາທິການຄະນະບໍລິຫານງານສູນກາງພັກ, ຮອງປະທານສະພາແຫ່ງຊາດ, ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ ໄດ້ເປັນປະທານກອງປະຊຸມທາງໄກເພື່ອແຈ້ງຜົນສຳເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIII ຂອງພັກກອມມູນິດຫວຽດນາມ.

ທີ່ກອງປະຊຸມ, ທ່ານ ເລຮວ່າຍຈູງ ແລະ ທ່ານນາງ ສູນທອນ ໄຊຍະຈັກ ໄດ້ສະແດງຄວາມພາກພູມໃຈຕໍ່ການພົວພັນສາມັກຄີແບບພິເສດ ຫວຽດນາມ-ລາວ ທີ່ນັບມື້ນັບພັດທະນາຢ່າງເລິກເຊິ່ງກວ້າງຂວາງ, ນຳມາເຊິ່ງຜົນປະໂຫຍດທີ່ແທດຈິງໃຫ້ປະຊາຊົນສອງປະເທດ. ສອງຝ່າຍຢັ້ງຢືນຄວາມຕັດສິນໃຈພ້ອມກັນຜ່ານຜ່າຄວາມຫຍຸ້ງຍາກ, ສິ່ງທ້າທາຍ, ສົມທົບກັນຢ່າງແໜ້ນແຟ້ນເພື່ອຜັນຂະຫຍາຍການປະຕິບັດມະຕິກອງປະຊຸມໃຫຍ່ຂອງແຕ່ລະພັກເປັນຢ່າງດີ ແລະປະຕິບັດບັນດາຂໍ້ຕົກລົງລະຫວ່າງການນຳຂັ້ນສູງສອງພັກ, ສອງລັດໃຫ້ມີປະສິດທິຜົນ; ຢັ້ງຢືນວ່າ ບໍ່ວ່າໃນສະພາບການໃດກໍ່ຕາມ, ສອງຝ່າຍກໍ່ຈະເຮັດຈົນສຸດຄວາມສາມາດຂອງຕົນເພື່ອປົກປັກຮັກສາ ແລະເພີ່ມພູນຄູນສ້າງການພົວພັນຫວຽດນາມ-ລາວ ໃຫ້ນັບມື້ນັບພັດທະນາ, ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ.

ກ່ອນໜ້ານັ້ນ, ໃນຕອນເຊົ້າວັນທີ 26 ມັງກອນ 2021, ກອງປະຊຸມໃຫຍ່ຜູ້ແທນທ່ົວປະເທດ ຄັ້ງທີ XIII ຂອງພັກກອມມູນິດຫວຽດນາມ ໄດ້ໄຂຂຶ້ນຢ່າງສົມກຽດທີ່ຫໍປະຊຸມແຫ່ງຊາດໝີ໊ດິ່ງ, ຮ່າໂນ້ຍ. ກອງປະຊຸມໃຫຍ່ພາຍໃຕ້ຫົວຂໍ້ “ເພີ່ມທະວີການກໍ່ສ້າງ, ປັບປຸງພັກ ແລະລະບົບການເມືອງໃຫ້ປອດໃສ, ໝັ້ນຄົງເຂັ້ມແຂງ; ສ້າງເຈດຈໍານົງ ແລະຄວາມຕັດສິນໃຈພັດທະນາປະເທດຊາດ, ເສີມຂະຫຍາຍກໍາລັງແຮງມະຫາສາມັກຄີທົ່ວປວງຊົນທັງຊາດ ສົມທົບກັບກໍາລັງແຮງຍຸກສະໄໝ; ສືບຕໍ່ຍູ້ແຮງກິດຈະການປ່ຽນແປງໃໝ່ຢ່າງຮອບດ້ານ, ຄົບຊຸດ; ສ້າງສາ ແລະປົກປັກຮັກສາປະເທດຊາດໄວ້ໃຫ້ໝັ້ນຄົງ, ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ; ສູ້ຊົນຮອດກາງສະຕະວັດ XXI, ຫວຽດນາມ ກາຍເປັນປະເທດພັດທະນາຕາມການກໍານົດທິດສັງຄົມນິຍົມ”.ກອງປະຊຸມໃຫຍ່ ໄດ້ສຳຫຼວດກວດຄືນວຽກງານກໍ່ສ້າງພັກ ແລະການຊີ້ນໍານໍາພາຂອງຄະນະບໍລິຫານງານສູນກາງພັກ ສະໄໝ XII ຢ່າງເລິກເຊິ່ງ, ຮອບດ້ານ; ກໍານົດທິດທາງ, ໜ້າທີ່ກໍ່ສ້າງພັກໃນອາຍຸການໃໝ່; ຕີລາຄາການປະຕິບັດກົດລະບຽບຂອງພັກ, ພິເສດແມ່ນເລືອກຕັ້ງຄະນະບໍລິຫານງານສູນກາງພັກ ສະໄໝ XIII.

ປ່ຽນແປງໃໝ່, ພັດທະນາບົດບາດຫຼັກແຫຼ່ງໃນວຽກງານການທູດປະຊາຊົນ, ປະກອບສ່ວນສ້າງສາ ແລະ ປົກປັກຮັກສາ ປະເທດຊາດ ຍສໝ - ວັນທີ 5 ທັນວາ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ (VUFO) ໄດ້ຈັດຕັ້ງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ VI, ອາຍຸການ 2019 – 2024, ດ້ວຍຫົວຂໍ້ “ປ່ຽນແປງໃໝ່, ພັດທະນາບົດບາດຫຼັກແຫຼ່ງໃນວຽກງານການທູດປະຊາຊົນ, ປະກອບສ່ວນສ້າງສາ ແລະ ປົກປັກຮັກສາ ປະເທດຊາດ".

ລາວ: ປົກປັກຮັກສາ ພັດທະນາແຫລ່ງທົ່ງໄຫຫີນ ບັນດາ​ແຫລ່ງ​ໄຫ​ຫີນ​ທີ່​ມີ ລ້ວນ​ແຕ່​ມີ​ການ​ປະກອບສ່ວນ​ປົກ​ປັກ​ຮັກສາ​ຈາກ​ປະຊາຊົນ​ທ້ອງຖິ່ນ ເຊິ່ງ​ໄດ້​ກໍ່ໃຫ້ເກີດ​ຄວາມ​ຮັກ ແລະ ​ຫວງ​ແຫນ ມໍລະດົກ​ອັນ​​ລໍ້າ​ຄ່າ​ຕະຫລອດ​ມາ.

ເພີ່ມພູນຄູນສ້າງສາຍພົວພັນສາມັກຄີແບບພິເສດ ຫວຽດນາມ-ລາວ ໃຫ້ນັບມື້ນັບພັດທະນາ ຕອນເຊົ້າວັນທີ 29 ກໍລະກົດ, ຢູ່ສໍານັກງານສູນກາງພັກ, ທ່ານ ເຈິ່ນກວ໊ກເວື້ອງ, ຜູ້ປະຈຳການຄະນະເລຂາທິການໄດ້ໃຫ້ການຕ້ອນຮັບຄະນະຜູ້ແທນພັກປະຊາຊົນປະຕິວັດລາວ ນໍາໂດຍທ່ານ ກິແກ້ວ ໄຂຄໍາພິທູນ, ຫົວໜ້າຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ, ປະທານສະພາທິດສະດີສູນກາງ, ປະທານສະພາວິທະຍາສາດສັງຄົມແຫ່ງຊາດລາວ ໄດ້ມາຢ້ຽມຢາມ ແລະເຂົ້າຮ່ວມກອງປະຊຸມສໍາມະນາທິດສະດີຄັ້ງທີ VII ລະຫວ່າງສອງພັກດ້ວຍຫົວຂໍ້ “ກໍ່ສ້າງພັກ ແລະລະບົບການເມືອງໃນສະພາບການໃໝ່”.