 |
| ພາບປະກອບ |
ຈຸດພົ້ນເດັ່ນກ່ວາໝູ່ໃນປີ 2020 ຂອງຫວຽດນາມ, ນັ້ນແມ່ນ ສ້າງເສດຖະກິດ ສັງຄົມປະເທດຊາດໃຫ້ເປັນປົກກະຕິ ໃນສະພາບການເກີດໂລກລະບາດ, ທັງຮັກສາການເຕີບໂຕເປັນບວກ, ຍົກສູງຄວາມໄວ້ເນື້ອເຊື່ອໃຈ ຂອງປະຊາຊົນທີ່ມີຕໍ່ພັກ, ລັດ. ລະດັບການເຕີບໂຕເສດຖະກິດທັງປີຂອງທົ່ວປະເທດ ຄາດວ່າບັນລຸກ່ວາ 2%, ຊື່ງແມ່ນລະດັບການເຕີບໂຕທີ່ຕັ້ງໜ້າ ເມື່ອທຽບກັບຫຼາຍປະເທດໃນໂລກ ແລະ ພາກພື້ນ.
ໂດຍແມ່ນ 1 ໃນບັນດາປະເທດ ທີ່ມີໄພຄວາມສ່ຽງສູງໃນເບື້ອງຕົ້ນ, ການຄວບຄຸມໂລກລະບາດເປັນຢ່າງດີ ໄດ້ຊ່ວຍໃຫ້ຫວຽດນາມ ກາຍເປັນປະເທດທີ່ປະສົບຜົນສຳເລັດໃນໂລກ ກ່ຽວກັບການປ້ອງກັນ, ຕ້ານໂລກລະບາດ. ຈາກຜົນສຳເລັດນີ້, ຫວຽດນາມ ໄດ້ກັບຄືນສູ່ການພັດທະນາເສດຖະກິດ, ຮັກສາສະຖຽນລະພາບທາງສັງຄົມຢ່າງທັນການ. ຜົນສຳເລັດໃນການຕ້ານໂລກລະບາດ ໄດ້ຊ່ວຍບັນດາວິສາຫະກິດ ຫລຸດຜ່ອນສ່ວນໜຶ່ງ ບັນດາຜົນກະທົບທີ່ໜັກໜ່ວງໃນປີ 2020.
ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ, ຫົວໜ້າຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ສະເໜີໃຫ້ຍົກລະດັບທັງໝົດມາດຕະການປ້ອງກັນ, ສະກັດກັ້ນໂລກລະບາດທີ່ໄດ້ຜັນຂະຫຍາຍ, ເຊື່ອມຊຶມ ແລະ ປະຕິບັດໃນໄລຍະຜ່ານມາ; ຈັດຕັ້ງກສຍເຄື່ອນໄຫວຢູ່ໃນລະດັບສູງສຸດໃໝ່; ເພີ່ມທະວີວຽກງານກວດກາທາງບົກ. ກຳລັງປ້ອງກັນຊາຍແດນ, ຕຳຫຼວດປະຈຳຢູ່ດ່ານຊາຍແດນ, ອຳນາດການປົກຄອງຂັ້ນຮາກຖານ ແລະ ປະຊາຊົນຢູ່ເຂດຊາຍແດນ ຈົ່ງເສີມຂະຫຍາຍບົດບາດ ແລະ ຄວາມຮັບຜິດຊອບຂອງຕົນໃນການປະຕິບັດຂໍ້ກຳນົດຕ່າງໆກ່ຽວກັບການປ້ອງກັນ, ສະກັດກັ້ນໂລກລະບາດ.
ປະຈຸບັນ, ທົ່ວໂລກໄດ້ຢັ້ງຢືນມີຜູ້ຕິດເຊື້ອໂຄວິດ-19 ກ່ວາ 80 ລ້ານຄົນ, ໃນນັ້ນ ມີກ່ວາ 1,7 ລ້ານຄົນເສຍຊີວິດ. ປະເທດຖືກຜົນສະທ້ອນຢ່າງໜັກໜ່ວງທີ່ສຸດໃນໂລກ ຍັງຄົງແມ່ນ ອາເມລິກາ, ຖັດຈາກນັ້ນ ອິນເດຍ ແລະ ບຣາຊິນ. ນັບແຕ່ ເມື່ອພາຍຫຼັງ ອັງກິດ ປະກາດການກວດພົບເຊື້ອໄວຣັດ SARS – CoV – 2 ກາຍພັນເປັນ VUI – 202012/01, ຫຼາຍກວ່າ 40 ປະເທດໃນໂລກ ໄດ້ອອກຄຳສັ່ງຫ້າມ ຫຼື ຈຳກັດການໄປມາກັບປະເທດນີ້ ເພື່ອແນໃສ່ສະກັດກັ້ນການກາຍພັນຂອງເຊື້ອໄວຣັດ ເຊິ່ງໄດ້ຮັບຖືວ່າ ເຮັດໃຫ້ໂລກລະບາດໂຄວິດ - 19 ແຜ່ລາມໄວກວ່າ.
 | ສື່ມວນຊົນ ເຢຍລະມັນຕີລາຄາສູງການຮັບມືຕໍ່ໂລກລະບາດໂຄວິດ - 19 ຂອງ ຫວຽດນາມ ຍສໝ - ອົງການການຄ້າ ແລະ ການລົງທຶນ ເຢຍລະມັນ (GTAI) ໃຫ້ຮູ້ວ່າ ການເຕີບໂຕພື້ນຖານເສດຖະກິດ ຫວຽດນາມ ບັນລຸລະດັບເປັນບວກ 2,1% ໄລ່ຕາມມູນຄ່າຄວາມຈິງໃນ 3 ໄຕມາດ ຂອງປີ 2020 ເມື່ອທຽບໄສ່ກັບໄລຍະດຽວກັນຂອງ ປີ 2019 . |
 | ຫວຽດນາມໜູນຊ່ວຍ ອຸປະກອນການແພດເພື່ອປ້ອງກັນສະກັດກັ້ນ ໂລກລະບາດໂຄວິດ - 19 ໃຫ້ແກ່ມຽນມາ ຍສໝ - ນີ້ແມ່ນບັ້ນສະໜັບສະໜູນທີ 4 ຂອງລັດຖະບານ ແລະ ປະຊາຊົນ ຫວຽດນາມໃຫ້ແກ່ມຽນມາ, ໂດຍສະແດງໃຫ້ເຫັນຄວາມເອົາໃຈໃສ່, ການແບ່ງປັນ, ຍາມໃດກໍ່ພ້ອມແລ້ວທີ່ຈະຊ່ວຍເຫຼືອມຽນມາໃນການປ້ອງກັນສະກັດກັ້ນໂລກລະບາດໂຄວິດ - 19, ປະກອບສ່ວນເຂົ້າການພັດທະນາການພົວພັນມິດຕະພາບ, ຄວາມສະໜິດຕິດພັນລະຫວ່າງ ອຳນາດການປົກຄອງ ແລະ ປະຊາຊົນ ສອງປະເທດໃນຕະຫຼອດໄລຍະທີ່ຜ່ານມາ. |
 | ທ່ານອະດີດຮອງນາຍົກລັດຖະມົນຕີເຢຍລະມັນ P. Rösler ຕີລາຄາສູງບັນດາຜົນງານທີ່ຫວຽດນາມບັນລຸໄດ້ໃນການຕ້ານໂລກລະບາດ ໂຄວິດ - 19 ຍສໝ - ນັບແຕ່ຫົວທີ, ຫວຽດນາມມີປະຕິກິລິຍາຢ່າງແຮງ, ໃນນັ້ນມີການປິດຊາຍແດນໂດຍໄວແລະ ທັນທີ ພາຍຫຼັງມີຄົ້ນພົບຜູ້ຕິດເຊື້ອພະຍາດ2-3 ຄົນເທົ່ານັ້ນ, ຫວຽດນາມໄດ້ຈຳກັດບໍລິເວນດັ່ງກ່າວຢ່າງທັນທີ. |
ໄຊພອນ
