 |
| ກອງບັນຊາການທະຫານຊາຍແດນແຂວງເງະອານ ມອບຂອງຂວັນ, ອວຍພອນປີໃໝ່ກອງບັນຊາການທະຫານແຂວງຊຽງຂວາງ. ພາບ:qdnd.vn |
ຫວ່າງແລ້ວນີ້, ເນື່ອງໃນໂອກາດບຸນປີໃໝ່ລາວ, ກອງບັນຊາການທະຫານຊາຍແດນແຂວງເງະອານ ໄດ້ຈັດຕັ້ງ 2 ຄະນະປະຕິບັດງານໄປອວຍພອນປີໃໝ່, ມອບຂອງຂວັນ ແລະແລກປ່ຽນສະພາບການກັບກອງບັນຊາການທະຫານ, ກອງບັນຊາການປ້ອງກັນຄວາມສະຫງົບ 3 ແຂວງຫົວພັນ, ຊຽງຂວາງ ແລະບໍລິຄໍາໄຊ. ຄະນະປະຕິບັດງານກອງບັນຊາການທະຫານຊາຍແດນແຂວງເງະອານ ແລະກອງບັນຊາການທະຫານ, ກອງບັນຊາການປ້ອງກັນຄວາມສະຫງົບ 3 ແຂວງດັ່ງກ່າວໄດ້ແລກປ່ຽນສະພາບການທີ່ກ່ຽວຂ້ອງໃນການພົວພັນສົມທົບກັນຄຸ້ມຄອງ, ປົກປັກຮັກສາຊາຍແດນຂອງສອງຝ່າຍໃນໄລຍະຜ່ານມາ; ພ້ອມທັງເຫັນດີເປັນເອກະພາບເພີ່ມທະວີການສົມທົບກັນ, ຜັນຂະຫຍາຍການປະຕິບັດບັນດາເນື້ອໃນໜ້າທີ່ຮ່ວມມືໃນການຄຸ້ມຄອງ, ປົກປັກຮັກສາອະທິປະໄຕ, ຄວາມສະຫງົບຢູ່ເຂດຊາຍແດນ, ຮັກສາຄວາມເປັນລະບຽບຮຽບຮ້ອຍໃນບໍລິເວນຊາຍແດນສອງຝ່າຍໃນໄລຍະຈະມາເຖິງ; ພ້ອມກັນສ້າງເສັ້ນຊາຍແດນລວມລະຫວ່າງສອງປະເທດໃຫ້ມີສັນຕິພາບ, ສະຖຽນລະພາບ, ຮ່ວມມືພ້ອມກັນພັດທະນາໃຫ້ຍືນຍົງ ແລະຍາວນານ.
 |
| ທະຫານຊາຍແດນແຂວງເຊີນລາ ມອບຂອງຂວັນໃຫ້ກອງບັນຊາການທະຫານ ແລະກອງບັນຊາການ ປກສ ແຂວງຫົວພັນ ເນື່ອງໃນໂອກາດບຸນປີໃໝ່. ພາບ: ວີ່ຮ້ຽນ. |
ກ່ອນໜ້ານັ້ນ, ຄະນະປະຕິບັດງານຂອງກອງບັນຊາການທະຫານຊາຍແດນແຂວງເຊີນລາ ນໍາໂດຍທ່ານພັນເອກພິເສດ ກ່າວັນເລິບ ຫົວໜ້າການເມືອງທະຫານຊາຍແດນແຂວງເຊີນລາ ໄດ້ມີການພົບປະ, ແລກປ່ຽນກ່ຽວກັບສະພາບການ ແລະມອບຂອງຂວັນໃຫ້ກອງບັນຊາການທະຫານແຂວງຫົວພັນ, ລາວ ນໍາໂດຍທ່ານພົນຈັດຕະວາ ສຸລິນພອນ ຄຳພະຈັນ, ຫົວໜ້າການເມືອງກອງບັນຊາການ ທະຫານແຂວງຫົວພັນ ແລະກອງບັນຊາການ ປກສ ແຂວງຫົວພັນ ນໍາໂດຍທ່ານພັນໂທ ເພັດນ້ອຍ ລໍລອນສີ ຮອງຫົວໜ້າກອງບັນຊາການ ປກສ ແຂວງຫົວພັນ. ທີ່ການພົບປະ, ຜູ້ຕາງໜ້າສອງຝ່າຍໄດ້ຕີລາຄາສູງຕໍ່ການສົມທົບລະຫວ່າງທະຫານຊາຍແດນແຂວງເຊີນລາ, ຫວຽດນາມ ກັບກໍາລັງການທະຫານ ແລະກອງບັນຊາການ ປກສ ແຂວງຫົວພັນ, ລາວ ໃນວຽກງານປ້ອງກັນ, ຕ້ານພະຍາດໂຄວິດ-19; ປົກປັກຮັກສາຊາຍແດນ ແລະໜ້າທີ່ອື່ນອີກຈໍານວນໜຶ່ງ. ສອງຝ່າຍໄດ້ເຫັນດີເປັນເອກະພາບນຳກັນວ່າ, ໃນໄລຍະຈະມາເຖິງຈະສືບຕໍ່ ເພີ່ມທະວີວຽກງານສົມທົບກັນໃນການປ້ອງກັນ, ຕ້ານພະຍາດໂຄວິດ-19 ແລະຕໍ່ສູ້ປ້ອງກັນ, ຕ້ານອາດຊະຍາກຳປະເພດຕ່າງໆ ປະກອບສ່ວນສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ການຮ່ວມມື, ສະຖຽນລະພາບ ແລະພັດທະນາ.
 | ການຮ່ວມມືອັນແໜ້ນແຟ້ນລະຫວ່າງສອງປະເທດ ຫວຽດນາມ-ອິນເດຍ ປະກອບສ່ວນສໍາຄັນເຂົ້າໃນການຮັກສາສັນຕິພາບ, ສະຖຽນລະພາບ ແລະຄວາມວັດທະນາຖາວອນລວມຂອງພາກພື້ນ ແລະສອງປະເທດ ຍສໝ - ເຖິງແມ່ນວ່າໄດ້ຮັບຜົນກະທົບຈາກ ໂລກລະບາດ ໂຄວິດ-19 ກໍ່ຕາມ, ແຕ່ການຮ່ວມມືດ້ານປ້ອງກັນຊາດລະຫວ່າງກອງທັບສອງປະເທດຫວຽດນາມ - ອິນເດຍ ຍັງໄດ້ຮັບການຮັກສາ ແລະຊຸກຍູ້ໃຫ້ສອດຄ່ອງກັບສະພາບໂລກລະບາດຢູ່ແຕ່ລະປະເທດ. |
 | ຫວຽດນາມ ສະໜັບສະໜູນປະຊາຊົນໂຊມາເລຍ ໃນຄວາມມານະພະຍາຍາມມຸ່ງໄປເຖິງສັນຕິພາບ, ສະຖຽນລະພາບ ແລະ ການພັດທະນາ ຍສໝ - ໃນວັນທີ 20 ມັງກອນ, ສະພາຄວາມໝັ້ນຄົງສະຫະປະຊາຊາດ ໄດ້ດຳເນີນການເຈລະຈາບໍ່ເປັນທາງການ ກັບລັດຖະມົນຕີກະຊວງການຕ່າງປະເທດໂຊມາເລຍ, ທ່ານ Mohamed Abdirizik ກ່ຽວກັບຂະບວນການເລືອກຕັ້ງ ແລະ ສະພາບຄວາມໝັ້ນຄົງຢູ່ໂຊມາລີ. |
 | ກອງປະຊຸມ AMM 52: ບັນດາລັດຖະມົນຕີຕ່າງປະເທດ ເປັນເອກະພາບນຳກັນການ ຮັກສາ ແລະ ຊຸກຍູ້ສັນຕິພາບ ແລະ ສະຖຽນລະພາບ ຢູ່ ທະເລຕາເວັນອອກ ຍສໝ - ຕອນຄ່ຳວັນທີ 31 ກໍລະກົດ, ກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 52 (AMM – 52) ຢູ່ ບາງກອກ ປະເທດໄທ ໄດ້ອອກຖະແຫລງການຮ່ວມ ເຕື້ອງເຖິງຫລາຍເນື້ອໃນ. |
ໄຊພອນ
