| ຫວຽດນາມເພີ່ມການນຳເຂົ້າໄຟຟ້າຈາກລາວ | |
| ຕະຫລາດແຮງງານ ຫວຽດນາມ ມີການປ່ຽນແປງຫລາຍຢ່າງ |
 |
| ພາບປະກອບ |
ກະຊວງພະລັງງານ ແລະ ບໍ່ແຮ່ ຄາດຄະເນ ປີ 2020 ສປປ ລາວ ມີຄວາມຕ້ອງການພະລັງງານໄຟຟ້າທັງໝົດ 9.401 ລ້ານກິໂລວັດໂມງ, ຮອດປີ 2025 ມີຄວາມຕ້ອງການພະລັງງານ ໄຟຟ້າເພີ່ມຂຶ້ນເປັນ 13.621 ລ້ານກິໂລວັດໂມງ, ໂດຍມີອັດຕາການເພີ່ມຂຶ້ນສະເລ່ຍ 7,7% ຕໍ່ປີ. ໃນນັ້ນປີ 2020 ຂະແໜງອຸດສາຫະກໍາກວມເອົາອັດຕາສ່ວນຫລາຍກວ່າ 47% ແລະ ຄາດຄະເນໃນປີ 2025 ຂະແໜງອຸດສາຫະກໍາຈະກວມເອົາອັດຕາສ່ວນເພີ່ມຂຶ້ນເປັນ 52%. ພ້ອມດຽວກັນນັ້ນ, ໃນປີ 2020 ຟຟລ ຈະສາມາດສົ່ງອອກພະລັງງານໄດ້ທັງໝົດ 3.575 ລ້ານກິໂລວັດໂມງ, ຮອດປີ 2025 ຈະສາມາດສົ່ງອອກໄດ້ 6.017 ລ້ານກິໂລວັດໂມງ ແລະ ນັບແຕ່ປັດຈຸບັນ ຈົນເຖິງປີ 2030 ຈະມີເຂື່ອນໄຟຟ້າທີ່ຈະມອບຄືນໃຫ້ລັດຖະບານລາວ ກໍຄື ໂຄງການຜະລິດໄຟຟ້າຫ້ວຍເຫາະ ແລະ ເຂື່ອນອື່ນໆອີກ ໃນປີ 2035 ແລະ ປີຕໍ່ໆໄປ ທີ່ອາດຈະເຮັດໃຫ້ລາຄາໄຟຟ້າຖືກລົງ.
ຕາມ ທ່ານ ຈັນສະແຫວງ ບຸນຍົງ ຫົວໜ້າກົມນະໂຍບາຍ ແລະ ແຜນພະລັງງານ ກະຊວງພະລັງງານ ແລະ ບໍ່ແຮ່ ແລ້ວ, ມາຮອດປັດຈຸບັນ ສປປ ລາວ ມີແຫລ່ງຜະລິດໄຟຟ້າທັງໝົດ 78 ແຫ່ງ, ມີກຳລັງຕິດຕັ້ງທັງໝົດ 9.972 ເມັກກາວັດ, ສາມາດຜະລິດພະລັງງານ ໄຟຟ້າໄດ້ເຖິງ 52.211 ລ້ານກິໂລວັດໂມງຕໍ່ປີ, ໃນນີ້ມີເຂື່ອນໄຟຟ້ານ້ຳຕົກ 67 ແຫ່ງ, ໂຮງໄຟຟ້າຖ່ານຖີນ 1 ແຫ່ງ, ໂຮງໄຟຟ້າຊີວະມວນ 4 ແຫ່ງ, ໂຮງໄຟຟ້າແສງຕາເວັນ 6 ແຫ່ງ.
ໃນວັນທີ 5 ຕຸລາ 2020, ລັດວິສາຫະກິດໄຟຟ້າລາວ ຮ່ວມກັບ ກະຊວງພະລັງງານ ແລະ ບໍ່ແຮ່ ແລະ ພາກສ່ວນກ່ຽວຂ້ອງຈັດເວທີເສວະນາເພື່ອປຶກສາຫາລື, ແລກປ່ຽນຄຳຄິດຄຳເຫັນກ່ຽວກັບໂຄງສ້າງລາຄາໄຟຟ້າ ສະບັບປັບປຸງໃໝ່ 2021-2025, ໂດຍໄດ້ເຊື້ອເຊີນເອົາທຸກພາກສ່ວນທີ່ມີຄວາມສົນໃຈກ່ຽວກັບລາຄາໄຟຟ້າໃຫ້ສາມາດອອກຄໍາຄິດ, ຄຳເຫັນ, ແລກປ່ຽນບົດຮຽນ ຢ່າງກົງໄປກົງມາແບບສ້າງສັນ ແລະ ຢ່າງມີວິທະຍາສາດ.
ໂອກາດດັ່ງກ່າວ, ທ່ານ ດາວວົງ ພອນແກ້ວ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ກ່າວວ່າ: ການເສວະນາໃນຄັ້ງນີ້ ແມ່ນສືບເນື່ອງຈາກ ການທີ່ລັດຖະບານໄດ້ມີທິດຊີ້ນໍາໃຫ້ກະຊວງພະລັງງານ ແລະ ບໍ່ແຮ່ ຮ່ວມກັບໄຟຟ້າລາວໃຫ້ມີການຄົ້ນຄວ້າຮູບແບບຕ່າງໆ ກ່ຽວກັບໂຄງສ້າງລາຄາໄຟຟ້າແລ້ວນໍາໄປອະທິບາຍທາບທາມຄໍາຄິດເຫັນຈາກປະຊາຊົນທຸກຊັ້ນຄົນເພື່ອສັງລວມເອົາບັນດາຂໍ້ສະເໜີ ລາຍງານຕໍ່ລັດຖະບານ.
 |
| ເວທີ ເສວະນາ ເພື່ອປຶກສາຫາລື, ແລກປ່ຽນຄຳຄິດຄຳເຫັນ ກ່ຽວກັບໂຄງສ້າງລາຄາໄຟຟ້າ ສະບັບປັບປຸງໃໝ່ 2021-2025, ໂດຍໄດ້ເຊື້ອເຊີນເອົາທຸກພາກ ສ່ວນທີ່ມີຄວາມສົນໃຈ ກ່ຽວກັບລາຄາໄຟຟ້າ ໃຫ້ສາມາດອອກຄໍາຄິດ, ຄຳເຫັນ, ແລກປ່ຽນບົດຮຽນ ຢ່າງກົງໄປກົງມາ ແບບສ້າງສັນ ແລະ ຢ່າງມີວິທະຍາສາດ. ພາບ: ຂປລ |
ການຄິດໄລ່ລາຄາໄຟຟ້າແມ່ນອີງໃສ່ສະພາບເສດຖະກິດ-ສັງຄົມ ໃນແຕ່ລະໄລຍະ, ຕາມສະພາບລາຍຮັບຕົວຈິງຂອງປະຊາຊົນເຮັດໃຫ້ການກໍານົດລາຄາໄຟຟ້າ ມີລັກສະນະເກື້ອກູນ ດ້ວຍເຫດນີ້ໄຟຟ້າລາວຈຳເປັນຕ້ອງແບກຫາບພາລະດ້ານຕົ້ນທຶນ ແລະ ຂາດທຶນ, ໂດຍມີໜີ້ສິນແກ່ຍາວ, ແຕ່ເຖິງແນວໃດກໍຕາມໄຟຟ້າລາວກໍຕ້ອງໄດ້ເຮັດໜ້າທີ່ການເມືອງທີ່ສຳຄັນ ຄື ສະໜອງໄຟຟ້າໃຫ້ ສັງ ຄົມໄດ້ຊົມໃຊ້ຢ່າງທົ່ວເຖິງ.
ໂດຍມີຈຸດປະສົງ ເພື່ອສົ່ງເສີມບັນດານະໂຍບາຍຂອງລັດຖະບານຂອງການພັດທະນາດ້ານເສດຖະກິດ, ຢາກໃຫ້ປະຊາຊົນລາວເຮັດການຜະລິດ ເປັນສິນຄ້າເພີ່ມຂຶ້ນ ຈະແມ່ນລະດັບຈຸນລະພາກ ຂະໜາດນ້ອຍ ຫລື ເປັນອຸດສາຫະກໍາປຸງ ແຕ່ງປະເພດຕ່າງໆ. ສໍາຄັນແມ່ນໃຫ້ສາມາດແຂ່ງຂັນໄດ້, ຢາກໃຫ້ມີການນໍາໃຊ້ ໄຟຟ້າໃນປະເທດໃຫ້ຫລາຍຂຶ້ນ, ຫລຸດຜ່ອນການສົ່ງອອກວັດຖຸດິບທີ່ບໍ່ໄດ້ຮັບການປຸງແຕ່ງ ເພື່ອໃຫ້ເກີດມູນຄ່າເພີ່ມ ເປັນຫລາຍເທົ່າ, ໃຫ້ສາມາດດຶງດູດ ການລົງທຶນຕ່າງປະເທດໃຫ້ໄດ້ຫລາຍໆ, ໃຫ້ ຟຟລ ຍັງສາມາດສືບຕໍ່ດໍາເນີນທຸລະກິດມີຜົນກໍາໄລຮັບປະກັນການສະໜອງໄຟຟ້າ ດ້ວຍຄຸນນະພາບ, ເປັນແບບຢ່າງນໍາໜ້າ ໃນການດໍາເນີນທຸລະກິດ.
 | 35 ມື້ແລ້ວ ທີ່ຫວຽດນາມ ບໍ່ພົບຜູ້ ຕິດເຊື້ອພະຍາດ Covid – 19 ໃໝ່ຕື່ມອີກໃນຊຸມຊົນ ຍອດຈຳນວນ ຜູ້ຕິດເຊື້ອພະຍາດ Covid – 19 ໃນປະຈຸບັນ ທີ່ຫວຽດນາມ ແມ່ນ 1098 ຄົນ, ໃນນັ້ນມີຜູ້ໄດ້ຮັບການປິ່ນປົວຫາຍດີເປັນປົກກະຕິແມ່ນ 1028 ຄົນ ແລະ ມີຜູ້ເສຍຊີວິດ 35 ຄົນ. |
 | ຫວຽດນາມ ໄດ້ຮຽກຮ້ອງໃຫ້ບັນດາຝ່າຍຂອງປະເທດ ໄຮຕີ ປຶກສາຫາລືເພື່ອຫັນການແກ້ໄຂຢ່າງຮອບດ້ານ ຍສໝ - ທ່ານເອກອັກຄະລັດຖະທູດ ດັ້ງດິ່ງກຸຍ ຫວັງວ່າ ບັນດາຝ່າຍກ່ຽວຂ້ອງໃນປະເທດ ໄຮຕີ ຕ້ອງມີຄວາມພະຍາຍາມເພື່ອບັນລຸໄດ້ຂໍ້ຕົກລົງກ່ຽວກັບການສ້າງຕັ້ງສະພາຊົ່ວຄາວ; ຕົກລົງເຫັນດີກ່ຽວກັບວິທີການ ແລະ ເວລາທີ່ຈະລົງຄະແນນສຽງ. |
 | ງານວາງສະແດງແຜນທີ່ ແລະ ສາລະຄະດີ ກ່ຽວກັບ ຮວ່າງຊາ ແລະ ເຈື່ອງຊາ ຂອງຫວຽດນາມ ຍສໝ - ແຕ່ວັນທີ 6 ຫາ ວັນທີ 8 ຕຸລາ, ກະຊວງຖະແຫຼງຂ່າວ ແລະ ສື່ສານ ສົມທົບກັບຄະນະກຳມະການປະຊາຊົນແຂວງດົ່ງນາຍ ຈັດຕັ້ງງານວາງສະແດງແຜນທີ່ ແລະ ສາລະຄະດີ ກ່ຽວກັບ ຮວ່າງຊາ ແລະ ເຈື່ອງຊາ ຂອງຫວຽດນາມ. |
vietlao.vietnam.vn
