ACMECS: ແມ່ນກອບພື້ນຖານສຳຄັນສຳລັບຄວາມສາມັກຄີ, ເພື່ອແນໃສ່ຮັກສາສັນຕິພາບ ແລະ ສະຖຽນລະພາບໃນພາກພື້ນ
	ທ່ານນາຍົກລັດຖະມົນຕີຫງວຽນຊວນຟຸກ ໄດ້ສົ່ງສານເຖິງກອງປະຊຸມພິເສດ ຂອງສະຫະປະຊາຊາດກ່ຽວກັບ COVID-19

ໃນວັນທີ 28 ທັນວາ, ກອງປະຊຸມລັດຖະບານກັບບັນດາທ້ອງຖິ່ນ ໄດ້ໄຂຂຶ້ນຢ່າງເປັນທາງການດ້ວຍຂອບເຂດທົ່ວປະເທດ. ກອງປະຊຸມແມ່ນເຊື່ອມຕໍ່ດ້ວຍຮູບການຖ່າຍທອດສົດ ລະຫວ່າງ 63 ແຂວງ ແລະ ນະຄອນທີ່ຂຶ້ນກັບສູນກາງ.

ໃນບົດກ່າວປາໄສເປີດກອງປະຊຸມ, ທ່ານນາຍົກລັດຖະມົນຕີຫງວຽນຊວນຟຸກ ໄດ້ເນັ້ນໜັກວ່າປີ 2020 ໄດ້ຖືວ່າແມ່ນປີທີ່ປະສົບຜົນສຳເລັດທີ່ສຸດຂອງຫວຽດນາມ ໃນ 5 ປີທີ່ຜ່ານມາ ກ່ຽວກັບທາງດ້ານຈິດໃຈ ແລະ ເຈດຈຳນົງຜ່ານຜ່າທຸກໆຄວາມຫຍຸ້ງຍາກ ແລະ ສິ່ງທ້າທາຍ.

ທ່ານເລຂາທິການໃຫຍ່, ປະທານປະເທດຫງວຽນຟູຈ້ອງ; ທ່ານນາຍົກລັດຖະມົນຕີຫງວຽນຊວນຟຸກ ແລະ ບັນດາຜູ້ແທນເຂົ້າຮ່ວມກອງປະຊຸມລັດຖະບານກັບທ້ອງຖິ່ນ ໃນຕອນເຊົ້າວັນທີ 28 ທັນວາ. (ພາບ: TTXVN)

ພິເສດ, ພາຍໃຕ້ຜົນກະທົບຂອງ COVID-19, ຫຼາຍປະເທດຕົກຢູ່ໃນສະພາວະການຖົດຖອຍ, ແຕ່ຫວຽດນາມ ກໍ່ໄດ້ຮັກສາການເຕີບໂຕຢ່າງຕັ້ງໜ້າ, ໄດ້ຄວບຄຸມພະຍາດ, ແລະ ຮັບປະກັນຄວາມປອດໄພທາງສັງຄົມ. ມາຮອດປະຈຸບັນນີ້, ຫວຽດນາມ ໄດ້ປະຕິບັດເປົ້າໝາຍຄວບຄູ່ໃນການປ້ອງກັນ ແລະ ຕ້ານພະຍາດ COVID-19 ແລະ ຮັກສາການເຕີບໂຕຂອງພື້ນຖານເສດຖະກິດ.

ຄຽງຂ້າງນັ້ນ, ດ້ວຍຄວາມຕັດສິນໃຈທົ່ວລະບົບການເມືອງ, ຄວາມເຫັນດີເຫັນພ້ອມຂອງປະຊາຊົນ ແລະ ວິສາຫະກິດ, ຫວຽດນາມ ໄດ້ສ້າງລາຍຮັບລວມຍອດຜະລິດຕະພັນພາຍໃນ (GDP) ຫຼາຍກ່ວາ 1,200 ຕື້ USD ໃນເກືອບ 5 ປີ ເຊິ່ງບົນພື້ນຖານເສດຖະກິດມະຫາພາກທີ່ສະຖຽນລະພາບ.

ທ່ານນາຍົກລັດຖະມົນຕີຫງວຽນຊວນຟຸກ ກ່າວວ່າ: “ການເຕີບໂຕທາງດ້ານເສດຖະກິດແຫ່ງຊາດ ມີການປະກອບສ່ວນຈາກການເຕີບໃຫຍ່ທີ່ໜ້າປະທັບໃຈ ຂອງຫລາຍທ້ອງຖິ່ນທີ່ພົ້ນເດັ່ນ, ການເຕີບໂຕທາງດ້ານເສດຖະກິດແຫ່ງຊາດບໍ່ຕ້ອງຂື້ນກັບຫຼາຍພາກສ່ວນເສດຖະກິດໂດຍສະເພາະ.”

ປີ 2020 ແມ່ນປີທີ່ປະສົບຜົນສຳເລັດທີ່ສຸດຂອງ ຫວຽດນາມໃນ 5 ປີຜ່ານມາ.

ອີງຕາມບົດລາຍງານຂອງກົມໃຫຍ່ສະຖິຕິ, ຮອດປີ 2020, ລວມຍອດຜະລິດຕະພັນພາຍໃນ (GDP) ຂອງຫວຽດນາມ ຈະເພີ່ມຂຶ້ນ 2,91%; ຍອດມູນຄ່າການນຳເຂົ້າ - ສົ່ງອອກໃນປີ 2020 ໄດ້ບັນລຸປະມານ 543,9 ຕື້ໂດລາສະຫະລັດ, ເພີ່ມຂື້ນ 5,1% ທຽບໃສ່ປີກ່ອນ, ໃນນັ້ນການສົ່ງອອກບັນລຸ 281,5 ຕື້ໂດລາສະຫະລັດ, ເພີ່ມຂຶ້ນ 6,5%; ການນຳເຂົ້າສິນຄ້າບັນລຸ 262,4 ຕື້ USD, ເພີ່ມຂຶ້ນ 3,6%.

ຈາກຜົນໄດ້ຮັບດັ່ງກ່າວນີ້, ວາລະສານ The Economist ໃນເດືອນສິງຫາປີ 2020 ໄດ້ຈັດອັນດັບໃຫ້ຫວຽດນາມ ເປັນທີ 16 ໃນບັນດາພື້ນຖານເສດຖະກິດທີ່ພົ້ນເດັ່ນທີ່ສຸດໃນໂລກ. ອີງຕາມຂໍ້ມູນຂອງທະນາຄານໂລກ, ໂດຍມີການເຕີບໂຕທາງດ້ານເສດຖະກິດສະເລ່ຍ 6,8% ຕໍ່ປີ ສຳລັບໄລຍະ 2016 - 2019, ຫວຽດນາມແມ່ນໜຶ່ງໃນ 10 ປະເທດທີ່ມີການຂະຫຍາຍຕົວສູງທີ່ສຸດ.

10 ເຫດການເສດຖະກິດ ເປັນສັນຍະລັກຂອງຫວຽດນາມ ໃນປີ 2020 ຍສໝ - ຫວຽດນາມ ແມ່ນໜຶ່ງໃນບັນດາປະເທດທີ່ມີອັດຕາການເຕີບໂຕ ຂອງລວມຍອດຜະລິດຕະພັນພາຍໃນ (GDP) ຄາດວ່າຈະບັນລຸ 2,5 - 3% ໃນສະພາບທີ່ເສດຖະກິດທົ່ວໂລກ ມີຖືກຖົດຖອຍລົງຢ່າງຮ້າຍແຮງ ຍ້ອນໄພພິບັດລະບາດຂອງ COVID-19.

ຫວຽດນາມ: ທົ່ວສັງຄົມພ້ອມແລ້ວທີ່ຈະຕໍ່ສູ້ກັບໂລກລະບາດ ເພື່ອໃຫ້ປະຊາຊົນຕ້ອນຮັບປີໃຫມ່ ຢ່າງປອດໄພ ຍສໝ - ກ່າວຄຳເຫັນທີ່ກອງປະຊຸມຄະນະກຳມະການຊີ້ນຳ, ໃນຕອນບ່າຍວັນທີ 26 ທັນວາ, ທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ - ຫົວໜ້າຄະນະຊີ້ນຳລະດັບຊາດ ເພື່ອປ້ອງກັນໂລກລະບາດ COVID-19 ໄດ້ເນັ້ນໜັກວ່າ ຫວຽດນາມມີຄວາມຕັດສິນໃຈຮັກສາບັນດາຜົນງານ ໃນການປ້ອງກັນ ແລະ ຕ້ານການລະບາດຂອງພະຍາດ COVID-19 ເພື່ອສະເຫຼີມສະຫຼອງຕ້ອນຮັບປີ​ໃຫມ່ ຢ່າງປອດໄພ ແລະ ສົດໃສ.

ຫວຽດນາມແມ່ນຈຸດພົ້ນເດັ່ນໃນການຮ່ວມມືຂອງ ລັດເຊຍ ແລະ ອາຊຽນ ຍ​ສ​ໝ - ນັກ​ຊ່ຽວຊານລັດ​ເຊຍມີຄວາມສົນໃຈເປັນພິເສດຕໍ່ແງ່ຫວັງຂອງລັດເຊຍໃນການພົວພັນກັບອາຊຽນ;ໂດຍຮັບຮູ້ວ່າໃນປີ2020, ລັດເຊຍ ແລະບັນດາປະເທດອາຊຽນສະເຫຼີມສະຫຼອງຫຼາຍເຫດການສຳຄັນເຊັ່ນ:70 ປີແຫ່ງການພົວພັນທາງການທູດກັບຫວຽດນາມແລະອິນໂດເນເຊຍ, 60 ປີແຫ່ງການພົວພັນທາງການທູດລັດເຊຍ - ລາວ...