 |
| ພິທີມອບຮັບ (ພາບ: qdnd) |
ຢູ່ດ່ານຊາຍແດນສຳຮອງ ເຕິນຮຶງ (ຕາແສງຮຶງດຽນ, ເມືອງເຕິນຮຶງ, ແຂວງລອງອານ, ປະເທດ ຫວຽດນາມ), ທະຫານປ້ອງກັນຊາຍແດນ ແຂວງ ລອງອານ, ປະເທດ ຫວຽດນາມ ຫາກໍ່ຈັດຕັ້ງພິທີມອບເງິນ, ອຸປະກອນການແພດເພື່ອປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ແກ່ກຳລັງປະກອບອາວຸດແຂວງ Prey Veng, ລາຊະອານາຈັກ ກຳປູເຈຍ.
ໃນໂອກາດນີ້, ທະຫານປ້ອງກັນຊາຍແດນ ແຂວງ ລອງອານໄດ້ມອບໃຫ້ແກ່ກຳລັງປະກອບອາວຸດແຂວງ Prey Veng ວັດຖຸອຸປະກອນການແພດລວມມີ: ຜ້າອັດປາກ - ດັງອະນາໄມ 7500 ອັນ, ຢາຂ້າເຊື້ອ 180 ລິດ, ຢາລ້າງມືຂ້າເຊື້ອ 226 ຕຸກ ແລະ ເງິນເປັນຈຳນວນ 60 ລ້ານດົ່ງ. ພ້ອມທັງ, ຜູ້ບັນຊາການທະຫານປ້ອງກັນຊາດແດນ ແຂວງລອງອານ ກໍ່ໄດ້ສົ່ງຄຳຢຶ້ຢາມຖາມຂ່າວ, ແບ່ງເບົາຄວາມຫຍຸ້ງຍາກກັບກຳລັງປະກອບອາວຸດ ແຂວງ Prey Veng ຕໍ່ໜ້າສະພາບການຂອງໂລກລະບາດໂຄວິດ - 19 ທີ່ພວມເກີດຂຶ້ນຢ່າງຮ້າຍແຮງຢູ່ແຂວງ Prey Veng, ລາຊະອານາຈັກກຳປູເຈຍ.
ກ່າວຄຳເຫັນທີ່ພິທີມອບຮັບ,ໂດຍຕ່າງໜ້າໃຫ້ກຳລັງປະກອບອາວຸດແຂວງ Prey Veng, ທ່ານ ພົນຈັດຕະວາ ເຕິກຟານລາ, ຮອງຜູ້ບັນຊາການ, ຫົວໜ້າເສນາທິການທະຫານແຂວງ Prey Veng ໄດ້ສະແດງຄວາມຂອບອົກຂອບໃຈຕໍ່ຜູ້ບັນຊາດການທະຫານປ້ອງກັນຊາຍແດນ ແຂວງລອງອານ ເວົ້າສະເພາະ ແລະ ທະຫານປ້ອງກັນຊາຍແດນ ຂວາງລອງອານ, ຫວຽດນາມ ເວົ້າລວມ ເຊິ່ງໄດ້ເອົາໃຈໃສ່, ໜູນຊ່ວຍງົບປະມານ ແລະ ວັດຖຸອຸປະກອນໃຫ້ແກ່ກຳລັງປະກອບອາວຸດແຂວງ Prey Veng.
ທ່ານ ເຕິກຟານລາ ຢັ້ງຢືນວ່າ, ໃນໄລຍະຈະມາເຖິງ, ກຳລັງປະກອບອາວຸດແຂວງ Prey Veng ຈະສືບຕໍ່ສົມທົບກັບທະຫານປ້ອງກັນຊາຍແດນແຂວງ ລອງອານ ໃນການຄວບຄຸມ, ປົກປ້ອງເຂດຊາຍແດນ ແລະ ປ້ອງກັນ, ສະກັດກັ້ນໂລກລະບາດໂຄວິດ - 19. ເນື່ອງໃນໂອກາດນີ້, ກຳລັງປະກອບອາວຸດແຂວງ Prey Veng ໄດ້ມອບຂອງຂວັນອວຍພອນປີໃໝ່ໃຫ້ແກ່ທະຫານປ້ອງກັນຊາຍແດນ ແຂວງລອງອານ. ແລະ ກຳລັງປະກອບອາວຸດແຂວງ Prey Veng ກໍ່ມີຂອງຂວັນອວຍພອນປີໃໝ່ມອບໃຫ້ທະຫານຊາຍແດນແຂວງລອງອານ.
 | ສະມາຄົມມິດຕະພາບ ກຳປູເຈຍ ຫວຽດນາມ ສະແດງຄວາມຂອບອົກຂອບໃຈຕໍ່ປະຊາຊົນຫວຽດນາມ ຍສໝ - ໃນຕອນບ່າຍວັນທີ 4 ມີນາ, ສະມາຄົມມິດຕະພາບ ຫວຽດນາມ ກຳປູເຈຍໄດ້ໄປເຖິງສະຖານທູດ ກຳປູເຈຍປະຈຳ ຫວຽດນາມ ເພື່ອມອບເງິນ ແລະ ວັດຖຸອຸປະກອນການແພດເຊິ່ງສະມາຄົມ ແລະ ບັນດາອົງການຈັດຕັ້ງສະມາຊິກຂອງສະມາຄົມບໍລິຈາກ ເພື່ອແນໃສ່ປະກອບສ່ວນເຂົ້າໃນການແບ່ງປັນ,ໜູນຊ່ວຍປະຊາຊົນກຳປູເຈຍໃນການປ້ອງກັນ, ສະກັດກັ້ນໂລກລະບາດໂຄວິດ - 19. |
 | ກຳປູເຈຍ - ລາວ - ຫວຽດນາມ: ເຫັນດີເປັນເອກະພາບສືບຕໍ່ຮັກສາ ແລະ ເສີມຂະຫຍາຍບັນດາກົນໄກຮ່ວມມືໃນຫຼາຍຂົງເຂດຢ່າງມີປະສິດທິຜົນ ຍສໝ - ຫວ່າງແລ້ວນີ້, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ, ທ່ານເລຂາທິການໃຫຍ່, ນາຍົກລັດຖະມົນຕີລາວ ທອງລຸນ ສີສຸລິດ ແລະ ທ່ານ ປະທານພັກປະຊາຊົນກຳປູເຈຍ, ນາຍົກລັດຖະມົນຕີ Samdech Techo Hun Sen ໄດ້ດຳເນີນກອງປະຊຸມສຳມະນາທາງອອນລາຍເພື່ອແລກປ່ຽນກ່ຽວກັບການຮ່ວມມືສອງຝ່າຍກໍ່ຄືການຮ່ວມມື 3 ຝ່າຍ. |
 | ດົ່ງທາບ, ອານຢາງ, ມອບຜ້າອັດປາກ - ດັງໜູນຊ່ວຍພໍ່ແມ່ປະຊາຊົນເຊື້ອສາຍຫວຽນດາມທຸກຍາກ ອາໄສຢູ່ກຳປູເຈຍ ຍສໝ - ທ່ານ ຫງວຽນວັນແກນ, ສະມາຊິກສະມາຄົມ ຂະແມ - ຫວຽດນາມ ແຂວງ Prayveng, ປະທານສະມາຄົມ ໂດຍຕາງໜ້າໃຫ້ພໍ່ແມ່ປະຊາຊົນຊາວຫວຽດນາມ ອາໄສຢູ່ ກຳປູເຈຍໃນແຂວງ ໄດ້ສະແດງຄວາມຂອບອົກຂອບໃຈຕໍ່ບັນດານ້ຳໃຈພິເສດກ່ຽວກັບເນື້ອໃນຈິດໃຈ ແລະ ວັດຖຸເຊິ່ງກອງບັນຊາການທະຫານປ້ອງກັນຊາຍແດນ ແລະ ສະຫະສະມາຄົມບັນດາອົງການຈັດຕັ້ງມິດຕະພາບແຂວງ ດົ່ງທາບ ໄດ້ສະຫງວນໃຫ້ແກ່ພໍ່ແມ່ປະຊາຊົນຊາວ ຫວຽດນາມ ອາໄສຢູ່ ກຳປູເຈຍ |
ບຸນຄົງ
