ລັດຖະບານ ສືບຕໍ່ເຝົ້າລະວັງຢ່າງຕັ້ງໜ້າ ເພື່ອຕອບໂຕ້ ການແຜ່ລະບາດຂອງພະຍາດໂຄວິດ-19

	ຫວຽດນາມ ສົ່ງສານໂທລະເລກຖາມຂ່າວສະພາບການຝົນຕົກໜັກ ແລະ ນ້ຳຖ້ວມ ຢູ່ ກຳປູເຈຍ
	ຍູ້ແຮງການຜັນຂະຫຍາຍໂຄງການກໍ່ສ້າງທາງລົດໄຟທ່າແຂກ-ຫວູງອ໊າງ

ພາບປະກອບ

ທ່ານ ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມ ພະຍາດຕິດຕໍ່, ​ກະຊວງສາທາ ລະນະສຸກ ​ໄດ້​ລາຍ​ງານ​ໃຫ້​ຮູ້ ​ໃນ​ວັນ​ທີ 20 ຕຸລາ 2020 ນີ້ວ່າ: ປັດຈຸບັນ ລາວຍັງ​ບໍ່​ພົບ​ຜູ້​ຕິດ​ ເຊື້ອໂຄ​ວິດ-19 ​ເພີ່ມ ​ເຖິງ​ຢ່າງ​ໃດ​ກໍ​ຕາມ ສະພາບ​ການ​ແຜ່​ລະບາດ​ຂອງ​ໂລກ ຍັງ​ພົບ​ການ​ແຜ່​ລະບາດ ​ໂດຍ​ສະ​ເພາະ ສະຫະລັດອາເມລິກາ ພົບ​ຜູ້​ຕິດ​ເຊື້ອ ​ແລະ ​ເສຍ​ຊີວິດສູງ​ກວ່າໝູ່, ​ເຊິ່ງມີຜູ້ຕິດເຊື້ອສະສົມ 8.443.499 ຄົນ, ເສຍຊີວິດ225.151ຄົນ ສະ​ເພາະ​ໃນ​ກຸມ​ປະ​ເທດ ມີການຢັ້ງຢືນຜູ້ຕິດເຊື້ອ ພະຍາດ​ໂຄ​ວິດ-19 ແມ່ນ 846.176 ຄົນ ແລະ ເສຍຊີວິດ20.521 ຄົນ.

ທ່ານ ນາງ ພອນປະເສີດ ໄຊຍະມຸງຄຸນ ​ໄດ້​​ໃຫ້​ຮູ້​ຕື່ມ​ວ່າ: ມາ​ຮອດວັນ​ທີ 19 ຕຸລາ 2020 ມີ ຜູ້ເດີນທາງເຂົ້າມາໃນປະເທດ ຜ່ານຈຸດຊາຍແດນຕ່າງໆ ທັງໝົດ 1.772 ຄົນ, ໃນນັ້ນຜ່ານດ່ານລາວ-ໄທ 759ຄົນ, ຜ່ານດ່ານ ລາວ-ຈີນ 101 ຄົນ, ດ່ານລາວ-ຫວຽດນາມ 518 ຄົນ, ດ່ານ​ລາວ-ກຳປູ​ເຈຍ 01 ຄົນ, ຜ່ານສະໜາມບິນ ສາກົນວັດໄຕ 393 ຄົນ,​ ​​ເຊິ່ງທັງໝົດ​ໄດ້​ວັດ​ແທກ ອຸ​ຫະພູມ​ຮ່າງກາຍ ແຕ່ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກ​ໆຄົນມາກວດ.

ໃນ​ວັນ​ດຽວກັນກໍໄດ້ເກັບ ຕົວຢ່າງມາກວດວິເຄາະທັງໝົດ 332 ຄົນ, ໃນນັ້ນ ແຮງງານລາວມາ ແຕ່ໄທ 130 ຕົວຢ່າງ, ແຮງງານຈີນ 555 ຕົວຢ່າງ, ແຮງງານລາວ ທີ່ກັບມາແຕ່ຈີນ 07 ຕົວຢ່າງ, ແຮງງານຫວຽດນາມ 80 ຕົວຢ່າງ, ບຸກຄົນທົ່ວໄປບໍ່ມີອາການ 58 ຕົວຢ່າງ ​ແລະ ບຸກຄົນທົ່ວໄປທີ່ມີອາ ການ 01 ຕົວຢ່າງ, ຜົນກວດວິເຄາະທັງໝົດ ແມ່ນບໍ່ພົບເຊື້ອ ສັງລວມການກວດວິເຄາະແຕ່ ເດືອນມັງ ກອນ ຮອດ ວັນທີ 19 ຕຸລາ 2020 ໄດ້ເກັບຕົວຢ່າງມາກວດທັງໝົດ 61.396 ຕົວຢ່າງ, ກວດພົບ ເຊື້ອສະສົມ 23 ຄົນ.

ທົ່ວໂລກມີຈຳນວນຜູ້ຕິດເຊື້ອພະຍາດ Covid – 19 ສະສົມທັງໝົດ 40.264.218 ຄົນ, ໃນນັ້ນມີຜູ້ເສຍຊີວິດ 1.118.167 ຄົນ ອາເມລິກາສືບຕໍ່ແມ່ນປະເທດຖືກຜົນສະທ້ອນຢ່າງຮ້າຍແຮງທີ່ສຸດຂອງໂລກລະບາດ Covid – 19, ດ້ວຍ ຈຳນວນຜູ້ຕິດເຊື້ອພະຍາດ Covid – 19 ແມ່ນ 8.387.789 ຄົນ ແລະ ຜູ້ເສຍຊີວິດ 224.730 ຄົນ.

ພົນລະເມືອງຫວຽດນາມຫຼາຍກ່ວາ 240 ຄົນຈາກມຽນມາ ໄດ້ກັບຄືນບ້ານຢ່າງປອດໄພ ຍສໝ - ວັນທີ 17 ຕຸລາ, ບັນດາອົງການທີ່ມີໜ້າທີ່ຫວຽດນາມ, ສະຖານທູດຫວຽດນາມ ປະຈຳມຽນມາ ແລະ ບໍລິສັດການບິນ VietJet ໄດ້ຮ່ວມມືກັບບັນດາອົງການທີ່ມີໜ້າທີ່ມຽນມາ ໄດ້ດຳເນີນບັນດາຖ້ຽວບິນທີ່ນຳສົ່ງພົນລະເມືອງກວ່າ 240 ຄົນຈາກມຽນມາ ໄດ້ກັບຄືນຫວຽດນາມ.

ຫວຽດນາມ ໄດ້ສັ່ງຊື້ວັກຊິນປ້ອງກັນ ແລະ ຕ້ານໂຄວິດ-19 ຈາກຣັດເຊຍ ແລະ ອັງກິດ ຍສໝ - ຫວຽດນາມໄດ້ສ້າງບັນດານະໂຍບາຍ ແລະ ຂໍ້ກຳນົດໃນການໜູນຊ່ວຍການ ຮັບ, ຂົນສົ່ງ, ເກັບຮັກສາ, ແຈກຢາຍ ແລະ ນຳໃຊ້ ວັກຊິນພາຍຫຼັງທີ່ມີວັກຊິນແລ້ວ.