ການຮ່ວມມືລະຫວ່າງທະຫານຊາຍແດນ ຫວຽດນາມ-ລາວ ສືບຕໍ່ໄດ້ຮັບການປັບປຸງ ແລະພັດທະນາ
	ກອງປະຊຸມຖ່າຍທອດສົດ ລະຫວ່າງຫວຽດນາມ - ຝະລັ່ງ ກ່ຽວກັບທ່າອ່ຽງການລົງທຶນໃໝ່

ສະມາຄົມມິດຕະພາບ ແລະຮ່ວມມືຫວຽດນາມ-ຝະລັ່ງ ໄດ້ປະກອບສ່ວນເຂົ້າໃນການພັດທະນາການພົວພັນລະຫວ່າງສອງປະເທດຢ່າງບໍ່ຢຸດຢັ້ງເພື່ອສັນຕິພາບ, ການຮ່ວມມື ແລະພັດທະນາ.

ເມື່ອບໍ່ດົນມານີ້, ຢູ່ຮ່າໂນ້ຍ, ສສ.ຫວຽດນາມ; ສະມາຄົມມິດຕະພາບ ແລະຮ່ວມມືຫວຽດນາມ-ຝະລັ່ງ (ສະຫະພັນບັນດາອົງການຈັດຕັ້ງມິດຕະພາບຫວຽດນາມ-VUFO) ໄດ້ຈັດພິທີສະເຫຼີມສະຫຼອງ 65 ປີແຫ່ງວັນສ້າງຕັ້ງ. ທີ່ພິທີ, ທ່ານ Nicolas Warnery ເອກອັກຄະລັດຖະທູດຝະລັ່ງ ປະຈໍາ ຫວຽດນາມ ໄດ້ ສະແດງຄວາມຂອບໃຈຕໍ່ປະຊາຊົນຫວຽດນາມ ເວົ້າລວມ ແລະບັນດາສະມາຊິກສະມາຄົມມິດຕະພາບ ແລະຮ່ວມມືຫວຽດນາມ-ຝະລັ່ງ ເວົ້າສະເພາະ ເມື່ອໄດ້ສະໜັບສະໜູນ, ບໍລິຈາກອຸປະກອນ, ຜ້າອັດປາກ-ອັດດັງສະຫງວນໃຫ້ປະຊາຊົນຝະລັ່ງ. ພ້ອມທັງ ກໍ່ໄດ້ຢັ້ງຢືນວ່າ ສະຖານທູດຝະລັ່ງ ປະຈໍາ ຫວຽດນາມ ຈະສືບຕໍ່ສະໜັບສະໜູນສະມາຄົມກໍ່ສ້າງ ແລະຜັນຂະຫຍາຍບັນດາການເຄື່ອນໄຫວຫຼາຍກວ່າອີກ ເພື່ອປະກອບສ່ວນເຂົ້າໃນການຊຸກຍູ້ສາຍພົວພັນມິດຕະພາບ, ການຮ່ວມມືລະຫວ່າງປະຊາຊົນສອງປະເທດ.

ນອກຈາກນັ້ນ, ໃນເດືອນ ກໍລະກົດ 2020, ສະຫະພັນບັນດາອົງການຈັດຕັ້ງມິດຕະພາບນະຄອນໂຮ່ຈີມິນ (HUFO) ໄດ້ຈັດຕັ້ງງານພົບປະສະເຫຼີມສະຫຼອງ 231 ປີແຫ່ງວັນຊາດຝະລັ່ງ (14/7/1789 - 14/7/2020). ທ່ານ Vincent Floreani, ຫົວໜ້າກົງສູນໃຫຍ່ຝະລັ່ງ ປະຈໍານະຄອນໂຮ່ຈີມິນ ໄດ້ຢັ້ງຢືນວ່າ ລັດຖະບານ ແລະປະຊາຊົນຝະລັ່ງ ປາດຖະໜາຢາກພັດທະນາການພົວພັນອັນດີງາມກັບຫວຽດນາມ, ໂດຍສະເພາະແມ່ນການພົວພັນລະຫວ່າງບັນດາທ້ອງຖິ່ນຂອງຝະລັ່ງກັບນະຄອນໂຮ່ຈີມິນ. ສະຖານກົງສູນໃຫຍ່ຝະລັ່ງ ປະຈໍານະຄອນໂຮ່ຈີມິນ ຈະສືບຕໍ່ມານະພະຍາຍາມເພື່ອປະກອບສ່ວນເຂົ້າໃນການຊຸກຍູ້ການພົວພັນລະຫວ່າງສອງປະເທດ, ພິເສດແມ່ນໃນຂົງເຂດການຮ່ວມມືດ້ານການສຶກສາ, ວັດທະນະທໍາ, ວິທະຍາສາດເຕັກໂນໂລຢີ.

ໃນໄລຍະເກືອບ 30 ປີຜ່ານມາ, ສະມາຄົມມິດຕະພາບຫວຽດນາມ-ຝະລັ່ງ ນະຄອນໂຮ່ຈີມິນ ຍາມໃດກໍ່ເຮັດສໍາເລັດບົດບາດເປັນຂົວເຊື່ອມຕໍ່ເປັນຢ່າງດີ, ຮຽກຮ້ອງໃຫ້ບັນດາອົງການຈັດຕັ້ງບໍ່ຂຶ້ນກັບລັດຖະບານ, ອົງການຈັດຕັ້ງຕ່າງປະເທດປະຕິບັດເກືອບ 500 ໂຄງການພັດທະນາວົງຄະນະຍາດ, ໜູນຊ່ວຍປະຊາຊົນປະສົບກັບຄວາມຫຍຸ້ງຍາກຢູ່ 51 ແຂວງ, ນະຄອນຂອງຫວຽດນາມ ດ້ວຍຍອດມູນຄ່າທັງໝົດ 6 ລ້ານ Franc ແລະ 2,5 ລ້ານ Euro.

ສະມາຄົມມິດຕະພາບ ຫວຽດນາມ - ໄທ ຢູ່ ດານັງປະກອບສ່ວນຊຸກຍູ້ຂະແໜງການທ່ອງທ່ຽວ ຍສໝ - ວັນທີ 22 ກໍລະກົດ 2020, ກອງປະຊຸມໃຫຍ່ຄັ້ງທີ 4 ໄລຍະ 2020 - 2025 ຂອງສະມາຄົມມິດຕະພາບຫວຽດນາມ - ໄທ ນະຄອນດານັງໄດ້ຈັດຂຶ້ນ ຢູ່ ສຳນັກງານໃຫຍ່ຂອງສະຫະພັນບັນດາອົງການມິດຕະພາບນະຄອນດານັງ.

ເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງປະຊາຊົນຫວຽດນາມ - ຝະລັ່ງ ຍ​ສ​ໝ - ສະຖານກົງສຸນໃຫຍ່ຝຣັ່ງປະຈຳ ນະຄອນໂຮ່ຈີມິນຈະສືບຕໍ່ມານະພະຍາຍາມປະກອບສ່ວນຊຸກຍູ້ການພົວພັນລະຫວ່າງສອງປະເທດ.

ຫວຽດນາມ - ລາວ: ກໍ່ສ້າງຊາຍແດນສັນຕິພາບ, ມິດຕະພາບ, ຮ່ວມມື ແລະພັດທະນາ ຍສໝ - ເມື່ອມໍ່ໆມານີ້, ຄ້າຍທະຫານຊາຍແດນ ໂທງທູ້, ທະຫານຊາຍແດນແຂວງເງະອານ ໄດ້ສົມທົບກັບກອງຮ້ອຍຊາຍແດນ 216, ກອງບັນຊາການທະຫານແຂວງຫົວພັນ (ສປປ ລາວ) ຈັດຕັ້ງການລາດຕະເວນສອງຝ່າຍ.