ຊ່ຽວຊານລັດເຊຍ: ນະໂຍບາຍການຕ່າງປະເທດຂອງຫວຽດນາມປະກອບສ່ວນຊຸກຍູ້ສັນຕິພາບ ແລະ ສະຖຽນລະພາບຢູ່ທະເລຕາເວັນອອກ

	ຫວຽດນາມ ແບ່ງປັນບົດຮຽນໃນການນໍາໃຊ້ເຕັກໂນໂລຢີນິວເຄຼຍເຂົ້າໃນການຮັບມືກັບພະຍາດໂຄວິດ-19
	ຮູບແບບຫໍສະໝຸດທີ່ໄດ້ຮັບການສະໜັບສະໜູນ ໂດຍ ChilFund ຫວຽດນາມ ຊ່ວຍໃຫ້ນັກຮຽນປະຖົມມີຄວາມໝັ້ນໃຈ

ພາບປະກອບ

ທ່ານ Pavel Gudev ເປັນນັກຮຽນຮູ້ທີ່ສະຖາບັນຄົ້ນຄວ້າເສດຖະກິດໂລກ ແລະ ການພົວພັນສາກົນຂອງສະພາບັນດິດວິທະຍາສາດລັດເຊຍ (IMEMO) ໄດ້ເນັ້ນໜັກເຖິງການຮຽບຮຽງ ແລະ ລົງນາມໃນກົດລະບຽບການປະພຶດຂອງບັນດາຝ່າຍໃນທະເລຕາເວັນອກ (COC) ທີ່ມີການຜູກມັດທາງກົດໝາຍ ແມ່ນປັດໃຈທີ່ສໍາຄັນໃນການຄວບຄຸມການປະພຶດຂອງຝ່າຍຕ່າງໆໃນການຂັດແຍ້ງ.

ທ່ານ ສາດສະດາຈານ, ດຣ. Dmitri Mosyako ຜູ້ອຳນວຍການສູນຄົ້ນຄວ້າອາຊຽນ, ອົດສະຕາລີ ແລະ ທະວີບມະຫາສະໝຸດ ຂອງສະຖາບັນຄົ້ນຄ້ວາທິດຕາເວັນອອກ (ສະພາບັນດິດວິທະຍາສາດລັດເຊຍ) ໃຫ້ຮູ້ວ່າ, ຫວຽດນາມໄດ້ປະກອບສ່ວນຢ່າງໃຫຍ່ຫຼວງເຂົ້າໃນການຮັກສາສັນຕິພາບໃນພາກພື້ນນີ້, ປະກອບສ່ວນເຂົ້າໃນການເສີມຂະຫຍາຍທີ່ຕັ້ງ ແລະ ບົດບາດຂອງອາຊຽນໃນໂລກ.

ຕາມທ່ານ ດຣ Dmitri Mosyakov ແລ້ວ, ຫວຽດນາມ ຍຶດໝັ້ນໃນວິທີການແກ້ໄຂຂໍ້ຂັດແຍ່ງໂດຍສັນຕິວິທີ, ສະໜັບສະໜູນການປະຕິບັດສຳເລັດ ແລະ ປະຕິບັດ COC ໂດຍໄວ. ຄຽງຂ້າງນັ້ນ, ດ້ວຍນະໂຍບາຍການຕ່າງປະເທດຫຼາຍຝ່າຍ, ຫວຽດນາມຖືເປັນສຳຄັນການພົວພັນຮ່ວມມືກັບບັນດາຄູ່ຮ່ວມມືອາຊີ ແລະ ບັນດາປະເທດໃນທົ່ວໂລກ, ຜ່ານນັ້ນມີຜົນດີຕໍ່ການຫຼຸດຜ່ອນຄວາມກົດດັນ, ປະກອບສ່ວນຊຸກຍູ້ສັນຕິພາບ ແລະ ຄວາມໝັ້ນຄົງຢູ່ທະເລຕາເວັນອອກ.

ບັນດາຜູ້ເຂົ້າຮ່ວມຍັງໄດ້ແລກປ່ຽນຄຳຄິດຄຳເຫັນກັບ ທ່ານ ດຣ. D. Mosyakov, ໂດຍເນັ້ນໜັກເຖິງນະໂຍບາຍສະເໝີຕົ້ນສະເໝີ ປາຍຂອງຫວຽດນາມໃນການແກ້ໄຂຂໍ້ຂັດແຍ່ງໃນທະເລຕາເວັນອອກໂດຍສັນຕິວິທີ, ສອດຄ່ອງກັບກົດໝາຍສາກົນ, ກ່ອນອື່ນໝົດແມ່ນສົນທິສັນຍາສະຫະປະຊາຊາດວ່າດ້ວຍກົດໝາຍທະເລປີ 1982 (UNCLOS).

ໜັງສືພິມໄທ: ຫວຽດນາມ ນຳພາອາຊຽນ ໃນຍຸກຫຼັງ Covid-19 ຍສໝ - ໃນການວິເຄາະທີ່ມີຫົວຂໍ້ວ່າ "ຫວຽດນາມ ນຳພາອາຊຽນ ໃນຍຸກຫຼັງ ໄວຣັດ" ທີ່ລົງພິມໃນໜັງ ສືພິມ Bangkok Post ເມື່ອມໍ່ໆມານີ້, ນັກຂ່າວ Kavi Chongkittavorn ໄດ້ມີການຢັ້ງຢືນວ່າກອງປະຊຸມສຸດຍອດອາຊຽນ ອອນລາຍ ຄັ້ງທີ 36 ທີ່ຈະມາເຖິງ ແມ່ນການເລີ່ມຕົ້ນໃໝ່ ຂອງອາຊຽນ ເຊິ່ງມີຄວາມສາມັກຄີ ແລະ ເປັນເຈົ້າການໃນການປັບຕົວ ກວ່າເກົ່າ. ...

ພິທີມອບຮັບຈົດໝາຍທາງການທີ່ປະກາດ ຫວຽດນາມໃຫ້ສັດຕະຍາບັນ EVFTA ແລະ EVIPA ໃຫ້ ເອກອັກຄະລັດຖະທູດ EU ຍສໝ - ຕອນບ່າຍວັນທີ 18 ມິຖຸນາ ທີ່ຮ່າໂນ້ຍ, ທ່ານບຸ່ຍແທງເຊີນ - ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ມອບຈົດໝາຍທາງການທີ່ປະກາດ ປະເທດຫວຽດນາມໃຫ້ສັດຕະຍາບັນ EVFTA ແລະ EVIPA ໃຫ້ທ່ານເອກອັກຄະລັດຖະທູດ ສະຫະພາບເອີຣົບ.

ຫວຽດນາມ ໄດ້ຮຽກຮ້ອງທົ່ວໂລກຈົ່ງແບ່ງປັນຄວາມຫຍຸ້ງຍາກ ແລະ ມີຄວາມຮັບຜິດຊອບສຳຫຼັບຄົນລີ້ໄພ ຍສໝ - ວັນທີ 18 ມິຖຸນານີ້, ສະພາຄວາມໝັ້ນຄົງສະຫະປະຊາຊາດ ໄດ້ຈັດກອງປະຊຸມອອນລາຍເພື່ອຮັບຟັງການລາຍງານຂອງ ທ່ານ Filippo Grandi - ຫົວໜ້າກົມຮັບຜິດຊອບສຳຫຼັບຄົນລີ້ໄພ ຂອງ ສະຫະປະຊາຊາດ. ໃນກອງປະຊຸມ, ຫວຽດນາມ ໄດ້ຮຽກຮ້ອງໃຫ້ປະຊາຄົມສາກົນ ຕ້ອງການສຸມໃສ່ບັນດາວິທີການແກ້ໄຂ ເພື່ອຖືປະຊາຊົນເປັນຈຸດໃຈກາງ ແລະ ມີຄວາມຮັບຜິດຊອບສຳຫຼັບຄົນລີ້ໄພ.