ໃນວັນທີ 23 ມີນາ, ທ່ານ ດ່າວຫງອກຢູງ - ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ, ຕາງໜ້າຄະນະຜູ້ແທນລັດຖະບານຫວຽດນາມ ໄດ້ກ່າວຄຳປາໄສທີ່ກອງປະຊຸມຄັ້ງທີ 65 ຂອງຄະນະກຳມາທິການສະຫະປະຊາຊາດ ກ່ຽວກັບສະຖານະພາບແມ່ຍິງ (CSW). ກອງປະຊຸມດັ່ງກ່າວ ໄດ້ຈັດຂື້ນດ້ວຍຮູບການຖ່າຍທອດສົດ ທີ່ສຳນັກງານໃຫຍ່ຂອງອົງການສະຫະປະຊາຊາດທີ່ນິວຢອກ, ປະເທດອາເມລິກາ ໂດຍການເຂົ້າຮ່ວມຂອງຄະນະຜູ້ແທນຂັ້ນສູງຈາກ 193 ປະເທດສະມາຊິກ, ຜູ້ຕາງໜ້າອົງການຈັດຕັ້ງສາກົນ ແລະ ພາກພື້ນ.
 |
| ທ່ານ ດ່າວຫງອກຢູງ - ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ, ຕາງໜ້າຄະນະຜູ້ແທນລັດຖະບານຫວຽດນາມ. (ພາບ: vietnamplus) |
ກ່າວຄຳເຫັນທີ່ກອງປະຊຸມສົນທະນາທົ່ວໄປ, ທ່ານ ດ່າວຫງອກຢູງ ໄດ້ສະແດງຄວາມຊົມເຊີຍ ແລະ ເນັ້ນໜັກວ່າ ນີ້ແມ່ນບັນດາບຸລິມະສິດເຊິ່ງລັດຖະບານຫວຽດນາມພວມຍູ້ແຮງເພື່ອປະຕິບັດຢ່າງຕັ້ງໜ້າ. ການເພີ່ມທະວີການມີສ່ວນຮ່ວມຂອງແມ່ຍິງ ແລະ ການສ້າງນະໂຍບາຍໃນຊີວິດສັງຄົມ, ການລົບລ້າງການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ, ການຮ່ວມມືກັບຄູ່ຮ່ວມພັດທະນາ ແລະ ອົງການສະຫະປະຊາຊາດ ກໍ່ໄດ້ຮັບການສົ່ງເສີມສະເໝີ ເພື່ອປະຕິບັດວຽກງານທີ່ໄດ້ກຳນົດໄວ້ໃນຂົງເຂດນີ້.
ທ່ານລັດຖະມົນຕີ ດ່າວຫງອກຢູງ ໃຫ້ຮູ້ວ່າ, ບັນດາສິ່ງທ້າທາຍທີ່ເກີດຈາກການລະບາດຂອງ COVID-19 ຍັງແມ່ນບັນຫາທົ່ວໄປໃນທົ່ວໂລກ, ສະນັ້ນ, ມັນແມ່ນສິ່ງຈຳເປັນທີ່ທຸກປະເທດສະມາຊິກສະຫະປະຊາຊາດ ຕ້ອງໄດ້ພະຍາຍາມ ແລະ ສາມັກຄີ, ແບ່ງປັນ ແລະ ສະໜັບສະໜູນ ເຊິ່ງກັນ ແລະ ກັນ, ໃນນັ້ນແມ່ຍິງ ແລະ ເດັກຍິງຕ້ອງການຖືເປັນໃຈກາງ ໃນບັນດາຄວາມພະຍາຍາມໃນການຟື້ນຟູ, ໂດຍມີການປະຊິດເຂົ້າເຖິງການເບິ່ງແຍງດູແລ ແລະ ການປົກປ້ອງຢ່າງເທົ່າທຽມກັນ, ໃນໄລຍະສັ້ນແມ່ນການເຂົ້າເຖິງຢາວັກຊິນ COVID-19 ໂດຍດ່ວນ.
 |
| ອັດຕາສ່ວນແມ່ຍິງໃນສະພາແຫ່ງຊາດຫວຽດນາມແມ່ນ 27,31%, ສູງກວ່າອັດຕາສ່ວນລວມຂອງໂລກ. (ພາບ: vietnamplus) |
ບົດກ່າວປາໄສຂອງທ່ານລັດຖະມົນຕີ ດ່າວຫງອກຢູງ ກໍ່ໄດ້ສົ່ງສານເຖິງໂລກວ່າ: ຫວຽດນາມຢັ້ງຢືນ ຄຳໝັ້ນສັນຍາ ໃຫ້ບຸລິມະສິດຄວາມສະເໝີພາບລະຫວ່າງຍິງ - ຊາຍ, ປາດຖະໜາຢາກສືບຕໍ່ໄດ້ຮັບການສະໜັບສະໜູນ ຈາກສະຫະປະຊາຊາດ ແລະ ບັນດາປະເທດສະມາຊິກ ເພື່ອຜ່ານຜ່າໄລຍະຫຍຸ້ງຍາກໃນປະຈຸບັນ.
 | ຫວຽດນາມ ເພີ່ມຂຶ້ນ 4 ຂັ້ນໃນບົດລາຍງານຄວາມສຸກຂອງໂລກ 2021 ຕາມບົດລາຍງານກ່ຽວກັບຄວາມສຸກຂອງໂລກໂດຍສະຫະປະຊາຊາດ ປະກາດຫວ່າງແລ້ວນີ້, ຫວຽດນາມ ເພີ່ມຂຶ້ນ 4 ຂັ້ນຈາກອັນດັບທີ 83 ຂຶ້ນມາຢູ່ອັນດັບທີ 79 ໃນບັນຊີລາຍຊື່ 149 ປະເທດ, ໂດຍບໍ່ຫົວຊາຕໍ່ຜົນສະທ້ອນຈາກພະຍາດໂຄວິດ-19. |
 | ແຮກສ່ຽວເຂດຊຸມຊົນລະຫວ່ງສອງຝ່າຍເຂດຊາຍແດນ: ເພື່ອປະກອບສ່ວນເຂົ້າການຮັກສາຄວາມສະຫງົບໃຫ້ແກ່ເຂດຊາຍແດນ ຍສໝ - ຜ່ານໂຄງການແຮກສ່ຽວ, ເສັ້ນຊາຍແດນລະຫວ່າງສອງແຂວງ, ສອງປະເທດ ໄດ້ຮັບການປົກປັກຮັກສານັບມື້ນັບດີຂຶ້ນ ແລະ ກາຍເປັນເສັ້ນຊາຍແດນແຫ່ງນ້ຳໃຈ, ເຂດຊາຍແດນມິດຕະພາບ ແລະ ໄດ້ຮັກສາ ແລະ ເພີ່ມພຸນຄຸນສ້າງ ບົນພື້ນຖານເຄົາລົບ, ເຂົ້າໃຈ, ຊ່ວຍເຫຼືອເຊິ່ງກັນແລະກັນ. |
 | ກອງປະຊຸມສຳມະນາສາກົນ "ຄວາມສະເໝີພາບລະຫວ່າງຍິງ - ຊາຍ, ເສີມຂະຫຍາຍບົດບາດຂອງແມ່ຍິງ ແລະ ປ້ອງກັນຕ້ານການໃຊ້ຄວາມຮຸນແຮງຕໍ່ແມ່ຍິງ" ຍສໝ - ໃນວັນທີ 15-16 ທັນວານີ້, ກົມພົວພັນການຕ່າງປະເທດຂອງກະຊວງຕຳຫຼວດຫວຽດນາມ ໄດ້ຮ່ວມມືກັບອົງການສະຫະປະຊາຊາດ ເພື່ອຄວາມສະເໝີພາບລະຫວ່າງຍິງ - ຊາຍ ແລະ ມອບສິດໃຫ້ແກ່ແມ່ຍິງ ສະຫະປະຊາຊາດ (UN Women) ຈັດຕັ້ງກອງປະຊຸມສາກົນ "ຄວາມສະເໝີພາບລະຫວ່າງຍິງ - ຊາຍ, ເສີມຂະຫຍາຍບົດບາດຂອງແມ່ຍິງ ແລະ ປ້ອງກັນຕ້ານການໃຊ້ຄວາມຮຸນແຮງຕໍ່ແມ່ຍິງ" ຢູ່ ນະຄອນ ຫາຍຟ່ອງ. |
ຄຳຮຸ່ງ
