 |
| ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໄດ້ສົມທົບກັບສະຖານທູດ ລາວ ປະຈຳ ຫວຽດນາມ ຈັດຕັ້ງງານວາງສະແດງຮູບຖ່າຍ “ການພົວພັນມິດຕະພາບແບບພິເສດ ລະຫວ່າງ ຫວຽດນາມ - ລາວ” ຂຶ້ນຢູ່ ຮ່າໂນ້ຍ ໃນລະຫວ່າງວັນທີ 01 – 05 ທັນວາ 2020. |
ດ້ວຍຮູບຖ່າຍກວ່າ 100 ແຜ່ນ, ງານວາງສະແດງຄັ້ງນີ້ຢາກແນະນຳເຖິງຜູ້ຊົມສາຍພົວພັນແບບພິເສດລະຫວ່າງສອງຊາດ ຫວຽດນາມ - ລາວ ໃນຕະຫຼອດໄລຍະແຫ່ງການຕໍ່ສູ້ປົດປ່ອຍຊາດໃນເມື່ອກ່ອນ ກໍຄື ຂະບວນວິວັດການແຫ່ງການປ່ຽນແປງໃໝ່ ແລະ ສ້າງສາປະເທດຊາດ, ຢັ້ງຢືນຄວາມຕັດສິນໃຈຂອງສອງພັກ, ສອງລັດ ແລະ ປະຊາຊົນສອງປະເທດເພີ່ມພູນຄູນສ້າງຢ່າງບໍ່ຢຸດຢັ້ງໃຫ້ສາຍພົວພັນ ຫວຽດນາມ - ລາວ ໝັ້ນຄົງທະໜົງແກ່ນໄປຊົ່ວກາລະນານ. ງານວາງສະແດງກສຸມໃສ່ແນະນຳເຖິງທ່ານຜູ້ຊົມກ່ຽວກັບຊີວິດ ແລະ ພາລະກິດແຫ່ງການປະຕິວັດຂອງປະທານ ໄກສອນ ພົມວິຫານ ເຊິ່ງເປັນເພື່ອນມິດສະຫາຍທີ່ສະໜິດສະໜົມຂອງພັກກອມມູນິດ ຫວຽດນາມ ແລະ ປະຊາຊົນ ຫວຽດນາມ.
ລາວ-ຫວຽດນາມ, ຫວຽດນາມ-ລາວ ແມ່ນສອງປະເທດບ້ານໃກ້ເຮືອນຄຽງ, ຮ່ວມສາຍພູຫລວງ, ຮ່ວມແມ່ນ້ຳ, ການພົວພັນສະໜິດສະໜົມ ຖານອ້າຍນ້ອງ ລະຫວ່າງສອງຊາດ ໄດ້ຮັບການສ້າງຕັ້ງ ແລະ ເພີ່ມພູນຄູນສ້າງ ໃນປະຫວັດສາດ ແຫ່ງການສ້າງສາ ແລະ ປົກປັກຮັກສາ ປະເທດຊາດ. ການພົວພັນມູນເຊື້ອອັນດີງາມ, ຄວາມສະໜິດຕິດພັນ ຈິດໜຶ່ງໃຈດຽວ ລະຫວ່າງ ປະຊາຊົນ ສອງປະເທດ ລາວ-ຫວຽດນາມ, ຫວຽດນາມ - ລາວ, ໂດຍປະທານໂຮ່ຈິມິງ ແລະ ປະທານ ໄກສອນ ພົມວິຫານ ເປັນຜູ້ກໍ່ຕັ້ງ, ການນໍາຮຸ່ນຕ່າງໆ ແລະ ປະຊາຊົນສອງປະເທດ ເພີ່ມພູນຄູນສ້າງ. ນີ້ແມ່ນຊັບສົມບັດ ອັນລ້ຳຄ່າຂອງສອງຊາດ, ເໝາະສົມກັບກົດເກນ ພັດທະນາລວມ ຂອງສອງປະເທດ ໃນໄລຍະທາງ ແຫ່ງການພັດທະນາ ປະເທດຊາດ ວັດທະນາຖາວອນ, ປະຊາຊົນອີ່ມໜຳສຳລານ ແລະ ມີຄວາມຜາສຸກ.
 |
| ບັນດາຜູ້ແທານເຂົ້າຮ່ວມງານວາງສະແດງ. |
ການຕໍ່ສູ້ປົດປ່ອຍຊາດ ແລະ ຍາດເອົາເອກະລາດ ຂອງແຕ່ລະປະເທດ, ຄວາມສະໜິດຕິດພັນທີ່ສະໜິດແໜ້ນ, ການສົມທົບກັນ, ການຊ່ວຍເຫລືອທີ່ບໍ່ລຳອຽງ, ສຸດອົກສຸດໃຈ ລະຫວ່າງສອງປະເທດ, ສອງຊາດລາວ-ຫວຽດນາມ ໄດ້ກາຍເປັນກຳລັງແຮງ ອັນໃຫຍ່ຫລວງ ແລະ ແມ່ນປັດໄຈສຳຄັນ ປະກອບສ່ວນນຳການ ປະຕິວັດສອງປະເທດ ໄປສູ່ໄຊຊະນະສົມບູນ ເມື່ອປີ 1975. ໃນໄລຍະໃໝ່, ສອງປະເທດເຫັນ ໄດ້ຄວາມສຳຄັນ ຕ້ອງສືບຕໍ່ພັດທະນາ ການພົວພັນທີ່ເປັນມູນເຊື້ອ ໃຫ້ຂຶ້ນສູ່ລະດັບສູງໃໝ່ ບົນພື້ນຖານສັນຕິພາບ ແລະ ເອກະລາດ. ສົນທິສັນຍາມິດຕະພາບ ແລະ ການຮ່ວມມືໄດ້ຮັບ ການລົງນາມໃນ ປີ 1977 ແມ່ນໜຶ່ງໃນບັນດາ ເຫດການປະຫວັດສາດ ສຳຄັນ, ແມ່ນພື້ນຖານໃຫ້ ແກ່ການພົວພັນ ລະຫວ່າງສອງປະເທດ ໃນໄລຍະໃໝ່. ການພົວພັນຮ່ວມມື ລະຫວ່າງ ສອງປະເທດ ໃນທຸກຂົງເຂດສືບຕໍ່ ໄດ້ຮັບການປັບປຸງ, ນຳເອົາການພົວພັນຮ່ວມມື ນັບມື້ນັບກ້າວເຂົ້າສູ່ລວງເລິກ, ມີປະສິດທິຜົນ.
 | ຂະແໜງຕຳແຜ່ນຕັດຫຍິບຫວຽດນາມ ໄດ້ຮັບຜົນປະໂຫຍດຈາການຫັນປ່ຽນລະບົບສະໜອງທົ່ວໂລກ ຍສໝ - ອັດຕາເຕີບໂຕລະດັບກາງ ຂອງການຕຳແຜ່ນຕັດຫຍິບຫວຽດນາມໃນໄລຍະ 2010 – 2019 ເພີ່ມຂຶ້ນ 15,8 %, ນຳຫວຽດນາມກາຍເປັນຜູ້ຜະລິດການຕັດຫຍິບໃຫຍ່ອັນດັບທີ 2 ໃນທົ່ວໂລກ. |
 | ເອກອັກຄະລັດຖະທູດກາຕາປະຈຳ ຫວຽດນາມ ໄດ້ມອບຂອງຂວັນມີມູນຄ່າ 100 ລ້ານດົ່ງ ໃຫ້ສູນປົກປ້ອງສັງຄົມ 3, ນະຄອນຫຼວງຮ່າໂນ້ຍ ຍສໝ - ຕອນເຊົ້າວັນທີ 28 ພຶດສະພາ, ທີ່ຮ່າໂນ້ຍ, ທ່ານເອກອັກຄະລັດຖະທູດກາຕາປະຈຳ ຫວຽດນາມໄດ້ມາຢ້ຽມຢາມ ແລະ ມອບຂອງຂວັນ ທີ່ມີມູນຄ່າ 100 ລ້ານດົ່ງ ໃຫ້ແກ່ສູນປົກປ້ອງສັງຄົມ 3, ເມືອງມຽວຍາ, ໄຕໂໝ, ນາມຕື່ລຽມ, ຮ່າໂນ້ຍ. |
 | ສະມາຄົມພຸດທະສາສະໜາ ຫວຽດນາມ ປະຈຳ ສ.ເກົາຫຼີ ໄດ້ມອບຂອງຂວັນ 100 ພູດ ໃຫ້ປະຊາຊົນແຂວງຕຽນຢາງ ຍສໝ - ເມື່ອບໍ່ດົນມານີ້, ສູນວັດທະນະທຳພຸດທະສາສະໜາ ຫວຽດນາມ ແລະ ສະມາຄົມພຸດທະສາສະໜາ ຫວຽດນາມ ປະ ຈຳ ສ.ເກົາຫຼີ ໄດ້ມອບຂອງຂວັນ 100 ພູດ ໃຫ້ພໍ່ແມ່ປະຊາຊົນຜູ້ປະສົບສະພາບການຫຍຸ້ງຍາກຢູ່ແຂວງຕຽນຢາງ. ຂອງຂວັນແຕ່ລະພູດລວມມູນຄ່າ 350.000 ດົ່ງລວມມີ: ຜ້າອັດປາກ, ນໍ້າຢາລ້າງມື, ເຂົ້າສານ, ນ້ຳມັນ... |
ໄຊພອນ
