| ອາຊຽນມຸ່ງໄປສູ່ການລົງນາມໃນສັນຍາ RCEP ໃນປີ 2020 | |
| ການພົວພັນລະຫວ່າງ ຫວຽດນາມ - ອາເມລິກາ ຈະສືບຕໍ່ພັດທະນາຢ່າງແທດຈິງ |
 |
| ພາບປະກອບ |
ມີເອກະສານກ່ວາ 80 ສະບັບໄດ້ຮັບຮອງເອົາຢູ່ກອງປະຊຸມສຸດຍອດ ອາຊຽນຄັ້ງທີ 37 ແລະ ບັນດາກອງປະຊຸມຂັ້ນສູງທີ່ກ່ຽວຂ້ອງ (12 – 15 ພະຈິກ) ແມ່ນຫຼັກຖານສະແດງໃຫ້ເຫັນວ່າ ຫວຽດນາມ ໄດ້ຫັນວິກິດການກາຍເປັນກາລະໂອກາດ. ຫວຽດນາມໄດ້ປະຕິບັດ ວຽກງານໄດ້ດີທີ່ສຸດ. ນີ້ແມ່ນການຢັ້ງຢືນຂອງ ທ່ານ Lim Sungnam ເອກອັກຄະລັດຖະທູດ ສ.ເກົາຫຼີ ປະຈຳ ອາຊຽນ ໃນການຕອບສຳພາດຕໍ່ນັກຂ່າວ ຢູ່ຈາກາຕາ, ໃນວັນທີ 18 ພະຈິກ. ທ່ານ Lim Sungnam ໄດ້ເນັ້ນໜັກວ່າ ຫວຽດນາມ ໄດ້ “ປະຕິບັດວຽກງານຂອງຕົນໄດ້ເປັນຢ່າງດີທີ່ສຸດ” ແລະ ປະຕິບັດບັນດາກອງປະຊຸມຂັ້ນສູງໃນອາທິດແລ້ວນີ້ ປະສົບຜົນສຳເລັດຢ່າງຈົບງາມໃນທັງ 3 ຂົງເຂດ.
ກ່ອນອື່ນໝົດ, ອາຊຽນ ພ້ອມກັບບັນດາປະເທດຄູ່ເຈລະຈາ ແລະ ປະຊາຄົມໃນພາກພື້ນ ສາມາດຢັ້ງຢືນໄດ້ ຄຳໝັ້ນສັນຍາການຮ່ວມມືໃນການປ້ອງກັນ, ຕ້ານ ໂລກລະບາດ ໂຄວິດ - 19. ທີ 2 ແມ່ນ, ອາຊຽນໄດ້ຍົກອອກແຜນການລະອຽດໃຫ້ແກ່ການຟື້ນຟູເສດຖະກິດໄລຍະຫຼັງ ໂລກລະບາດໂຄວິດ - 19 ທີ່ມີຊື່ວ່າ “ແຜນການຟຶ້ນຟູອາຊຽນຢ່າງຮອບດ້ານ ACRF ແລະ ໄດ້ຮັບການສະໜັບສະໜູນຈາກປະຊາຄົມພາກພື້ນຫຼາຍທີ່ສຸດ. ສຸດທ້າຍ ແມ່ນການລົງນາມສັນຍາ RCEF - ເຊິ່ງແມ່ນຂີດໝາຍປະຫວັດສາດ. RCEP ຈະແມ່ນຂອບເຂດທີ່ມີສຳຄັນທີ່ສຸດເພື່ອເປີດກ້ວາງການຄ້າ ແລະ ການລົງທຶນໃນພາກພື້ນ ແລະ ທົ່ວໂລກໃຫ້ຫຼາຍກ່ວາອີກ.
ສ່ວນໝາກຜົນຂອງການຮ່ວມມື ອາຊຽນ - ສ.ເກົາຫຼີ ໃນປີນີ້, ທ່ານ ເອກອັກຄະລັດຖະທູດ Lim Sungnam ໄດ້ເນັ້ນໜັກວ່າ ເຊີອູນ ໄດ້ພິສູດໃຫ້ອາຊຽນເຫັນວ່າ “ເພື່ອນກິນຫາງ່າຍ ເພື່ອນຕາຍຫາຍາກ”. ສອງຝ່າຍລ້ວນແຕ່ຢູ່ໃນໄລຍະປະສົບກັບຄວາມຫຍຸ້ງຍາກຈາກໂລກລະບາດ ໂຄວິດ - 19. ແຕ່ສອງຝ່າຍໄດ້ນຳໃຊ້ວິກິດການນີ້ເພື່ອສະແດງໃຫ້ໂລກເຫັນວ່າ ອາຊຽນ ແລະ ສ.ເກົາຫຼີແມ່ນເພື່ອນມິດແທ້ຈິງ.
ທ່ານ Lim Sungnam ໃຫ້ຮູ້ວ່າ ປັດຈຸບັນ, ອາຊຽນແມ່ນຄູ່ຮ່ວມມືທາງການຄ້າໃຫຍ່ອັນດັບທີ 2 ຂອງ ສ.ເກົາຫຼີ ແລະ ສ.ເກົາລີ ແມ່ນຄູ່ຮ່ວມມືທາງການຄ້າ ໃຫຍ່ອັນດັບທີ 5 ຂອງ ອາຊຽນ. ພິເສດ, ອາຊຽນແມ່ນຈຸດນັດພົບທີ 2 ໃຫ້ແກ່ບັນດານັກລົງທຶນສ.ເກົາຫຼີ. ສຸດທ້າຍ, ທ່ານຍັງເນັ້ນໜັກວ່າ ໜຶ່ງໃນບັນດາເປົ້າໝາຍຕົ້ນຕໍຂອງ “ນະໂຍບາຍມຸ່ງໄປສູ່ທາງທິດໃຕ້ໃໝ່” ຂອງ ສ.ເກົາຫຼີ ແມ່ນສ້າງພື້ນຖານໃຫ້ແກ່ການຄ້າ ແລະ ການລົງທຶນແບບຍືນຍົງ, ຕ່າງຝ່າຍຕ່າງມີຜົນປະໂຫຍດ.
 | ອາຊຽນມຸ່ງໄປສູ່ການລົງນາມໃນສັນຍາ RCEP ໃນປີ 2020 ຍສໝ - ບັນດາປະເທດພວມຊຸກຍູ້ການປະຕິບັດລະບຽບການຕ່າງໆພາຍໃນປະເທດ ເພື່ອສາມາດລົງນາມໃນວັນທີ 15 ພະຈິກ ຈະມາເຖິງ.ກ່ອນໜ້ານັ້ນ, ບັນດາປະເທດສະມາຊິກຢັ້ງຢືນເຖິງເປົ້າໝາຍ ຈະເຮັດໃຫ້ສຳເລັດກ່ຽວກັບການລົງນາມໃນສັນຍາ RCEP ໃນປີ 2020 ເພື່ອແນໃສ່ຊຸກຍູ້ລະບົບການຄ້າຫຼາຍຝ່າຍ, ຫັນການຄ້າ ແລະ ການລົງທຶນເປັນເສລີ ແລະ ກໍແມ່ນການປະກອບສ່ວນສຳຄັນເຂົ້າໃນວິວັດການຟື້ນຟູພາຍຫຼັງໂລກລະບາດຢູ່ພາກພື້ນ. |
 | ວາລະກອງປະຊຸມຄະນະກຳມະການແຫ່ງຊາດ ອາຊຽນ 2020 ຄັ້ງທີ 6 ຍສໝ - ທ່ານຮອງນາຍົກລັດຖະມົນຕີ ຟ້າມບິ່ງມິງ ໄດ້ສະເໜີບັນດາອະນຸກຳມະການ, ບັນດາກະຊວງ, ຂະແໜງການສືບຕໍ່ປະຕິບັດຕາມທິດທາງ, ການມອບໝາຍ ແລະ ປະຕິບັດສຳເລັດໜ້າທີ່ທີ່ຍັງເຫຼືອຕາມແຜນການ, ວິວັດການທີ່ໄດ້ວາງອອກ, ແລະສູ້ຊົນປະຕິບັດບົດບາດເປັນປະທານອາຊຽນກ່ອນທີ່ຈະມອບຄວາມຮັບຜິດຊອບນີ້ໃຫ້ແກ່ປະເທດຕໍ່ໄປໃຫ້ສຳເລັດ. |
 | ການເຈລະຈາ ສັນຍາ FTA ລະຫວ່າງ ຫວຽດນາມ - ອັງກິດຄາດວ່າຈະສຳເລັດໃນປີ 2020 ຍສໝ - ທ່ານ ຮ່ວາງກ໊ວກເວື້ອງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ເນັ້ນໜັກວ່າ ລາຊະອານາຈັກອັງກິດແມ່ນຕະຫຼາດສຳຄັນ ແລະ ຍາມໃດກໍ່ແມ່ນຄູ່ຮ່ວມມືບຸລິມະສິດໃນການຮ່ວມມືຂອງຫວຽດນາມ. |
ບຸນຄົງ
