| ຄະນະຊີ້ນຳແຫ່ງຊາດວາງອອກບັນດາມາດຕະການກຽມພ້ອມປ້ອງກັນສະກັດກັ້ນໂລກລະບາດໂຄວິດ19 | |
| ຫວຽດນາມສະໜອງທຶນການສຶກສາ 1.100 ທຶນໃຫ້ແກ່ລາວ |
ໜັງສືພິມ New York Times ໃນວັນທີ 13 ຕຸລາ ໄດ້ລົງພິມບົດຂຽນ ດ້ວຍຫົວຂໍ້ວ່າ: " Is Vietnam the Next Asian Miracle?" - ຫວຽດນາມ ແມ່ນສິ່ງອະພິນິຫານໃໝ່ຂອງອາຊີ ຫຼື ບໍ? - ໂດຍທ່ານ Ruchir Sharma - ຫົວໜ້າຍຸດທະສາດທົ່ວໂລກ ຢູ່ພາກສ່ວນບໍລິຫານການລົງທືນ ຂອງທະນາຄານລົງທືນນາໆຊາດ Morgan Stanley.
ພາຍໃນສອງສາມມື້ຫລັງຈາກ ປະເທດຈີນ ໄດ້ປະກາດກໍລະນີຕິດເຊື້ອພະຍາດ COVID-19 ຄັ້ງທຳອິດ, ຫວຽດນາມ ໄດ້ລະດົມແຫລ່ງພະລັງງານຫລາຍຢ່າງ ເພື່ອຢຸດການແຜ່ລະບາດຂອງພະຍາດດັ່ງກ່າວ. ການປະຕິບັດແຍກອອກຫ່າງຢ່າງໄວວາ ໄດ້ເຮັດໃຫ້ຫວຽດນາມ ແມ່ນນອນຢູ່ໃນ 4 ປະເທດທີ່ມີຄົນຕາຍຍ້ອນຕິດພະຍາດ Covid - 19 ຕໍ່າທີ່ສຸດໃນໂລກ.
 |
| ຫວຽດນາມ ໄດ້ຄວບຄຸມການແຜ່ລະບາດ COVID-19 ໄດ້ເປັນຢ່າງດີ ແລະ ກຳລັງສຸມໃສ່ການພັດທະນາເສດຖະກິດ. (ພາບ: TTXVN) |
ຜູ້ຂຽນບົດ ໄດ້ຢືນຢັນວ່າ ການຄວບຄຸມໂລກລະບາດສາມາດເຮັດໃຫ້ຫວຽດນາມ ເປີດປະຕູບັນດາວິສາຫະກິດຄືນໃໝ່ຢ່າງໄວ ແລະ ຄາດຄະເນວ່າ ຈະເປັນພື້ນຖານເສດຖະກິດທີ່ເຕີບໃຫຍ່ໄວທີ່ສຸດໃນໂລກໃນປີ 2020. ໃນຂະນະທີ່ຫຼາຍປະເທດ ຍັງປະສົບກັບສະພາບເສດຖະກິດລົດໜ້ອຍຖອຍລົງ ແລະ ຕ້ອງການຮັບເງິນຊ່ວຍເຫລືອຈາກກອງທຶນການເງິນສາກົນ (IMF), ປະເທດຫວຽດນາມ ໄດ້ບັນລຸການເຕີບໂຕໃນອັດຕາປະຈຳປີປະມານ 3%. ສິ່ງທີ່ສ້າງຄວາມປະທັບໃຈກວ່ານັ້ນ ແມ່ນການຂະຫຍາຍຕົວຂອງຫວຽດນາມ ໄດ້ຖືກກະຕຸ້ນຍ້ອນການຄ້າເກີນດຸນ, ບໍ່ຫົວຊາວ່າຈະມີຄວາມພັງລົງຂອງການຄ້າຂາຍຂອງທົ່ວໂລກ.
ພື້ນຖານເສດຖະກິດຫວຽດນາມ ໄດ້ຮັກສາລະດັບຂະຫຍາຍຕົວທີ່ຄ້າຍຄືກັນນີ້ ຕະຫຼອດສາມທົດສະວັດ. ເຖິງແມ່ນວ່າການຄ້າທົ່ວໂລກຫຼຸດລົງໃນຊຸມປີທຳອິດຂອງສະຕະວັດທີ 21, ການສົ່ງອອກຂອງຫວຽດນາມ ໄດ້ເພີ່ມຂຶ້ນ 16% ຕໍ່ປີ. ນີ້ແມ່ນລະດັບຂະຫຍາຍຕົວທີ່ໄວທີ່ສຸດໃນໂລກ ແລະ ທົບ 3 ເທົ່າປຽບທຽບກັບອັດຕາສະເລ່ຍພື້ນຖານເສດຖະກິດທີ່ກຳລັງຈະພົ້ນເດັ່ນຂື້ນ.
ລັດຖະບານໄດ້ລົງທຶນປະມານ 8% ຂອງລວມຍອດຜະລິດຕະພັນພາຍໃນ (GDP) ໃນແຕ່ລະປີ ເພື່ອຈັດຕັ້ງປະຕິບັດໂຄງການກໍ່ສ້າງໃໝ່ ແລະ ປະຈຸບັນໄດ້ຈັດຢູ່ໃນລະດັບຄຸນນະພາບດ້ານພື້ນຖານໂຄງລ່າງ ເຊິ່ງເປັນສູງກ່ວາປະເທດອື່ນໆໃນໄລຍະການພັດທະນາທີ່ຄ້າຍຄືກັນ.
ໃນ 5 ປີທີ່ຜ່ານມາ, ການລົງທືນໂດຍກົງຈາກຕ່າງປະເທດ (FDI) ໄດ້ບັນລຸລະດັບສະເລ່ຍຫຼາຍກ່ວາ 6% ຂອງ GDP ຫວຽດນາມ, ເຊິ່ງເປັນອັດຕາທີ່ສູງທີ່ສຸດ ໃນບັນດາປະເທດທີ່ຫາກໍພົ້ນເດັ່ນຂື້ນ. ສ່ວນໃຫຍ່ແມ່ນໄດ້ຫວຽດນາມ ອຸທິດໃຫ້ແກ່ການກໍ່ສ້າງໂຮງງານຜະລິດ ແລະ ພື້ນຖານໂຄງລ່າງທີ່ກ່ຽວຂ້ອງ ແລະ ສ່ວນໃຫຍ່ທຶນຮອນ FDI ດຽວນີ້ແມ່ນມາຈາກບັນດາປະເທດອາຊີ, ລວມທັງ ສ.ເກົາຫຼີ, ຍີ່ປຸ່ນ, ແລະ ຈີນ. ເລ່ືອງນີ້ສະແດງໃຫ້ເຫັນວ່າ "ສິ່ງອະພິນິຫານເກົ່າ" ກຳລັງຊ່ວຍສ້າງສິ່ງງອະພິນິຫານໃໝ່.
 | ເສດຖະກິດດີຈີຕອນ - ການກະທົບ, ກາລະໂອກາດ ແລະຄວາມສາມາດໝູນໃຊ້ຂອງຫວຽດນາມ “ເສດຖະກິດດີຈີຕອນ - ການກະທົບ, ກາລະໂອກາດ ແລະຄວາມສາມາດໝູນໃຊ້ຂອງຫວຽດນາມ” ແມ່ນຫົວຂໍ້ກອງປະຊຸມສໍາມະນາ ໂດຍມະຫາວິທະຍາໄລແຫ່ງຊາດນະຄອນໂຮ່ຈີມິນ ສົມທົບກັບໜ່ວຍໃຫ້ຄໍາປຶກສາດ້ານເສດຖະຫິດຂອງທ່ານ ນາຍົກລັດຖະມົນຕີ ຫວຽດນາມ ຈັດຕັ້ງໃນຕອນເຊົ້າວັນທີ 12 ຕຸລາ ຢູ່ນະຄອນໂຮ່ຈີມີນ. |
 | ທ່ານ ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໂອ້ລົມທາງໂທລະສັບກັບທ່ານ ນາຍົກລັດຖະມົນຕີ ຍີ່ປຸ່ນ Suga Yoshihide ຍສໝ - ທ່ານນາຍົກລັດຖະມົນຕີ ຍີ່ປຸ່ນ Suga Yoshihide ໄດ້ສະແດງຄວາມຊົມເຊີຍຕໍ່ການພັດທະນາຢ່າງແຮງຂອງການພົວພັນລະຫ່ວາງຍີ່ປຸ່ນ - ຫວຽດນາມ, ທ່ານກໍ່ຂອບໃຈການຮ່ວມມືຢ່າງຕັ້ງໜ້າຂອງຫວຽດນາມໃນການປ້ອງກັນ, ສະກັດກັ້ນໂລກລະບາດ Covid - 19. |
 | ປະເທດຫວຽດນາມ ໄດ້ຄັດເລືອກເປັນສະຖານທີ່ທີ່ໜ້າສົນໃຈໃນປີ 2020 ໂດຍວາລະສານທ່ອງທ່ຽວສາກົນຫຼາຍແຫ່ງ ຍສໝ - ຜູ້ອ່ານວາລະສານທ່ອງທ່ຽວທີ່ມີຊື່ສຽງຂອງອາເມລິກາ Condé Nast Traveler ໄດ້ລົງຄະແນນສຽງໃຫ້ຫວຽດນາມ ຢືນອັນດັບທີ 9 ໃນ 20 ປະເທດເປັນສະຖານທີ່ແຫ່ງຄວາມນິຍົມໃນປີ 2020 ດ້ວຍ 92,12 ຄະແນນ. |
ຄຳຮຸ່ງ
