 |
ພິທີຕ້ອນຮັບອາສາສະໝັກ ຈາກປະເທດຍີ່ປຸ່ນ ຊຸດໃໝ່ ຈຳນວນ 9 ທ່ານ ຜ່ານອົງການ JICA ເພື່ອປະຕິບັດໜ້າ ທີ່ຢູ່ ສປປ ລາວ ເປັນເວລາ 2 ປີ. (ພາບ: ກິດຕາ)
ໃນວັນທີ 11 ກໍລະກົດ 2018 ສະຖານທູດຍີ່ປຸ່ນ ປະຈຳ ສປປ ລາວ ໄດ້ຈັດພິທີຕ້ອນຮັບອາສາສະໝັກ ຈາກປະເທດຍີ່ປຸ່ນ ຊຸດໃໝ່ ຈຳນວນ 9 ທ່ານ ຜ່ານອົງການ JICA ເພື່ອປະຕິບັດໜ້າ ທີ່ຢູ່ ສປປ ລາວ ເປັນເວລາ 2 ປີ, ໃນນັ້ນ ໄດ້ກວມເອົາວຽກງານການສຶກສາ, ກິລາ ແລະ ການພັດ ທະນາຊຸມຊົນ ເຊິ່ງຈະ ຖືກສົ່ງ ໄປ ປະຈໍາຢູ່ ນະຄອນຫລວງວຽງຈັນ 4 ທ່ານ, ນະຄອນຫລວງພະບາງ, ແຂວງວຽງຈັນ, ແຂວງໄຊຍະບູລີ, ແຂວງອຸດົມໄຊ ແລະ ແຂວງຄຳມ່ວນ.
ທ່ານ ທາເຄຊິ ຮິຄິຮາຣະ ເອກອັກຄະຣາຊະທູດ ວິສາມັນຜູ້ມີອໍານາດເຕັມ ແຫ່ງ ປະເທດຍີ່ປຸ່ນ ປະຈໍາ ລາວ ໄດ້ເຜີຍໃຫ້ຮູ້ວ່າ: ອາສາສະໝັກຊຸດນີ້, ຈະສືບຕໍ່ປະ ກອບສ່ວນຊ່ວຍເຫລືອ, ເສີມຂະຫຍາຍ ສາຍພົວພັນມິດຕະພາບ ແລະ ຄວາມເຂົ້າໃຈ ລະຫວ່າງ ສອງປະເທດ ລາວ-ຍີ່ປຸ່ນ ຜ່ານການຖ່າຍທອດ ວິຊາຄວາມຮູ້, ຄວາມ ສາມາດ ແລະ ແລກປ່ຽນປະສົບການຮ່ວມກັນ, ເຊິ່ງຈໍານວນອາສາສະໝັກ ທີ່ກໍາລັງ ເຮັດ ວຽກຄຽງບ່າຄຽງໄຫລ່ກັບຄູ່ຮ່ວມງານລາວ ທົ່ວປະເທດ ປັດຈຸບັນ ມີຈໍານວນອາສາສະໝັກ JICA ທັງໝົດ 51 ຄົນ (ອາສາສະໝັກຊາວໜຸ່ມ 44 ທ່ານ ແລະ ຜູ້ອະໂສ 7 ທ່ານ). ອາສາສະໝັກຊຸດນີ້, ຈະສືບຕໍ່ປະກອບສ່ວນຊ່ວຍເຫລືອ, ເສີມຂະຫຍາຍມິດຕະ ພາບ ແລະ ຄວາມເຂົ້າໃຈລະຫວ່າງ ສອງປະເທດ ລາວ-ຍີ່ປຸ່ນ ຜ່ານການຖ່າຍທອດ ວິຊາຄວາມຮູ້, ຄວາມສາມາດ ແລະ ແລກປ່ຽນປະສົບການຮ່ວມກັນ.
ນັບແຕ່ປີ 1965 ອາສາສະໝັກຂອງ JICA ມີຈໍານວນ 987 ຄົນ ໄດ້ຖືກສົ່ງໄປ ປະຕິບັດໜ້າທີ່ ໃນທົ່ວປະເທດລາວ ກວມເອົາຂະແໜງການຕ່າງໆ ເຊັ່ນ: ສາທາລະນະ ສຸກ, ສຶກສາ, ກະສິກໍາ, ວິສະວະ ກໍາ, ການກິລາ ແລະ ການພັດທະນາຊຸມຊົນ.
（ແຫຼ່ງຂໍ້ມູນ： ຂປລ）
