| ສະຖານທູດ ຫວຽດນາມ ປະຈຳ ບັນດາປະເທດ ສະເຫຼີມສະຫຼອງ 75 ປີ ແຫ່ງວັນຊາດ ຫວຽດນາມ ແລະ ວັນສ້າງຕັ້ງຂະແໜງການທູດ | |
| ການນຳພັກ,ລັດໄດ້ເຂົ້າຂ່ຳນັບສຸສານປະທານໂຮ່ຈີມິນເນື່ອງໃນໂອກາດ 75 ປີແຫ່ງວັນຊາດຫວຽດນາມ ທີ 2 ກັນຍາ |
 |
| ທ່ານ Mike Pompeo ລັດຖະມົນຕີກະຊວງການຕ່າງປະເທດອາເມລິກາ ແລະ ທ່ານຟ້າມບິ່ງມິງ ລັດຖະມົນີກະຊວງການຕ່າງປະເທດ ຫວຽດນາມ (ພາບ: AFP) |
ເນື່ອງໃນໂອກາດສະເຫຼີມສະຫຼອງວັນຊາດປະເທດ ສາທາລະນະລັດສັງຄົມນິຍົມຫວຽດນາມ (02 ກັນຍາ 1945 – 02 ກັນຍາ 2020), ການນຳບັນດາປະເທດໄດ້ສົ່ງໂທລະເລກ ແລະ ຈົດໝາຍອວຍພອນເຖິງການນຳພັກ, ລັດຫວຽດນາມ.
ໃນຈົດໝາຍອວຍພອນຂອງພະບາດສົມເດັດພະບໍລົມມະນຽດ Norodom Sihamoni ແຫ່ງລາຊະອານາຈັກກຳປູເຈຍ ແລະ ຄະນະບໍລິຫານງານສູນກາງພັກປະຊາຊົນກຳປູເຈຍ (CPP) ໄດ້ຢືນຢັນຄວາມຕັດສິນໃຈປັບປຸງ ແລະ ເພີ່ມທະວີການພົວພັນສາມັກຄີ, ມິດຕະພາບ ແລະ ການຮ່ວມມືທີ່ເປັນມູນເຊື້ອອັນດີງາມລະຫວ່າງ 2 ປະເທດ, ດ້ວຍທິດນຳທີ່ວ່າ “ຖານບ້ານໃກ້ເຮືອນຄຽງອັນດີງາມ, ການພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານ” ລະຫວ່າງ 2 ປະເທດ.
ໃນໂທລະເລກຊົມເຊີຍຂອງບັນດາການນຳກຸບາ ຢືນຢັນຄວາມປາດຖະໜາຢາກສືບຕໍ່ຊຸກຍູ້ການພົວພັນທີ່ເປັນມູນເຊື້ອມິດຕະພາບ ແລະ ການຮ່ວມມືຮອບດ້ານລະຫວ່າງ 2 ປະເທດ.
ໃນໂທລະເລກຂອງທ່ານປະທານາທິບໍດີສະຫະພັນລັດເຊຍ Vladimir Putin ແລະ ບັນດາການນຳສະຫະພັນລັດເຊຍ ສະແດງຄວາມເຊື່ອໝັ້ນວ່າ 2 ຝ່າຍຈະພ້ອມກັນມານະພະຍາຍາມເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສະຫະພັນລັດເຊຍ - ຫວຽດນາມ ໃຫ້ເລິກເຊິ່ງກວ່າ.
ເນື່ອງໃນໂອກາດານີ້, ກະສັດມາເລເຊຍ, ການນຳລັດຖະບານມາເລເຊຍ; ການນຳໄທ; ນາຍົກລັດຖະມົນຕີສິງກະໂປ; ການນຳມຽນມາ ກໍ່ໄດ້ສົ່ງໂທລະເລກ, ຈົດໝາຍອວຍພອນເຖິງການນຳຫວຽດນາມ ເນື່ອງໃນໂອກາດນີ້ເຊັ່ນດຽວກັນ.
ວັນທີ 1 ກັນຍາ, ທ່ານ Mike Pompeo ລັດຖະມົນຕີກະຊວງການຕ່າງປະເທດອາເມລິກາ ໄດ້ປັນຕາງໜ້າໃຫ້ລັດຖະບານ ອາເມລິກາ ສົ່ງໂທລະເລກອວຍພອນຫວຽດນາມ ເນື່ອງໃນໂອກາດວັນຊາດ. ສານຂອງທ່ານ Mike Pompe ຢັ້ງຢືນວ່າ ການຫັນປ່ຽນຢ່າງປະທັບໃຈໃນການພົວພັນລະຫວ່າງ ຫວຽດນາມ - ອາເມລິກາ, ນັບທັງດ້ານການຄ້າ ແລະ ການລົງທຶນ, ການຮ່ວມມືດ້ານຄວາມໝັ້ນຄົງ ແລະ ການພົວພັນຂັ້ນປະຊາຊົນ, ເປັນຫຼັກຖານສະແດງໃຫ້ບັນດາຜູູ້ຄົນທີ່ມີຄວາມມານະພະຍາຍາມຜ່ານຜ່າອະດີດ ແລະ ສ້າງອະນາຄົດທີ່ສົດໃຈກ່ວາໃຫ້ແກ່ປະຊາຊົນສອງປະເທດ. ອາເມລິກາກໍ່ສະແດງຄວາມຊົມເຊີຍຕໍ່ເລື່ອງຫວຽດນາມຮັບດຳລົງສຳເລັດຕຳແໜ່ງເປັນປະທານອາຊຽນໃນປີທີ່ເຕັມໄປດ້ວຍສິ່ງທ້າທາຍ 2020 ນີ້ ແລະ ຕີລາຄາສູງການສົມທົບຢ່າງແໜ້ນແຟ້ນຂອງຫວຽດນາມ ໃນບັ້ນຕໍ່ສູ້ຕ້ານໂລກລະບາດ Covid - 19.
 | ປະທານາທິບໍດີ ເຢຍລະມັນສົ່ງໂທລະເລກອວຍພອນເນື່ອງໃນໂອກາດວັນຊາດ ຫວຽດນາມ ທີ 2 ກັນຍາ ຍສໝ - ວັນທີ 31 ສິງຫາ, ສະຖານທູດ ເຢຍລະມັນປະຈຳຮ່າໂນ້ຍໃຫ້ຮູ້ວ່າ ທ່ານ Frank-Walter Steinmeier ປະທານາທິບໍດີ ສາທາລະນະລັດສະຫະພັນ ເຢຍລະມັນ ໄດ້ສົ່ງໂທລະເລກອວຍພອນເນື່ອງໃນໂອກາດວັນຊາດຫວຽດນາມ ໄປຍັງທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ແລະ ປະຊາຊົນຫວຽດນາມທຸດທ້ວນໜ້າ. |
 | ປະຊາຄົມຊາວຫວຽດນາມອາໄສຢູ່ກຳປຸເຈຍຖະຫວາຍທູບທຽນເນື່ອງໃນໂອກາດວັນຊາດຫວຽດນາມ ຍສໝ - ທ່ານ ເຈົາວັນຈຕີ, ປະທານສະມາຄົມ ຂະແມ - ຫວຽດນາມ, ຢັ້ງຢືນວ່າ:"ວັນຊາດ ແມ່ນວັນບຸນມີຄວາມໝາຍທີ່ສຸດສຳລັບພໍ່ແມ່ປະຊາຊົນເຊື້ອສາຍຫວຽດນາມ ຢູ່ກຳປູເຈຍ. ຍາມໃດພໍ່ແມ່ປະຊາຊົນກໍ່ອ່າຍໜ້າໄປເຖິງບ້ານເກີດ, ປະເທດຊາດຂອງຕົນ. |
 | ບັນດາການເຄື່ອນໄຫວແທດຈິງເພື່ອສະເຫຼີມສະຫຼອງ 73 ປີແຫ່ງວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ ວັນທີ 27 ກໍລະກົດ ຍສໝ - ໃນຊຸມວັນນີ້, ບັນດາກະຊວງ,ຂະແໜງການ, ທ້ອງຖິ່ນ…ໃນທົ່ວປະເທດພວມຈັດຕັ້ງຫຼາຍການເຄື່ອນໄຫວທີ່ມີຄວາມໝາຍເພື່ອສະເຫຼີມສະຫຼອງ 73 ປີແຫ່ງວັນ ທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ (ວັນທີ 27 ກໍລະກົດ). |
ບຸນຄົງ
