 |
ເປີດແລ້ວ ງານວາງສະແດງ-ຕະຫຼາດນັດເຕັກໂນໂລຊີ ປີ 2018 .
ໂອກາດດັ່ງກ່າວ, ທ່ານ ບັນດິດ ສຈ. ບໍ່ວຽງຄຳ ວົງດາລາ ກ່າວວ່າ : ເພື່ອເປັນກິດຈະກໍາ ແລະ ປະກອບສ່ວນເຂົ້າໃນຂະບວນການສະເຫຼີມສະຫຼອງວັນວິທະຍາສາດແຫ່ງຊາດ ແລະ ວັນສຳຄັນຕ່າງໆຂອງຊາດ ການຈັດງານວາງສະແດງ-ຕະຫຼາດນັດເຕັກໂນໂລຊີ ສປປ ລາວຄັ້ງນີ້ ແມ່ນໜຶ່ງໃນການປະຕິບັດເປົ້າໝາຍຍຸດທະສາດການພັດທະນາວິທະຍາສາດ ແລະ ເຕັກໂນໂລຊີ ເພື່ອສົ່ງເສີມການຖ່າຍທອດ ການຄົ້ນຄ້ວາ ການປະດິດສ້າງ ແລະ ການນຳໃຊ້ເຕັກໂນໂລຊີ ເຂົ້າໃນການພັດທະນາເສດຖະກິດ-ສັງຄົມ ໃຫ້ມີປະສິດທິຜົນ ພາຍໃຕ້ຄຳຂວັນ “ເຕັກໂນໂລຊີ ເພື່ອການຮ່ວມມື ພັດທະນາ ແບບຢືນຢົງ”.
ງານວາງສະແດງດັ່ງກ່າວມີບັນດາສະຖາບັນຄົ້ນຄ້ວາ ແລະ ພັດທະນາ ມະຫາວິທະຍາໄລ, ພາກສ່ວນທຸລະກິດຈາກພາຍໃນ ແລະ ຕ່າງປະເທດເຂົ້າຮ່ວມຫຼາຍກ່ວາ 100 ຮ້ານ. ເຊິ່ງນໍາເອົາຜະລິດຕະພັນເຕັກໂນໂລຊີໃໝ່, ທັນສະໄໝໃນຫຼາຍຂົງເຂດມາວາງສະແດງເປັນຕົ້ນ: ໃນຂົງເຂດເຕັກໂນໂລຊີຊີວະພາບ ແລະ ກະສິກຳ, ພະລັງງານທົດແທນ ແລະ ວັດສະດຸໃໝ, ຂໍ້ມູນຂ່າວສານ - ສື່ສານ ແລະ ການບໍລິການ, ວິສະວະກໍາ ແລະ ການອອກແບບ, ເອເລັກໂຕຣນິກ ແລະ ເຄື່ອງໃຊ້ໄຟຟ້າ, ການຂົນສົ່ງ, ການແພດ, ອາຫານ ແລະ ເຄື່ອງດື່ມ, ເມືອງທັນສະໄໝ, ການພັດທະນາຊັບພະຍາກອນມະນຸດ ແລະ ອື່ນໆ.
ນອກຈາກນີ້ຍັງໄດ້ພົບປະແລກປ່ຽນຂໍ້ມູນຂ່າວສານຜົນສຳເລັດ ແລະ ຮ່ວມກັບບັນດາສະຖາບັນຄົ້ນຄ້ວາ, ບໍລິສັດຈາກປະເທດອາຊຽນ ແລະ ປະເທດຄູ່ຮ່ວມ ທັງນີ້ເພື່ອເປັນການເປີດໂອກາດພົບປະຈັບຄູ່ຮ່ວມມືທາງດ້ານວິທະຍາສາດ ແລະ ເຕັກໂນໂລຊີ ລະຫວ່າງສະຖາບັນການຄົ້ນຄ້ວາ, ຜູ້ຜະລິດ, ບໍລິການ ແລະ ທຸລະກິດຕ່າງໆຂອງລາວ. ການແຂ່ງຂັນປະກວດແນວຄວາມຄິດສ້າງສັນໃນການສ້າງສິ່ງປະດິດ ຈາກສິ່ງເສດເຫຼືອ ນຳສະເໜີບັນດາເຕັກໂນໂລຊີ, ເພື່ອສ້າງເປັນໂຄງການຮ່ວມມືໃນອະນາຄົດສົ່ງເສີມການຖ່າຍທອດນຳໃຊ້ເຕັກໂນໂລຊີທີ່ກ້າວໜ້າ ແລະ ທັນສະໄໝຈາກຕ່າງປະເທດ.
 |
 |
 |
 |
 |
 |
 |
ທ່ານຮອງນາຍົກລັດຖະມົນຕີ ບຸນທອງ ຈິດມະນີ ພ້ອມຄະນະຢ້ຽມຊົມງານວາງສະແດງ.
ໃນການຊຸກຍູ້ສົ່ງເສີມນໍາໃຊ້ເຂົ້າໃນການຜະລິດ ແລະ ການບໍລິການໃຫ້ມີປະສິດທິພາບສູງຂື້ນເຮັດໃຫ້ຜູ້ຜະລິດ ຜູ້ໃຫ້ບໍລິການຂອງລາວ ໄດ້ສຶກສາ ແລະ ຄົ້ນຄ້ວານຳໃຊ້ເຂົ້າໃນການຜະລິດຕົວຈິງ, ເຮັດໃຫ້ສິນຄ້າຂອງລາວສາມາດແຂ່ງຂັນໄດ້ ທັງໃນຕະຫຼາດພາຍໃນ ແລະ ຕ່າງປະເທດ. ງານດັ່ງກ່າວເລີມແຕ່ວັນທີ 12-21 ຕຸລານີ້.
（ຫັດທະບູນ）
