ປະເທດລາວສືບຕໍ່ສົ່ງເສີມການຜະລິດກະແສໄຟຟ້າ

ມາຮອດປັດຈຸບັນ, ສປປ ລາວ ມີແຫຼ່ງຜະລິດໄຟຟ້າແລ້ວ 78 ແຫ່ງ, ມີກໍາລັງຕິດຕັ້ງທັງໝົດ 9.972 ເມກາວັດ, ສາມາດຜະລິດພະລັງງານໄຟຟ້າໄດ້ເຖິງ 52.211ລ້ານກິໂລວັດໂມງຕໍ່ປີ.

	ສະມາຄົມມິດຕະພາບຫວຽດນາມ - ມຽນມາ ຂົນຂວາຍຊ່ວຍເຫຼືອ ປະຊາຊົນມຽນມາ ໃນການຕໍ່ຕ້ານພະຍາດ COVID-19
	ມະຫາວິທະຍາໄລຍີ່ປຸ່ນ ສ້າງຄວາມສະດວກຫຼາຍຢ່າງໃຫ້ແກ່ນັກສຶກສາ ຫວຽດນາມ

ກົມຄຸ້ມຄອງພະລັງງານ ກະຊວງພະລັງງານ ແລະ ບໍ່ແຮ່ ໄດ້ຈັດກອງປະຊຸມຖອດຖອນບົດຮຽນ ກ່ຽວກັບການບໍລິຫານຈັດການອ່າງນໍ້າ ແລະ ການຜະລິດໄຟຟ້າຂອງເຂື່ອນໄຟຟ້ານໍ້າຕົກຢູ່ ສປປ ລາວ (ຄັ້ງທີ III) ແລະ ແຜນຮັບມືກໍລະນີສຸກເສີນໃນລະດູຝົນ. ກອງປະຊຸມດັ່ງກ່າວໄດ້ຈັດຂຶ້ນເມື່ອບໍ່ດົນຜ່ານມາ ທີ່ຫ້ອງປະຊຸມໃຫຍ່ລັດວິສາຫະກິດໄຟຟ້າລາວ.

ທ່ານ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່.ພາບ:pasaxon.org.la

ກອງປະຊຸມຄັ້ງນີ້ ເປັນການເຜີຍແຜ່ ແລະ ແລກປ່ຽນຂໍ້ມູນ-ຂ່າວສານ ແລະ ບັນດານິຕິກໍາ, ພາລະບົດບາດຂະແໜງການຕ່າງໆຂອງລັດ ທີ່ພົວພັນກັບການຄຸ້ມຄອງຊັບພະຍາກອນນໍ້າ, ການຄຸ້ມຄອງອ່າງເກັບນໍ້າ, ການຄຸ້ມຄອງອ່າງຮັບນໍ້າ ແລະ ການບໍລິການຈັດການອ່າງນໍ້າ ຂອງບັນດາເຂື່ອນໄຟຟ້າ, ລວມທັງຕິດຕາມກວດກາຄວາມປອດໄພຂອງແຕ່ລະເຂື່ອນໃນຊຸມປີທີ່ຜ່ານມາ ແລະ ການກະກຽມຄວາມພ້ອມ ໃນການວາງແຜນຮັບມືສຸກເສີນຂອງແຕ່ລະເຂື່ອນ ໃນລະດູຝົນປີ 2020 ເພື່ອໃຫ້ມີຄວາມປອດໄພສູງສຸດ ຫຼຸດຜ່ອນຜົນກະທົບຕໍ່ເສດຖະກິດ, ສິ່ງແວດລ້ອມ ແລະ ສັງຄົມ...

ທີ່ກອງປະຊຸມ, ທ່ານ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ກ່າວວ່າ: ມາຮອດປັດຈຸບັນ, ສປປ ລາວ ມີແຫຼ່ງຜະລິດໄຟຟ້າແລ້ວ 78 ແຫ່ງ, ມີກໍາລັງຕິດຕັ້ງທັງໝົດ 9.972 ເມກາວັດ, ສາມາດຜະລິດພະລັງງານໄຟຟ້າໄດ້ເຖິງ 52.211ລ້ານກິໂລວັດໂມງຕໍ່ປີ. ນອກຈາກນີ້ ຍັງມີໂຄງການໄຟຟ້າຖ່ານຫີນ 1 ໂຄງການ, ໂຄງການພະລັງງານໄຟຟ້າຊີວະມວນ 4 ແຫ່ງ ແລະ ໂຄງການໄຟຟ້າແສງຕາເວັນ 6 ແຫ່ງ.

ຄຽງຄູ່ກັນນີ້, ການພັດທະນາລະບົບສາຍສົ່ງກໍໄດ້ດໍາເນີນໄປຢ່າງແຂງແຮງ, ຮອດປັດຈຸບັນທົ່ວປະເທດມີລະບົບສາຍສົ່ງແຮງສູງ, ແຮງກາງ ແລະ ແຮງຕໍ່າ ຍາວທັງໝົດ 65.563 ກວ່າກິໂລແມັດ, ມີສະຖານີຈ່າຍໄຟຟ້າ 74 ແຫ່ງ. ໄດ້ສະໜອງກະແສໄຟຟ້າ ເພື່ອໃຫ້ການບໍລິການໃນທົ່ວສັງຄົມ ຢູ່ໃນພາກ ອຸດສາຫະກໍາ, ກະສິກໍາ, ຊົນລະປະທານ, ການລ້ຽງສັດ, ຫັດຖະກໍາ, ການບໍລິການ, ການທ່ອງທ່ຽວ, ຄົມມະນາຄົມ, ຂົນສົ່ງ ແລະ ຂະແໜງການອື່ນໆ ຊຶ່ງໄດ້ກາຍເປັນພື້ນຖານໃຫ້ແກ່ການຜະລິດ, ການຜະລິດເປັນສິນຄ້າ ແລະ ການແກ້ໄຂວຽກເຮັດງານທໍາໃນສັງຄົມຢ່າງກວ້າງຂວາງ. ປັດຈຸບັນ ໄດ້ສະໜອງໄຟຟ້າຮັບໃຊ້ໄດ້ 100% ຢູ່ໃນທຸກເທດສະບານແຂວງ, ນະຄອນຫຼວງ,ເທດສະບານເມືອງ ແລະ ນະຄອນເຖິງ 93% ຂອງຈໍານວນບ້ານ ແລະ 95%ຂອງຈໍານວນຄອບຄົວໃນທົ່ວປະເທດໄດ້ຊົມໃຊ້ໄຟຟ້າແບບຖາວອນແລ້ວ.

ສຳລັບການສົ່ງອອກໄປຈຳໜ່າຍຕ່າງປະເທດສາມາດບັນລຸໄດ້ 6.457 ເມກາວັດໃນນີ້ໄດ້ສົ່ງອອກໄປປະເທດໄທ 5.620 ເມກາວັດຄາດວ່າຮອດປີ 2022 ຈະສົ່ງຕື່ມອີກ 2 ໂຄງການຄື : ໂຄງການນໍ້າເທີນ 1 ສົ່ງອອກ 520 ເມກາວັດ ແລະ ນໍ້າງື່ມ 3 ສົ່ງອອກ 480 ເມກາວັດ ແລະ ຈະສືບຕໍ່ເຈລະຈາຊື້-ຂາຍໄຟຟ້າແບບລັດຖະບານຕໍ່ລັດຖະບານ ຊຶ່ງຮອດປີ 2020-2030 ໃຫ້ໄດ້ຄົບ 9.000 ເມກາວັດ. ຂາຍໄປປະເທດຫວຽດ ນາມ 570 ເມກາວັດ ຊຶ່ງປະກອບມີໂຄງການເຂື່ອນໄຟຟ້າເຊຂະໝານ 1 ແລະ ເຊຂະໝານ 3 ແລະ ໃນວັນທີ 4/1/2020 ທີ່ຜ່ານມາໄດ້ມີການເຊັນສັນຍາຊື້-ຂາຍອີກຕື່ມ 5 ໂຄງການຄື ນໍ້າກົງ 2, ກົງ 3, ນໍ້າອີມູນ, ນໍ້າຊັນ 3A ແລະ 3B, ກໍາລັງຕິດຕັ້ງລວມ 363 ເມກາວັດ ຊຶ່ງແຜນການຊື້-ຂາຍພະລັງງານໄຟຟ້າກັບຫວຽດນາມແມ່ນຮອດປີ 2020 ແມ່ນໃຫ້ໄດ້ 1.000 ເມກາວັດ, 2025 ໃຫ້ໄດ້ 3.000 ເມກາວັດ ແລະ ຮອດ 2030 ໃຫ້ໄດ້ 5.000 ເມກາວັດ.

ການຂາຍໄຟຟ້າໄປຍັງປະເທດມຽນມາ: ປັດຈຸບັນ ໄດ້ສົ່ງອອກແລ້ວ ຜ່ານສາຍສົ່ງ 22 kV ຈໍານວນ 10 ເມກາວັດ. ຄາດວ່າຮອດປີ 2020 ຈະສົ່ງເພີ່ມອີກ 20 ເມກາວັດ. ຮອດປີ 2023 ຈະສົ່ງໃຫ້ໄດ້ 100 ເມກາວັດ ແລະ ຮອດປີ 2025 ຈະສົ່ງໃຫ້ໄດ້ 300 ເມກາວັດ. ການເຊື່ອມໂຍງ ແລະ ຈໍາໜ່າຍໄປຍັງຕະຫຼອດອາຊຽນ: ໃນກຸ່ມປະເທດອາຊຽນ ຊຶ່ງ ສປປ ລາວ ແມ່ນປະເທດທຳອິດທີ່ໄດ້ລິເລີ່ມສົ່ງຂາຍໄຟຟ້າແບບເຊື່ອມໂຍງໃນກຸ່ມປະເທດ ອາຊຽນ ຫຼື ການເຊື່ອມໂຍງກັບພາກພື້ນ. ປັດຈຸບັນ ໄດ້ສົ່ງອອກແລ້ວ 100 ເມກາວັດ ໂດຍຜ່ານປະເທດໄທ (ລາວ-ໄທ-ມາເລເຊຍ) ຊຶ່ງ ຮອດປີ 2020 ຈະສົ່ງໃຫ້ໄດ້ 300 ເມກາວັດ. ພ້ອມດຽວກັນນີ້ ສືບຕໍ່ເຈລະຈາຊື້-ຂາຍ ແລະເຊື່ອມໂຍງໄປຮອດປະເທດ ສິງກະໂປ.

ຫວີງຟຸກ: ສະເຫຼີມສະຫຼອງ 70 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງຫວຽດນາມ - ສະຫະພັນລັດເຊຍ

ຍສໝ - ລາຍການດັ່ງກ່າວແນໃສ່ເພີ່ມທະວີ ແລະຮັດແໜ້ນສາຍພົວພັນມິດຕະພາບ ແລະການຮ່ວມມືທີ່ດີລະຫວ່າງປະຊາຊົນສອງປະເທດເວົ້າລວມ ແລະລະຫວ່າງສະຖານທູດສະຫະພັນລັດເຊຍ ປະຈໍາ ຫວຽດນາມ, ສູນວິທະຍາສາດ ແລະວັດທະນະທຳ ລັດເຊຍ ຢູ່ ຮ່າໂນ້ຍ ແລະ ບັນດາອົງການຈັດຕັ້ງສາກົນ ຂອງ ລັດເຊຍ ກັບປະຊາຊົນແຂວງ ຫວີງຟຸກ ເວົ້າສະເພາະ.

ຫວຽດນາມ ເປັນປະທານກອງປະຊຸມລັດຖະມົນຕີຕ່າງປະເທດແມ່ນໍ້າຂອງ - ສ.ເກົາຫຼີ ຄັ້ງທີ 10

ຍສໝ - ກອງປະຊຸມລັດຖະມົນຕີຕ່າງປະເທດແມ່ນໍ້າຂອງ - ສ.ເກົາຫຼີ ຄັ້ງທີ 10 ໄດ້ຈັດຂື້ນໂດຍທາງຖ່າຍທອດສົດ ໂດຍການເປັນປະທານຮ່ວມຂອງທ່ານຟ້າມບິ່ງມິງ - ຮອງນາຍົກລັດຖະມົນຕີຫວຽດນາມ ແລະ ທ່ານ Kang Kyung Wha - ລັດຖະມົນຕີການຕ່າງປະເທດ ສ.ເກົາຫຼີ.