 |
ທ່ານ ພົນຕີ ແອສະໄໝ ເລືອງວັນໄຊ ຮອງລັດຖະມົນຕີກະຊວງ ປ້ອງກັນປະເທດແຫ່ງ ສປປ ລາວ ແລະ ທ່ານ ພົນຈັດຕະວາ ໂກຊິນ ອີໂກຣີ ຫົວໜ້າການ ບິນກອງທັບເຮືອ ແຫ່ງ ສ.ຣັດເຊຍ.
ໂອກາດນີ້ ທ່ານ ຮອງລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ກໍໄດ້ສະແດງຄວາມຍິນດີຕ້ອນຮັບອັນອົບອຸ່ນ ເຕັມໄປດ້ວຍໄມ້ຕີຈິດມິດຕະພາບ ແລະ ຕີລາຄາສູງຕໍ່ ທ່ານ ພົນຈັດ ຕະວາ ໂກຊິນ ອີໂກຣີ ພ້ອມດ້ວຍຄະນະທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ເຊິ່ງຈະເປັນການປະກອບສ່ວນເສີມສ້າງສາຍພົວພັນ ການຮ່ວມມືລະຫວ່າງສອງຊາດ, ສອງກອງທັບລາວ-ຣັດເຊຍ ທີ່ມີມາແຕ່ດົນນານໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ.
ທ່ານ ພົນຈັດຕະວາ ໂກຊິນ ອີໂກຣີ ກໍໄດ້ສະແດງຄວາມຂອບໃຈຕໍ່ສະຫາຍ ຮອງລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ທີ່ໄດ້ໃຫ້ການຕ້ອນຮັບຢ່າງອົບອຸ່ນເຕັມໄປດ້ວຍໄມຕີຈິດມິດຕະພາບ, ພ້ອມທັງໄດ້ກ່າວລາຍງານເຖິງຈຸດປະສົງຂອງການເດີນມາຢ້ຽມຢາມຂອງຄະນະໃນຄັ້ງນີ້ ແລະ ໄດ້ລາຍງານສະພາບຂອງການພົບປະສອງຝ່າຍລະຫວ່າງຄະນະຜູ້ແທນຝ່າຍລາວ ແລະ ຝ່າຍຣັດເຊຍ ທັງນີ້ກໍເພື່ອສືບຕໍ່ຈັດຕັ້ງຜັນຂະຫຍາຍໝາກຜົນການພົວພັນຮ່ວມມືຂອງສອງ ກອງທັບໃຫ້ປະກົດຜົນເປັນຈິງ.
（ແຫຼ່ງຂໍ້ມູນ： ໜັງສືພິມກອງທັບ）
