 |
| ພາບປະກອບ |
ຕາມ ທ່ານ ດາວວົງ ພອນແກ້ວ ຮອງລັດຖະມົນຕີກະຊວງພະລັງງານ ແລະບໍ່ແຮ່ ແຫ່ງ ສປປ ລາວ ແລ້ວ, ນັບແຕ່ນີ້ຮອດປີ 2025, ຫວຽດນາມ ຈະຊື້ໄຟຟ້າ 3.000 MW ຈາກລາວ ດ້ວຍມູນຄ່າ 6,95 US cent/kWh. ຄາດຄະເນວ່າຈໍານວນໄຟຟ້າທີ່ຂາຍໃຫ້ຫວຽດນາມ ຈະເພີ່ມຂຶ້ນ 5.000 MW ແຕ່ປີ 2026 ເຖິງປີ 2030, ດ້ວຍລາຄາຈະກໍານົດໃໝ່.
ປະຈຸບັນ, ຫວຽດນາມໄດ້ບັນລຸຂໍ້ຕົກລົງຊື້ໄຟຟ້າກັບລາວ, ລວມທັງບັນດາໂຮງງານໄຟຟ້າຢູ່ພາກເໜືອຂອງຫວຽດນາມ. ໃນອະນາຄົດອັນໃກ້ນີ້, ຫວຽດນາມຍັງຈະເຊື່ອມຕໍ່ສາຍສົ່ງໄຟຟ້າກັບໂຮງງານໄຟຟ້າເຫຼົ່ານີ້ຢູ່ລາວ. ຫວຽດນາມ ໄດ້ສ້າງຕາຂ່າຍໄຟຟ້າຂະໜາດ 500 kV ໃນເຂດພາກກາງເໜືອ, ມີຊາຍແດນຕິດກັບເມືອງຫົວເມືອງ ແລະ ເມືອງຊຳເໜືອ ແຂວງຫົວພັນ ເພື່ອນຳເຂົ້າໄຟຟ້າຈາກບັນດາເຂື່ອນໄຟຟ້ານ້ຳຕົກໃນລາວ. ນອກຈາກຫວຽດນາມແລ້ວ, ລາວ ກໍ່ໄດ້ບັນລຸຂໍ້ຕົກລົງຂາຍໄຟຟ້າໃຫ້ໄທ, ກຳປູເຈຍ, ມຽນມາ ແລະໄທ. ໃນໄລຍະປີ 2016-2020, ລາວສົ່ງອອກກະແສໄຟຟ້າໄດ້ 129.605 ລ້ານກິໂລວັດໂມງ, ມູນຄ່າ 7,2 ຕື້ໂດລາສະຫະລັດ, ເພີ່ມຂື້ນ 164% ເມື່ອທຽບໃສ່ໄລຍະດຽວກັນຂອງປີຜ່ານມາ.
ສຳລັບການສົ່ງອອກໄປຈຳໜ່າຍຕ່າງປະເທດສາມາດບັນລຸໄດ້ 6.457 ເມກາວັດໃນນີ້ໄດ້ສົ່ງອອກໄປປະເທດໄທ 5.620 ເມກາວັດຄາດວ່າຮອດປີ 2022 ຈະສົ່ງຕື່ມອີກ 2 ໂຄງການຄື : ໂຄງການນໍ້າເທີນ 1 ສົ່ງອອກ 520 ເມກາວັດ ແລະ ນໍ້າງື່ມ 3 ສົ່ງອອກ 480 ເມກາວັດ ແລະ ຈະສືບຕໍ່ເຈລະຈາຊື້-ຂາຍໄຟຟ້າແບບລັດຖະບານຕໍ່ລັດຖະບານ ຊຶ່ງຮອດປີ 2020-2030 ໃຫ້ໄດ້ຄົບ 9.000 ເມກາວັດ. ຂາຍໄປປະເທດຫວຽດນາມ 570 ເມກາວັດ ຊຶ່ງປະກອບມີໂຄງການເຂື່ອນໄຟຟ້າເຊຂະໝານ 1 ແລະ ເຊຂະໝານ 3 ແລະ ໃນວັນທີ 4/1/2020 ທີ່ຜ່ານມາໄດ້ມີການເຊັນສັນຍາຊື້-ຂາຍອີກຕື່ມ 5 ໂຄງການຄື ນໍ້າກົງ 2, ກົງ 3, ນໍ້າອີມູນ, ນໍ້າຊັນ 3A ແລະ 3B, ກໍາລັງຕິດຕັ້ງລວມ 363 ເມກາວັດ ຊຶ່ງແຜນການຊື້-ຂາຍພະລັງງານໄຟຟ້າກັບຫວຽດນາມແມ່ນຮອດປີ 2020 ແມ່ນໃຫ້ໄດ້ 1.000 ເມກາວັດ, 2025 ໃຫ້ໄດ້ 3.000 ເມກາວັດ ແລະ ຮອດ 2030 ໃຫ້ໄດ້ 5.000 ເມກາວັດ.
ປັດຈຸບັນທົ່ວປະເທດ ລາວ ມີລະບົບສາຍສົ່ງແຮງສູງ, ແຮງກາງ ແລະ ແຮງຕໍ່າ ຍາວທັງໝົດ 65.563 ກວ່າກິໂລແມັດ, ມີສະຖານີຈ່າຍໄຟຟ້າ 74 ແຫ່ງ. ໄດ້ສະໜອງກະແສໄຟຟ້າ ເພື່ອໃຫ້ການບໍລິການໃນທົ່ວສັງຄົມ ຢູ່ໃນພາກ ອຸດສາຫະກໍາ, ກະສິກໍາ, ຊົນລະປະທານ, ການລ້ຽງສັດ, ຫັດຖະກໍາ, ການບໍລິການ, ການທ່ອງທ່ຽວ, ຄົມມະນາຄົມ, ຂົນສົ່ງ ແລະ ຂະແໜງການອື່ນໆ ຊຶ່ງໄດ້ກາຍເປັນພື້ນຖານໃຫ້ແກ່ການຜະລິດ, ການຜະລິດເປັນສິນຄ້າ ແລະ ການແກ້ໄຂວຽກເຮັດງານທໍາໃນສັງຄົມຢ່າງກວ້າງຂວາງ. ປັດຈຸບັນ ໄດ້ສະໜອງໄຟຟ້າຮັບໃຊ້ໄດ້ 100% ຢູ່ໃນທຸກເທດສະບານແຂວງ, ນະຄອນຫຼວງ,ເທດສະບານເມືອງ ແລະ ນະຄອນເຖິງ 93% ຂອງຈໍານວນບ້ານ ແລະ 95%ຂອງຈໍານວນຄອບຄົວໃນທົ່ວປະເທດໄດ້ຊົມໃຊ້ໄຟຟ້າແບບຖາວອນແລ້ວ.
 | ທົ່ວໂລກມີຜູ້ຕິດເຊື້ອພະຍາດໂຄວິດ-19 ກວ່າ 30.3 ລ້ານຄົນ, ໃນນັ້ນມີຜູ້ເສຍຊີວິດ 950.000 ຄົນ ອາເມລິກາ ຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດຈາກໂລກລະບາດໂຄວິດ-19, ຖັດຈາກນັ້ນແມ່ນອິນເດຍ ແລະ ບຣາຊິນ. |
 | ທົ່ວໂລກມີຜູ້ຕິດໂລກລະບາດໂຄວິດ-19 ແມ່ນກວ່າ 15.930.000 ຄົນ, ໃນນັ້ນເກືອບ 642.000 ຄົນເສຍຊີວິດ ຍສໝ - ອາເມລິກາ ຍັງສືບຕໍ່ແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດ, ໃນນັ້ນມີຜູ້ຕິດໂລກລະບາດໂຄວິດ-19 ແມ່ນ 4.248.372 ຄົນ. |
 | ປະເທດລາວ: 95 ມື້ຕິດຕໍ່ກັນ ສປປ.ລາວ ບໍ່ພົບຜູ້ຕິດເຊື້ອພະຍາດ COVID-19 ລາຍໃໝ່ຢູ່ໃນສັງຄົມ ໃນວັນທີ 13 ກໍລະກົດ 2020 ທີ່ກະຊວງສາທາລະນະສຸກ ໄດ້ລາຍງານສະພາບການລະບາດ ຂອງພະຍາດໂຄວິດ-19 ໃນ ສປປ ລາວ ໂດຍ ທ່ານ ດຣ. ຣັດສະໝີ ວົງຄຳຊາວ ຮອງຫົວໜ້າ ກົມຄວບຄຸມພະຍາດຕິດຕໍ່, ກະຊວງສາທາລະນະສຸກ, ມີສື່ມວນຊົນເຂົ້າຮ່ວມ. |
ໄຊພອນ
