| ປະຊາຄົມຊາວຫວຽດນາມ ຢູ່ ຍີ່ປຸນ ສະແດງຄວາມສາມັກຄີ ໃນການຕ້ານການລະບາດຂອງ COVID-19 | |
| ດ້ຽນບຽນ ແລະ ກວາງຈີ້ ໄດ້ມອບເຂົ້າສານ ແລະ ອຸປະກອນການແພດເພື່ອສະໜັບ ສະໜູນ ລາວ ໃນການຕໍ່ສູ້ກັບ ໂລກລະບາດ COVID-19 |
 |
| ປ້າ ໄບທູ ແມ່ນຜູ້ຫຍິບຫລັກຂອງກຸ່ມ ເກີມຕີ່ງເທືອງ ໃນ Seattle. |
ບັນດາເຈົ້າຂອງຮ້ານເຮັດເລັບ ແລະ ຊ່າງຕັດຜົມຂອງປະຊາຄົມຊາວຫວຽດນາມ ໃນທົ່ວປະເທດສະຫະລັດອາເມລິກາ ໄດ້ບໍລິຈາກຜ້າອັດປາກ ແລະ ຖົງມື ໃຫ້ບັນດາໂຮງໝໍເຊິ່ງພວມປະເຊີນໜ້າກັບການຂາດເຂີນ ຜ້າອັດປາກ ແລະ ຖົງມືການແພດ.
ເລື່ອງລາວກ່ຽວກັບການຕັດຫຍິບ ຜ້າອັດປາກຂອງ, ປະຊາຄົມຊາວຫວຽດນາມ ຢູ່ Seattle (ລັດວໍຊິງຕັນ, ອາເມລິກາ, ບ່ອນທີ່ການລະບາດຂອງ COVID-19 ຄັ້ງທຳອິດໃນອາເມລິກາ) ກໍ່ກາຍເປັນການເຄື່ອນໄຫວທີ່ພົ້ນເດັ່ນ, ດຶງດູດສື່ມວນຊົນອາເມລິກາ.
ກຸ່ມປະຊາຄົມຊາວຫວຽດນາມ ທີ່ຕັດຫຍິບຜ້າອັດປາກ ຢູ່ ເມືອງ Seattle ປະຈຸບັນມີ 12 ຄົນ. ທ່ານນາງ ໄບທູ (ອາຍຸ 72 ປີ) ເປັນຊ່າງຕັດຫຍິບ, ສະນັ້ນນາງຮັບຜິດຊອບຕັດຫຍິບທັງກາງເວັນ ແລະ ກາງຄືນ ແລະ ເຊື້ອເຊີນປະຊາຊົນຫຼາຍຄົນໃຫ້ຫຍິບ, ລີດ ແລະ ຫຸ້ມຫໍ່... ກຸ່ມປະຊາຄົມຊາວຫວຽດນາມ ນີ້ ໄດ້ແຈກຜ້າອັດປາກ 1500 ແຜ່ນໃຫ້ໂຮງໝໍ, ປະຊາຄົມຜູ້ສູງອາຍຸ ແລະ ໂບດ ໃນນະຄອນນີ້.
ໄລ່ຮອດຕອນເຊົ້າວັນທີ 23 ເມສາ, ຕາມເວລາຫວຽດນາມ, ໃນທົ່ວໂລກໄດ້ມີຜູ້ຕິດໂລກລະບາດໂຄວິດ - 19 ຈໍານວນ 2.631.025 ຄົນ, ໃນນັ້ນຈໍານວນຜູ້ເສຍຊີວິດຍ້ອນໂລກລະບາດດັ່ງກ່າວ ໄດ້ຂຶ້ນເຖິງເກືອບ 184.000 ກໍລະນີ. ຈໍານວນຜູ້ຕິດເຊື້ອໄດ້ຮັບການປິ່ນປົວຫາຍດີເປັນປົກກະຕິໃນທົ່ວໂລກແມ່ນ 716.811 ຄົນ ແລະ ຍັງເຫຼືອ 56.678 ຄົນພວມຢູ່ໃນສະພາບອັນຕະລາຍ.
ອາເມລິກາຍັງຄົງແມ່ນປະເທດນໍາໜ້າໃນໂລກກ່ຽວກັບຈໍານວນກໍລະນີຕິດເຊື້ອໄວຣັດ SARS-CoV-2 ດ້ວຍກວ່າ 845.000 ກໍລະນີ ແລະ 48.000 ກໍລະນີເສຍຊີວິດ. ຖັດມາແມ່ນ ແອັດສະປາຍ, ອີຕາລີ ແລະຝລັ່ງ.
ໄຊພອນ
