 |
| ທ່ານດັ້ງດິ່ງກຸ໊ຍ ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ກ່າວຄຳເຫັນທີ່ກອງປະຊຸມ (ພາບ: TTXVN) |
ວັນທີ 9 ຕຸລາ, ຫວຽດນາມ ໄດ້ສົມທົບກັບ ເຢຍລະມັນ, ແບນຊິກ ແລະ ສະວິດ ຈັດຕັ້ງກອງປະຊຸມທາງອອນລາຍຂອງ ສະພາຄວາມໝັ້ນຄົງ ສປຊ ກ່ຽວກັບການຍົກສູງສະຕິຄວາມຮັບຮູ້ ແລະ ປະສິດທິຜົນໃນການນຳໃຊ້ບັນດາມາດຕະການເປັນກາງ ໃນການສະກັດກັ້ນ ແລະ ແກ້ໄຂການປະທະກັນ, ປະກອບສ່ວນເຂົ້າໃນການຮັກສາສັນຕິພາບ, ຄວາມໝັ້ນຄົງ ສາກົນ. ຜູ້ຕາງໜ້າຂອງ ເກືອບ 40 ປະເທດ ສະມາຊິກ ສະພາຄວາມໝັ້ນຄົງ ສປຊ ແລະ ສປຊ ໄດ້ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມ.
ທ່ານ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ຖືວ່າ ບັນດາປະເທດມີພັນທະແກ້ໄຂການຂັດແຍ້ງກັນ, ທະປະກັນໂດຍສັນຕິວິທີ, ໃນນັ້ນ ມາດຕະການເປັນກາງໄດ້ນຳໃຊ້ເປັນປະຈຳ ແລະ ໄດ້ຮັບການເສີມຂະຫຍາຍຢ່າງມີປະສິດທິຜົນ. ທ່ານດັ້ງດິ່ງກຸ໊ຍ ໄດ້ເນັ້ນໜັກວ່າບັນດາອົງການຈັດຕັ້ງພາກພື້ນສາມາດ ເຮັດຫຼ້ອນບົດບາດໜ້າທີ່ເປັນກາງ, ເປັນເຈົ້າພາທາງໃນການແກ້ໄຂການຂັດແຍ້ງ, ປະທະກັນ ຂອງພາກພື້ນ.
ບັນດາປະເທດ ເກືອບທັງໝົດໄດ້ສະໜັບສະໜູນການນຳໃຊ້ມາດຕະການເປັນກາງໃນການສະກັດກັ້ນ, ແກ້ໄຂການຂັດແຍ້ງ, ປະທະກັນ ໂດຍຖືວ່າ ສະພາຄວາມໝັ້ນຄົງ ສປຊ ມີບົດບາດຕົ້ນຕໍ ໃນການຮັກສາສັນຕິພາບ, ຄວາມໝັ້ນຄົງສາກົນ, ຄວນສືບຕໍ່ໜູນຊ່ວຍ, ຊຸກຍູ້ມາດຕະການເປັນກາງຜ່ານການສະໜັບສະໜູນດ້ານການເມືອງໃຫ້ແກ່ ການເປັນກາງ, ກຳມະການໄກ່່ເກ່ຍ, ສ້າງກຳລັງຄວາມສາມາດເປັນກາງ ໃຫ້ແກ່ບັນດາອົງການຈັດຕັ້ງພາກພື້ນ, ເພີ່ມທະວີການເຂົ້າຮ່ວມຂອງແມ່ຍິງ ຕໍ່ວິວັດທະນາການຄວາມເປັນກາງ.
ແລະກໍ່ໃນວັນດຽວກັນ, ທີ່ວາລະປຶກສາຫາລືຮ່ວມປະຈຳປີຂອງຄະນະກຳມະການຫຼຸດຜ່ອນກຳລັງທັບ ແລະ ຄວາມໝັ້ນຄົງສາກົນ (ຄະນະກຳມະການ 1) ຂອງສະມັດຊາໃຫຍ່ ສປຊ. ທ່ານດັ້ງດິ່ງກຸ໊ຍ ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ກ່າວປາໄສຕາງໜ້າໃຫ້ ອາຊຽນ ຢູ່ກອງປະຊຸມ. ທ່ານ ດັງດິ່ງກຸ໊ຍ ໄດ້ຍົກໃຫ້ເຫັນຄວາມວິຕົກກັງວົນຂອງ ອາຊຽນ ກ່ຽວກັບການຄົງຕົວຂອງອາວຸດນິວເຄຼຍ ກໍ່ຄື ຜົນຮ້າຍຢ້ອນຫຼັງຈາກການນຳໃຊ້ ອາວຸດປະເພດນີ້. ອາຊຽນ ຮຽກຮ້ອງໃຫ້ບັນດາປະເທດ ສືບຕໍ່ລົງນາມ ໃຫ້ສັດຕະຍາບັນ ເພື່ອໃຫ້ສົນທິສັນຍາວ່າດ້ວຍການຫ້າມບໍ່ໃຫ້ທົດລອງນິວເຄຼຍ (CTBT) ແລະ ສົນທິສັນຍາ ວ່າດ້ວຍການເກືອດຫ້າມອາວຸດນິວເຄຼຍ (TPNW) ໃຫ້ມີຜົນສັກສິດໂດຍໄວ. ທ່ານ ດັ້ງດິ່ງກຸ໊ຍ ກໍ່ໄດ້ເນັ້ນໜັກເຖິງຄວາມສຳຄັນຂອງການສືບຕໍ່ສົນທະນາ, ເຈລະຈາເພື່ອແກ້ໄຂບັນຫານິວເຄຼຍ ຢູ່ແຫຼມເກົາຫຼີ.
 | ສະພາຄວາມໝັ້ນຄົງ ສປຊ ຈັດຕັ້ງກອງປະຊຸມເພື່ອຊອກຫາວິທີການແກ້ໄຂໃຫ້ແກ່ສະພາບການວິກິດການຢູ່ ເຢແມນ ຍສໝ - ນັກລາຍງານໄດ້ໃຫ້ຮູ້ວ່າສະຖານະການຍັງສືບຕໍ່ຮ້າຍແຮງຂຶ້ນຢູ່ໃນຫຼາຍແຫ່ງທີ່ເຢເມນ, ເຮັດໃຫ້ສາມັນຊົນຫຼາຍຄົນເສຍຊີວິດ ແລະໄດ້ຮັບບາດເຈັບ; ເມື່ອສະແດງຄວາມວິຕົກກັງວົນຕໍ່ການບຸກໂຈມຕີຢູ່ Ma'rib ທີ່ນາບຂູ່ຕໍ່ສາມັນຊົນ ແລະ ມີຄວາມສ່ຽງນາບຂູ່ທຳລາຍບັນດາຄວາມມານະພະຍາຍາມຂອງ ສປຊ ໃນການເຈລະຈາສະເໜີສ້າງສັນຕິພາບລະຫວ່າງບັນດາຝ່າຍໃນຊຸມເດືອນທີ່ຜ່ານມາ. |
 | ກອງປະຊຸມທາງອອນລາຍຂອງສະພາຄວາມໝັ້ນຄົງ ສປຊ ກ່ຽວກັບສະພາບການຢູ່ ລີບັງ ແລະ ຊູດັງ ຍສໝ - ກ່າວຄຳເຫັນທີ່ກອງປະຊຸມ, ທ່ານ ດັ້ງດິ່ງກຸ໊ຍ, ເອກອັກຄະລັດຖະທູດ, ຫົວໜ້າຄະນະຜູ້ແທນຫວຽດນາມ ປະຈຳ ສປຊ ຖືວ່າ ຕ້ອງຖືໜ້າທີ່ກູ້ເອົາຊີວິດປະຊາຊົນແມ່ນບຸລິມະສິດສູງທີ່ສຸດ, ຮຽກຮ້ອງໃຫ້ປະຊາຄົມສາກົນເພີ່ມທະວີການໜູນຊ່ວຍດ້ານມະນຸດສະທຳໃຫ້ແກ່ລີບັງ. |
 | ຫວຽດນາມ ໄດ້ມານະພະຍາຍາມເຂົ້າຮ່ວມວຽກງານຂອງສະພາຄວາມໝັ້ນຄົງ ສປຊ ແລະ ບັນລຸໄດ້ຫຼາຍຜົນງານທີ່ໜ້າຮັບຮູ້ ຍສໝ - ເມື່ອບໍ່ດົນມານີ້, ກຸ່ມປະຕິບັດງານລະຫວ່າງຂະແໜງການກ່ຽວກັບເລື່ອງຫວຽດນາມ ຮັບດຳລົງຕຳແໜ່ງກຳມະການບໍ່ປະຈຳການສະພາຄວາມໝັ້ນຄົງ ສປຊ ໄດ້ຈັດຕັ້ງກອງປະຊຸມປະຈຳໄລຍະພາຍໃຕ້ການເປັນປະທານຂອງທ່ານ ເລຮວ່າຍຈູງ, ກຳມະການສູນກາງພັກ, ຮອງລັດຖະມົນຕີການຕ່າງປະເທດ |
ບຸນຄົງ
