ທີ່ການປະຊຸມຂ່າວ, ທ່ານ ສຈ. ດຣ. ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະການທ່ອງທ່ຽວລາວ ໄດ້ແຈ້ງຕໍ່ສື່ມວນຊົນທັງພາຍໃນ ແລະຕ່າງປະເທດ, ບັນດາອົງການຈັດຕັ້ງສາກົນທີ່ເຄື່ອນໄຫວຢູ່ ລາວ ກ່ຽວກັບຂໍ້ຕົກລົງ ຂອງ UNESCO ໃນວັນທີ 6 ກໍລະກົດ 2019 ວ່າດ້ວຍການຮັບຮອງເອົາທົ່ງໄຫຫີນຊຽງຂວາງ ແມ່ນມໍລະດົກວັດທະນະທໍາໂລກ.
 |
ທ່ານ ສຈ. ດຣ. ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະການທ່ອງທ່ຽວລາວ ແລະເຈົ້າແຂວງໆຊຽງຂວາງ ທີ່ການປະຊຸມຂ່າວ. (ພາບ: vov.vn)
ທ່ົ່ງໄຫຫີນຊຽງຂວາງ ແມ່ນກຸ່ມທັດສະນີຍະພາບຂອງບັນດາໄຫຫີນເກົ່າແກ່ໄດ້ຈັດວາງຢູ່ 11 ສະຖານທີ່ຕ່າງຫາກຢູ່ບັນດາເມືອງແປກ, ຜາໄຊ, ພູກູດ, ຄຳ ຂອງແຂວງຊຽງຂວາງ.
 |
ທົ່ງໄຫຫີນຊຽງຂວາງ. (ພາບ: vov.vn)
ກ່າວຄໍາເຫັນທີ່ການປະຊຸມຂ່າວ, ທ່ານ ສຈ. ດຣ. ບໍ່ແສງຄຳ ວົງດາລາ ຢັ້ງຢືນວ່າ: “ລັດຖະບານ, ກະຊວງຖະແຫຼງຂ່າວ, ວັດທະນະທໍາ ແລະການທ່ອງທ່ຽວລາວ ພ້ອມດ້ວຍປະຊາຊົນລາວ ໄດ້ມີແຜນການສືບຕໍ່ບູລະນະ, ປົກປັກຮັກສາທົ່ງໄຫຫີນຊຽງຂວາງ ໄວ້ໃຫ້ດີທີ່ສຸດ, ສອດຄ່ອງກັບບັນດາຂໍ້ກໍານົດຂອງອົງການຈັດຕັ້ງ UNESCO ກໍ່ຄືຮັບປະກັນແຜນນະໂຍບາຍຂອງລັດຖະບານ ລາວ. ພວກຂ້າພະເຈົ້າຈະຍູ້ແຮງວຽກງານໂຄສະນາເຜີຍແຜ່ເພື່ອໃຫ້ປະຊາຊົນລາວ ແລະເພື່ອນມິດໃນທົ່ວໂລກ ແລະແຂກທ່ອງທ່ຽວຮູ້ຈັກເຖິງມໍລະດົກວັດທະນະທໍາທີ່ເປັນເອກະລັກສະເພາະນີ້. ຜ່ານນັ້ນ, ດຶຶງດູດແຂກທ່ອງທ່ຽວມາຢ້ຽມຊົມໃຫ້ນັບມື້ນັບຫຼາຍຂຶ້ນ, ປະກອບສ່ວນພັດທະນາເສດຖະກິດ”.
（ແຫຼ່ງຂໍ້ມູນ： la.qdnd.vn）
