ສະຖານທີ່ທ່ອງທ່ຽວທຳມະຊາດຫລາຍແຫ່ງທີ່ມີຄວາມສວຍງາມ ແລະ ໄດ້ຮັບຄວາມນິຍົມ ໃນປະເທດ ລາວ

ລາວເປັນປະເທດທີ່ເຕັມໄປດ້ວຍມົນສະເໜ່ແຫ່ງຄວາມສະຫງົບ ລຽບງ່າຍ ມີທຳມະຊາດທ່າມກາງພູຜາປ່າດົງ ທີ່ສວຍສົດງົດງາມ ພ້ອມທັງຍັງອະນຸລັກທໍາມະຊາດຄົງໄວ້ໄດ້ທີ່ຄົນຕ່າງປະເທດມາຮອດຈອດເຖິງຕ່າງກໍ່ອິດສາ ແລະ ຍົກໃຫ້ເປັນອີກໜຶ່ງປະເທດທີ່ໜ້າທ່ອງທ່ຽວ ທີ່ສຸດ. ນອກນັ້ນຍັງມີເມືອງສວຍງາມ ປະຊາຊົນກໍ່ໜ້າຮັກ ແລະ ຈາກການເປັນເມືອງທີ່ໜ້າທ່ອງທ່ຽວແນວນີ້ ນັກທ່ອງທ່ຽວຈຶ່ງບໍ່ພາດມາສຳຜັດທໍາມະຊາດທີ່ຫາເບິ່ງໄດ້ຍາກ.

	ຫວຽດນາມ ສະໜັບສະໜູນຄວາມມານະພະຍາຍາມຫຼຸດຜ່ອນກຳລັງທັບ ແລະ ບໍ່ເຜີຍແຜ່ອາວຸດນິວເຄຼຍທັງໝົດ
	ຮັບປະກັນໃຫ້ 100% ຈຳນວນບ້ານມີເຮືອນວັດທະນະທຳ ຫລື ສະຖານທີ່ ເພື່ອການດຳເນີນຊີວິດຂອງຊຸມຊົນ ຢູ່ ຮ່າໂນ້ຍ

ບໍ່ນໍ້າຮ້ອນເມືອງຮ້ຽມຕັ້ງຢູ່ເຂດປ່າສະຫງວນແຫ່ງຊາດນໍ້າແອດ-ພູເລີຍ ຫ່າງຈາກເທສະບານເມືອງຊໍາເໜືອໄປທາງທິດຕາເວັນຕົກ 155 ກິໂລແມັດ ເປັນສະຖານທີທ່ອງທ່ຽທີ່ມີເສັ້ນທາງເຂົ້າໄປເຖິງທັງສະດວກສະບາຍຕື່ມອີກ.ກ່າວກັນວ່ານີ້ແມ່ນບໍ່ນໍ້າຮ້ອນໃຫຍ່ທີ່ສຸດຢູ່ ສປປ ລາວ ແລະ ກໍ່ມີຄວາມຮ້ອນສູງສຸດເຖິງ 100 ອົງສາ ຊຶ່ງບໍ່ບອກກໍ່ຮູ້ດີວ່າອຸນຫະພູມຂະໜາດນີ້ສາມາດຕົ້ມໄຂ່ ແລະ ປຸງແຕ່ງອາ ຫານປະເພດອື່ນສຸກໄດ້ພາຍໃນບໍ່ເທົ່າໃດວິນາທີ.ຈາກການເປັນບໍ່ນໍ້າຮ້ອນທີ່ທໍາມະຊາດສ້າງຂຶ້ນ ໂດຍມີນໍ້າພຸ່ງຂຶ້ນເທິງໜ້ານໍ້າຕະຫລອດປີແລ້ວໄຫລຜ່ານນໍ້າຫ້ວຍທີ່ຖ້າທ່ານໃດຕ້ອງການລົງຫລິ້ນ ຫລື ອາບນໍ້າກໍ່ໄດ້ຢ່າງສະບາຍ.ປັດຈຸບັນໜ່ວຍງານກ່ຽວຂ້ອງໄດ້ເຂົ້າໄປບູລະນະ ແລະ ສ້າງເປັນແຫລ່ງທ່ອງທ່ຽວ ຊຶ່ງພາຍໃນບໍລິເວນບໍ່ນໍ້າອຸ່ນມີທັງຕູບໃຫ້ນັ່ງຫລິ້ນນັ່ງພັກຜ່ອນ ຫລື ແມ່ນແຕ່ນອນຫລິ້ນກໍ່ສະບາຍທັງ ເຄື່ອງດື່ມໄວ້ຄອຍບໍລິການຜູ້ເຂົ້າທ່ຽວຊົມຢ່າງພຽງພໍ.ຫລາຍທ່ານອາດຄິດວ່າຄ່າຜ່ານປະຕູຄືຈະແພງແຕ່ບໍ່ແພງດອກພຽງແຕ່ຜູ້ລະ 2.000 ກີບສະເພາະຄົນພາຍໃນແຂວງ ຫລື ເມືອງ,ສ່ວນຄົນຕ່າງປະເທດ 5.000 ກີບຕໍ່ຄົນ ແລະ ເປີດບໍລິການແຕ່ວັນຈັນຫາວັນອາທິດແຕ່ 7:00 ໂມງເຊົ້າ ຫາ 19:00 ໂມງແລງ.

ສະຖານທ ທ ອງ ທ ຽວ ທຳ ມະ ຊາດ ຫລາຍ ແຫ ງ ທ ມ ຄວາມ ສວຍ ງາມ ແລະ ໄດ ຮ ບ ຄວາມ ນ ຍ ມ ໃນປະເທດ ລາວ

ນໍ້າຕົກຕາດພະແຈແຫລ້

ປະເທດ ລາວ ກໍມີສະຖານທີ່ທ່ອງທ່ຽວທຳມະຊາດຫລາຍແຫ່ງທີ່ມີຄວາມສວຍງາມແລະໄດ້ຮັບຄວາມນິຍົມໜຶ່ງໃນນັ້ນນໍ້າຕົກຕາດພະແຈແຫລ້ເປັນນ້ຳຕົກໜຶ່ງທີ່ມີຄວາມສວຍງາມແລະໄດ້ຮັບຄວາມນິຍົມຈາກນັກທ່ອງທ່ຽວພາຍໃນເຂົ້າໄປທ່ຽວຊົມຈັດກິດຈະກຳກິນເຂົ້າປ່າສາມັກຄີໃນວັນພັກລັດຖະການເຊິ່ງນ້ຳຕົກຕາດນີ້ຕັ້ງຢູ່ບ້ານນ້ຳຄຽນເມືອງຮົ່ມແຂວງໄຊສົມບູນ. ຖ້າທ່ານໃດມີໂອກາດໄດ້ໄປແຂວງໄຊສົມບູນກໍຢ່າລືມໄປສຳຜັດກັບບັນຍາກາດອັນສວຍງາມຂອງນໍ້າຕົກຕາດແຫ່ງນີ້ຮັບຮອງວ່າທ່ານຈະຕິດໃຈແລະຢາກກັບໄປອີກຢ່າງແນ່ນອນ. ນໍ້າຕົກຕາດແຫ່ງນີ້ຍັງຮັກສາຄວາມເປັນທຳມະຊາດໄວ້ໄດ້ຢ່າງສົມບູນເພາະຍັງບໍ່ມີກັນດັດແປງຫລືພັດທະນາພໍປານໃດ, ສ່ວນເສັ້ນທາງທີ່ເຂົ້າໄປຫາຕາດນັ້ນແມ່ນຖືກປັບປຸງໃຫ້ສະດວກສະບາຍຫລາຍ ເອົາເປັນວ່າຖ້າທ່ານໃດໄປແລະຕ້ອງການໄປພັກຜ່ອນກິນເຂົ້າປ່າທ່າມກາງທຳມະຊາດອັນສວຍງາມກໍຕ້ອງໄດ້ກະກຽມອາຫານການກິນ, ເຄື່ອງດື່ມແລະເຄື່ອງອຳນວຍຄວາມະດວກຕ່າງໆໄປພ້ອມແລະຖ້າໄປໄປຮອດແລ້ວຢ່າລືມລົງຫລິ້ນນໍ້າໄສໆເຢັນໆທີ່ໄຫລໄປຕາມໂຫງ່ນຫີນນ້ອຍໃຫຍ່ເຊິ່ງຈະສ້າງຄວາມເພີດເພີນໃຫ້ທ່ານຢ່າງແນ່ນອນ.

ຕາດຟານ

ຈາກຂໍ້ມູນການທ່ອງທ່ຽວ ກັບນ້ຳຕົກຕາດຟານເມືອງປາກ ຊ່ອງໃຫ້ຮູ້ວ່າ: ຕາດດັ່ງກ່າວ ແມ່ນມີທີ່ຕັ້ງຢູ່ເຂດຫຼັກ 38 ກຸ່ມ 3 ເມືອງປາກຊ່ອງ ຫ່າງຈາກເທດສະບານເມືອງໄປປະມານ 12 ກິໂລແມັດ, ເສັ້ນທາງໄປຫາຕາດ ແມ່ນມີຄວາມສະດວກສະບາຍລົດນ້ອຍ-ໃຫຍ່ສາມາດຂັບລົດເຂົ້າໄປຮອດ ແລະ ມີບ່ອນຈອດ ລົດກວ້າງຂວາງຮອງຮັບໄດ້ຫຼາຍຄັນ ເມື່ອໄປເຖິງບໍລິເວນຂອງຕາດກໍຈະເຫັນປ້າຍໃຫຍ່ຂຽນບອກທີ່ປະຕູທາງເຂົ້າເປັນຕົວໜັງສືລາວຂະໜາດໃຫຍ່ ''ສວນອຸທິຍານນ້ຳຕົກຕາດຟານ'' ແລະ ມີທຸງຊາດລາວ ປັກຢູ່ດ້ານເທິງປ້າຍ, ບໍລິເວນຕາດຟານແມ່ນເປັນເດີ່ນຮາບພຽງດີໃນເນື້ອທີ່ 3.250 ຕາແມັດ ແລະ ມີສາລາໜຶ່ງຫຼັງເປັນເຮືອນໄມ້, ໃນນັ້ນຍ່າງໄປທາງເບື້ອງຊ້າຍກໍແມ່ນທາງມຸ້ງໜ້າໄປຈຸດຊົມທີວທັດທຳມະຊາດຂອງຕາດຟານທີ່ມີຄວາມສວຍງາມ ແລະ ຢູ່ບໍລິເວນທາງເຂົ້າຍັງມີຮົ່ມເຢັນດີມີອູ່ທີ່ເຮັດດ້ວຍໄມ້ໃຫ້ໄດ້ນັ່ງຫຼິ້ນ ແລະ ຊົມຄວາມ ສວຍງາມຢູ່ບໍລິເວນຕາດ. ສະຖານທີ່ທ່ອງທ່ຽວແຫ່ງ ນີ້ມີຊື່ສຽງ ແລະ ເປັນທີ່ຮູ້ຈັກ ຂອງນັກທ່ອງທ່ຽວທັງພາຍໃນ ແລະ ຕ່າງປະເທດ ດ້ວຍລັກສະ ນະພິເສດຂອງຕາດຟານທີ່ມີ ຄວາມສູງຊັນ ປະມານ 120 ແມັດ, ມີນ້ຳສອງສາຍຄື: ຫ້ວຍລຽງ ແລະ ຫ້ວຍຈິບຕົກໃສ່ກັນ, ເຮັດໃຫ້ມີສຽງດັງທາດໆເປັນລະອອງສີຂາວນວນຟົ້ງກະຈາຍໄປທົ່ວບໍລິເວນຕາດສ່ວນອີກດ້ານ ໜຶ່ງແມ່ນສວນກາເຟ ແລະ ສວນໝາກແໜ່ງຂອງປະຊາຊົນພາຍ ໃນເຂດນີ້. ດັ່ງນັ້ນ ການໄປທ່ຽວຕາດຟານນອກຈາກຈະໄດ້ເຫັນ ຄວາມອຸດົມສົມບູນມີທຳມະ ຊາດແລ້ວ ຍັງໄດ້ສຳຜັດແຫຼ່ງ ຜະລິດກະສິກຳທີ່ສ່ອງແສງໃຫ້ເຫັນມູນເຊື້ອດຸໝັ່ນຂອງຊາວ ເມືອງປາກຊ່ອງ ແລະ ຍັງສາມາດມ່ວນຊື່ນຕື່ນເຕັ້ນກັບກິດຈະກຳອັນທ້າທາຍນັ້ນກໍຄືການຂີ່ສະລິງຈາກຕົ້ນໄມ້ໃຫຍ່ເບື້ອງໜຶ່ງໄປຫາອີກຟາກຂອງຫົວຕາດ.

ຕາດຫ່ຽນ ເມືອງນານ ແຂວງຫຼວງພະບາງແມ່ນໜຶ່ງສະຖານທີ່ທ່ອງທ່ຽວທາງທຳມະຊາດຊຶ່ງນັກທ່ອງທ່ຽວສາມາດໄປທ່ຽວຊົມໄດ້, ນ້ຳຕົກຕາດດັ່ງ ກ່າວເປັນສະຖານທີ່ທ່ອງທ່ຽວທາງທຳມະຊາດທີ່ມີຄວາມສວຍງາມ ແລະ ມີຄົນເດີນທາງໄປທ່ຽວຊົມ, ພັກຜ່ອນຢ່ອນອາລົມ, ສຳຜັດກັບກິ່ນອາຍທຳມະຊາດ ແລະ ສາຍນ້ຳພ້ອມທັງສາຍລົມເຢັນຢູ່ສະເໝີເມື່ອໄດ້ໄປສຳຜັດຕົວຈິງຈະມີຄວາມຮູ້ສຶກເຕັມອີ່ມກັບສະພາບແວດລ້ອມທີ່ສວຍງາມ ແລະ ມີໂງ່ນຫີນເກາະກ່າຍ, ນ້ຳໃສເຢັນໆໄຫຼຜ່ານຕະຫຼອດປີ, ອ້ອມສອງຟາກຕາດຈະເຕັມໄປດ້ວຍຕົ້ນໄມ້ໃຫຍ່-ນ້ອຍຕັ້ງຢັ່ງຢາຍຢູ່ເປັນແຖວຊຶ່ງຕັ້ງຢູ່ບ້ານນາຟາຍເມືອງນານຫ່າງຈາກຕົວເມືອງນະຄອນ-ຫຼວງພະບາງ ປະມານ 48 ກິໂລແມັດ ແລະ ຫ່າງຈາກ ຕົວເມືອງນານ ປະມານ 14 ກິ ໂລແມັດ. ນອກຈາກຄວາມສວຍງາມເຫຼົ່ານັ້ນແລ້ວ, ອາກາດກໍຍັງເປັນມິດກັບຜູ້ຄົນທີ່ໄປທ່ອງທ່ຽວ, ອາກາດສົດຊື່ນເຢັນສະບາຍໃຈ ແລະ ສະອາດງາມຕາ ໂດຍລວມແລ້ວຍັງຄົງຮັກສາໄວ້ທຳມະຊາດບໍ່ມີການປ່ຽນແປງ ຈຶ່ງກາຍເປັນທີ່ນິຍົມຂອງນັກທ່ອງທ່ຽວທັງພາຍໃນ ແລະ ຕ່າງປະເທດ.