ຫວຽດນາມ: ວຽກງານປົກປ້ອງພົນລະເມືອງ ຫວຽດນາມໄດ້ຍົກລະດັບຂຶ້ນສູ່ລະດັບສູງໃໝ່

13:18 | 06/02/2021

ດ້ວຍຈິດໃຈຄືດັ່ງທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເຄີຍເວົ້າວ່າ “ບໍ່ໃຫ້ຜູ້ໃດຖືກປະໄວ້ຢູ່ທາງຫຼັງ”, ບັນດາອົງການທີ່ມີໜ້າທີ່ຂອງຫວຽດນາມ, ອົງການຕ່າງໜ້າຫວຽດນາມ ປະຈຳຕ່າງປະເທດໄດ້ ແລະ ພວມສົມທົບກັບບັນດາບໍລິສັດການບິນຢູ່ພາຍໃນປະເທດ ແລະ ຕ່າງປະເທດຢ່າງແໜ້ນແຟ້ນ ເພື່ອຈັດບັນດາຖ້ຽວບິນສົ່ງພົນລະເມືອງຫວຽດນາມ ກັບເມືອປະເທດດ້ວຍຄວາມປອດໄພ.

	ການນໍາແຂວງອຽນບາຍ ໄດ້ໄປຢ້ຽມຢາມ, ມອບຂອງຂວັນ, ອວຍພອນປີໃໝ່ນັກສຶກສາລາວ ຢູ່ວິທະຍາໄລການແພດອຽນບາຍ
	ເພີ່ມພູນຄູນສ້າງສາຍພົວພັນ ລະຫວ່າງ ສອງປະເທດ ຫວຽດນາມ-ກູບາ

ຫວຽດນາມ ວຽກງານປ ກປ ອງພ ນລະເມ ອງ ຫວຽດນາມໄດ ຍ ກລະດ ບຂ ນສ ລະດ ບສ ງໃໝ

ພາບປະກອບ

ຕາມທ່ານຮອງລັດຖະມົນຕີການຕ່າງປະເທດຫວຽດນາມ ໂຕແອັງຢຸງ ແລ້ວ, ໃນຊຸມປີຜ່ານມາ, ຈຳນວນຊາວຫວຽດນາມ ໄປຕ່າງປະເທດໄດ້ເພີ່ມຂຶ້ນຢ່າງບໍ່ຢຸດຢັ້ງ ແລະ ມີຫຼາຍພາກສ່ວນ ໄດ້ວາງອອກບັນດາຄວາມຫຍຸ້ງຍາກ, ສິ່ງທ້າທາຍໃຫ້ແກ່ວຽກງານປົກປ້ອງພົນລະເມືອງ ຫວຽດນາມ. ໂດຍສະເພາະ, ປີ 2020, ເມື່ອໂລກລະບາດໂຄວິດ-19 ແຜ່ລະບາດຂຶ້ນແບບບໍ່ເຄີຍມີມາກ່ອນ, ໄດ້ຮຽກຮ້ອງໃຫ້ວຽກງານປົກປ້ອງພົນລະເມືອງ ຫວຽດນາມໄດ້ຍົກລະດັບຂຶ້ນສູ່ລະດັບສູງໃໝ່ເມື່ອຫວຽດນາມ ຜັນຂະຫຍາຍການຊ່ວຍເຫຼືອພົນລະເມືອງຫວຽດນາມ ອາໄສຢູ່ຕ່າງປະເທດນັບພັນໆຄົນຮັບປະກັນຊີວິດການເປັນຢູ່, ປົກປ້ອງຊີວິດອິນຊີ, ສັບຊົມບັດ, ບັນດາສິດທິຜົນປະໂຫຍດອັນຊອບທຳຂອງພົນລະເມືອງ.

ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ ໃຫ້ຮູ້ວ່າ: ປີ 2020 ຫວຽດນາມ ປະຕິບັດເປົ້າໝາຍຄວບຄູ່ເປັນຢ່າງດີ ທັງຄວບຄຸມໂລກລະບາດ ທັງພັດທະນາເສດຖະກິດ. ບັນດາການເຄື່ອນໄຫວພົວພັນຕ່າງປະເທດຫລາຍຝ່າຍ ແລະສອງຝ່າຍ ລ້ວນແຕ່ບັນລຸໄດ້ຜົນງານຫລາຍຢ່າງ. ການເຄື່ອນໄຫວປົກປ້ອງປະຊາຊົນໃນໄລຍະເກີດໂລກລະບາດແມ່ນຫນ້າທີ່ແຖວຫນ້າ ແລະຈະສືບຕໍ່ແມ່ນຈຸດສຸມນັບແຕ່ນີ້ຮອດບຸນປີໃຫມ່ປະຈຳຊາດ. ໃນປີ 2020 ຫວຽດນາມໄດ້ຈັດຕັ້ງເກືອບ 300 ຖ້ຽວບິນສົ່ງພົນລະເມືອງຫວຽດນາມ ກວ່າ 80.000 ຄົນຢູ່ໃນໂລກກັບມາປະເທດ ໃນຂະນະທີ່ໂລກລະບາດແຜ່ລາມອອກສູ່ວົງກວ້າງໃນທົ່ວໂລກ. ຕາມທ່ານນາງ ເລທິທູຮັ່ງ ແລ້ວ, ວຽກງານປົກປ້ອງປະຊາຊົນຍັງຄົງແມ່ນຫນ້າທີ່ສຳຄັນຂອງປີ 2021 ແຕ່ເລື່ອງສົ່ງພົນລະເມືອງກັບຄືນມາປະເທດ ຕ້ອງສອດຄ່ອງກັບກຳລັງຄວາມສາມາດຂອງຫວຽດນາມ.

ໄລ່ຮອດວັນທີ 5 ກຸມພາ 2021, ທົ່ວໂລກໄດ້ຮັບຮູ້ມີຜູ້ຕິດເຊື້ອພະຍາດໂຄວິດ - 19 ແມ່ນ 105 ລ້ານຄົນ, ໃນນັ້ນມີຜູ້ເສຍຊີວິດ ປະມານ 2.3 ລ້ານຄົນ. ປະເທດຖືກຜົນສະທ້ອນຢ່າງໜັກໜ່ວງທີ່ສຸດຍັງແມ່ນ ອາເມລິກາ ດ້ວຍຈຳນວນຜູ້ເສຍຊີວິດ ແມ່ນ 466.865 ຄົນ ໃນຈຳນວນຜູ້ຕິດເຊື້ອພະຍາດ ໂຄວິດ - 19 ແມ່ນ 27.268.387 ຄົນ.

ກອງບັນຊາການທະຫານແຂວງຫົວພັນ ສປປ.ລາວ ອວຍພອນຄອບຄົວພະນັກງານ, ນັກຮົບກໍາລັງປະກອບອາວຸດແຂວງແທັງຮວາ ສສ.ຫວຽດນາມ ເນື່ອງໃນໂອກາດບຸນປີໃໝ່ປະຈໍາຊາດ ປີສະຫຼູ 2021

ຍສໝ - ການນໍາກອງບັນຊາການທະຫານແຂວງແທັງຮ໊ວາ ແລະກອງບັນຊາການທະຫານຊາຍແດນແຂວງແທັງຮວາ ຕີລາຄາສູງຕໍ່ການຊ່ວຍເຫຼືອຂອງປະເທດເພື່ອນມິດລາວເວົ້າລວມ ແລະກອງບັນຊາການທະຫານແຂວງຫົວພັນເວົ້າສະເພາະໃນການສົມທົບກັນປະຕິບັດໜ້າທີ່ຮັກສາຄວາມໝັ້ນຄົງດ້ານການເມືອງ, ຮັບປະກັນປ້ອງກັນຊາດ-ປ້ອງກັນຄວາມສະຫງົບຢູ່ເຂດຊາຍແດນຂອງສອງປະເທດ...

ຄະນະກຳມະການສູນກາງພັກປະຊາຊົນກຳປູເຈຍ ສົງສານອວຍພອນວັນສ້າງຕັ້ງພັກກອມມູນິດຫວຽດນາມຄົບຮອບ 91 ປີ

ຍສໝ - ເນື່ອງໃນໂອກາດສະເຫຼີມສະຫຼອງ 91 ປີແຫ່ງວັນສ້າງຕັ້ງພັກກອມມູນິດຫວຽດນາມ (3 ກຸມພາ 1930 - 3 ກຸມພາ, 2021), ຄະນະກຳມະການສູນກາງພັກປະຊາຊົນກຳປູເຈຍ ໄດ້ສົ່ງສານອວຍພອນເຖິງຄະນະກຳມະການສູນກາງພັກຫວຽດນາມ.