ພິທີ ມອບ-ຮັບ ການຊ່ວຍເຫລືອລ້າດ້ານພາຫະນະ ຈາກລັດຖະບານ ແຫ່ງ ສປ ຈີນ ຈຳນວນ 7 ຄັນ.

ຕາງໜ້າ​ມອບ​ພາຫະນະ​ ໃນຄັ້ງ​ນີ້​ໂດຍ ​ທ່ານ ຫວັງ ສີຮຸ້ຍ ທູດເສດ ຖະກິດການຄ້າ ສປ ຈີນ ປະຈໍາ ສປປ ລາວ, ຕາງໜ້າ​ຮັບໂດຍ ​ທ່ານ ບຸນມີ ມະນີວົງ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ, ​ ມີ​ບັນດາຫົວໜ້າຫ້ອງການກະຊວງ ອຸດສາຫະກໍາ ແລະ ການຄ້າ, ພ້ອມດ້ວຍ ພາກສ່ວນກ່ຽວຂ້ອງທັງ​ສອງ​ຝ່າຍ ເຂົ້າຮ່ວມ.

ໃນໂອກາດນີ້, ທ່ານ ນາງ ບານສະຕີ ເທບພະວົງ ຫົວໜ້າຫ້ອງການກະຊວງອຸດສາຫະກໍາ ແລະ ການຄ້າ ກ່າວວ່າ: ການຊ່ວຍເຫລືຶອຂອງລັດຖະບານ ສປ ຈີນ ໃນຄັ້ງນີ້, ຖືວ່າເປັນຊ່ວຍ ເຫລືອທີ່ມີປະໂຫຍດ ແລະ ມີຄຸນຄ່າສູງພໍສົມຄວນ. ພວກເຮົາສັນຍາວ່າ ຈະນຳໃຊ້ພາຫະນະເຫລົ່ານີ້ໃຫ້ເກີດປະໂຫຍດສູງສຸດ, ໂດຍສະເພາະ ແມ່ນການຮັບໃຊ້ວຽກງານລວມ ແລະ ວຽກງານຂອງທ້ອງ ຖິ່ນຕ່າງໆ ເພື່ອສົ່ງເສີມພັດທະນາ ຂະແໜງການຄ້າຂອງພວກເຮົາໃຫ້ເຂັ້ມແຂງ ແລະ ປະກອບສ່ວນ ເຮັດໃຫ້ມູນຄ່າການຄ້າຂອງສອງຝ່າຍ ລາວ-ຈີນ ໃຫ້ເພີ່ມທະວີຄວາມເຂັ້ມແຂງຂຶ້ນເລື້ອຍໆ ແລະ ຕາງໜ້າຄະນະນໍາກະຊວງ ຂໍສະແດງຄວາມຂອບໃຈຢ່າງສູງ ໂດຍຜ່ານທ່ານທູດເສດຖະກິດການຄ້າ ໄປເຖິງລັດຖະບານ ສປ ຈີນ ແລະ ກະຊວງການຄ້າ ຂອງ ສປ ຈີນ ທີ່ໃຫ້ການຊ່ວຍເຫລືອໃນຄັ້ງນີ້.

ສປ ຈີນມອບ ພາຫະນະ ໃຫ້ ກະຊວງ ອຸສາຫະກຳ ແລະ ການຄ້າ ລາວ.

（ແຫຼ່ງ​ຂໍ້​ມູນ​： ຂ​ປ​ລ）